Ўзбекистон Республикаси Вазирлар Маҳкамасининг 2024 йил 26 ноябрдаги 787-сон «Махсус электрон тизим орқали рухсат этиш хусусиятига эга айрим ҳужжатларни бериш соҳасидаги қонунчилик ҳужжатлари тизимлаштирилиши муносабати билан Вазирлар Маҳкамасининг «Халқаро йўлларда ташиш дафтарчасини қўллаган ҳолда юкларни халқаро ташиш соҳасидаги айрим норматив-ҳуқуқий ҳужжатларни тасдиқлаш тўғрисида» 2021 йил 2 декабрдаги 727-сон қарорига ўзгартириш ва қўшимчалар киритиш тўғрисида»ги қарорига мувофиқ буюраман:

1. Ўзбекистон Республикаси Давлат божхона қўмитасининг 2021 йил 10 ноябрдаги 01-02/8-51-сон қарори (рўйхат рақами 3343, 2021 йил 27 декабрь) (Қонунчилик маълумотлари миллий базаси, 27.12.2021 й., 10/21/3343/1205-сон) билан тасдиқланган Ўзбекистон Республикасига олиб кириладиган товарларга тўланиши лозим бўлган божхона тўловлари миқдорини аниқлаш бўйича дастлабки қарорни қабул қилиш тартиби тўғрисидаги низомнинг 4-иловаси матнидаги «Давлат божхона қўмитасининг» деган сўзлар «Иқтисодиёт ва молия вазирлиги ҳузуридаги Божхона қўмитасининг» деган сўзлар билан алмаштирилсин.

2. Мазкур буйруқ Ўзбекистон Республикаси Рақамли технологиялар вазирлиги ва Ўзбекистон Савдо-саноат палатаси билан келишилган.

3. Ушбу буйруқ расмий эълон қилинган кундан эътиборан кучга киради.