Ózbekstan Respublikası Prezidentiniń 2024-jıldaǵı PQ-5-sanlı qararı talapların orınlaw maqsetinde, sonday-aq, Ózbekstan Respublikası Ministrler Kabinetiniń 2024 jıl 9-fevraldaǵı 79-sanlı qararına muwapıq Kegeyli rayonı “Suw jetkerip beriw xızmeti” mámleketlik mákemesiniń 2025 jıl 3-iyuldaǵı 01/1-16-98/1-sanlı Kegeyli rayonında vegetaciya dáwirinde suwdan paydalanıwshılar kesiminde awıl xojalıǵı eginlerin suwǵarıw ushın suw alıw limitlerin tastıyıqlaw haqqındaǵı usınıs xatın qarap shıǵıp hámde «Jergilikli mámleketlik hákimiyat haqqında»ǵı Qaraqalpaqstan Respublikası Nızamınıń 21-statyasına muwapıq Xalıq deputatları Kegeyli rayonlıq Keńesi sheshim etedi:

1. Ózbekstan Respublikası Prezidentiniń 2024-jıl 5-yanvardaǵı PQ-5-sanlı qararı hámde Ózbekstan Respublikası Ministrler Kabinetiniń 2024-jıl 9-fevraldaǵı 79-sanlı qararınıń 5-qosımshasındaǵı berilgen wazıypalar orınlaw ushın basshılıqqa alınsın.

2. Kegeyli rayonı “Suw jetkerip beriw xızmeti” mámleketlik mákemesiniń 2025-jıl 3-iyuldaǵı 01/1-16-98/1-sanlı Kegeyli rayonında vegetaciya dáwirinde suwdan paydalanıwshılar kesiminde awıl xojalıǵı eginlerin suwǵarıw ushın suw alıw limitlerin tastıyıqlaw haqqındaǵı usınısı maqullansın.

3. Xalıq deputatları Kegeyli rayonlıq Keńesiniń 2024 jıl 19-sentyabrdegi VI-97-121-13-184-K/24-sanlı hamde 2025 jıl 3-iyun kúngi VII-8-54-13-184-K/25-sanlı sheshimleri óz kúshin joytqan dep esaplansın.

4. Ózbekstan Respublikası Ministrler Kabinetiniń 2024-jıl 9-fevraldaǵı 79-sanlı qararınıń 5-qosımshasına tiykar Kegeyli rayonında vegetaciya dáwirinde awıl xojalıǵı eginlerin suwǵarıw ushın fermerler kesiminde ajıratılǵan suw alıw limitleri 1 hamde 2 qosımshaǵa muwapıq tastıyıqlansın.

5. Kegeyli rayonı “Suw jetkerip beriw xızmeti” mámleketlik mákemesi (K.Temirxanov), Kegeyli rayonı fermer, diyxan xojalıǵı hám qıytaq jer iyeleri keńesi (J.Qaypov), tiyisli mákemeler menen birgelikte:

- Ózbekstan Respublikası Prezidentiniń 2024-jıl 5-yanvardaǵı PQ-5-sanlı qararına tiykar 2025-jıldıń vegetaciya dáwiri ushın ajıratılǵan limitler tiykarında fermerler xojalıqlarına suwdı retlestirip jetkerip beriw boyınsha zárúr ilajlar belgilesin;

- islengen jumıslar haqqında 2025 jıldıń 1 avgust sánesine Xalıq deputatları Kegeyli rayonlıq Keńesine jazba túrde maǵlıwmat beriw tapsırılsın.

6. Usı sheshimniń orınlanıwın qadaǵalaw Xalıq deputatları Kegeyli rayonlıq Keńesiniń agrar, qurılıs, kommunal tarawlar, ekologiya, sanaat hám transport máseleleri boyınsha turaqlı komissiyası (J.Qaypov)na hámde Kegeyli rayonı hákiminiń awıl hám suw xojalıǵı máseleleri boyınsha orınbasarı A.Tilewlesovqa júklensin.

7. Sheshim qabıl etilgen kúnnen baslap kúshke kiredi.