Ózbekstan Respublikası Ministrler Kabinetiniń 2017-jıl 15-marttaǵı «Ulıwma orta bilim beriw haqqında»ǵı 140-sanlı qararı hám de Qaraqalpaqstan Respublikası mektepke shekemgi hám mektep bilimlendiriw ministriniń 2024-jıl 10-dekabrdegi 01-11-8175-sanlı qatnas xatın tiyisli tártipte kórip shıǵıp, sheshim qabıl etemen:

1.Ózbekstan Respublikası Ministrler Kabinetiniń 2017-jıl 15-marttaǵı «Ulıwma orta bilim beriw haqqında»ǵı 140-sanlı qararı orınlaw ushın basshılıqqa alınsın.

2. Rayonlıq mektepke shekemgi hám mektep bilimlendiriwi bólimine qaraslı ulıwma orta bilim beriw mekteplerine balalardı qamtıp alıw boyınsha aymaqlar (mikrouchastka) dizimi qosımshaǵa muwapıq tastıyıqlansın.

3. Rayonlıq mektepke shekemgi hám mektep bilimlendiriwi bólimine (F.Ergulanova):

-Ózbekstan Respublikası Ministrler Kabinetiniń 2017-jıl 15-marttaǵı «Ulıwma orta bilim beriw haqqında»ǵı 140-sanlı qararı menen tastıyıqlanǵan rejesi talapları tiykarında jumıs alıp barıw;

-ulıwma bilim beriw mektepleri óz aymaǵında (mikrouchastka) jasawshı mektep jasındaǵı balalardı májbúriy bilim alıwǵa tolıq tartıw, bul jumıslardı sıpatlı ámelge asırıw boyınsha juwapker qánigelerdi biriktiriwdi shólkemlestiriw wazıypaları tapsırılsın.

4. Usı sheshimniń qabıl etiliwine baylanıslı Qońırat rayonı hákiminiń 2023-jıl 19-avgusttaǵı 200-13-185-Q/23-sanlı sheshimi óz kúshin joǵaltqan,-dep esaplansın.

5. Sheshim rayon hákimliginiń rásmiy veb saytında járiyalanǵan kúnnen baslap kúshke kiritilsin

6. Usı sheshimniń orınlanıwın qadaǵalaw rayon hákiminiń orınbasarı A.Mamutovqa júkletilsin.