Ózbekstan Respublikasınıń “Geografiyalıq obyektlerdiń atamaları haqqında”ǵı Nızamı hám Ózbekstan Respublikası Ministrler Kabinetiniń 2012-jıl 16-oktyabr kúngi “Geografiyalıq obyektlerdiń atamaları haqqında”ǵı Ózbekstan Respublikası Nızamına muwapıq geografiyalıq obyektlerdiń atamaları tarawındaǵı islerdi tártipke salıw is-ilajları haqqında”ǵı 295-sanlı qararınıń orınlanıwın támiyinlew hám de Geografiyalıq obyektlerdi ataw hám olardı qayta ataw máseleleri haqqındaǵı usınıslardı mámleketlık ekspertizadan ótkeriw boyınsha Ózbekstan Respublikası Ekonomika hám finans ministrligi janındaǵı Kadastr agentligi ekspert komissiyasınıń 2025-jıl 14-may kúngi bayanlamasına tiykar, Ózbekstan Respublikasınıń “Jergilikli mámleketlik hákimiyatı haqqında”ǵı Nızamınıń 6-statyasına tiykarlanıp, Xalıq deputatları Xojeli rayonlıq Keńesi SH E SH I M E T E D I:

1. Xojeli rayonındaǵı atamasız kóshelerge usınıs etilip atırǵan kóshe atamaları hám de atamaları qayta atalatuǵın kósheler dizimi qosımshaǵa muwapıq tastıyıqlansın.

2. Ózbekstan Respublikası Ekonomika hám finans ministrligi janındaǵı Kadastr agentligi rayonlıq bólimi (I.Rısbayev) hám basqa da tiyisli shólkem hám mákeme baslıqlarına:

atamaları ózgertiriletuǵın geografiyalıq obyektlerdi mámleket diziminen ótkeriw hám de is hújjetlerine tiyisli ózgertiwler kirgiziw menen baylanıslı ilajlardı ámelge asırsın.

3. Ózbekstan Respublikası Ekonomika hám finans ministrligi janındaǵı Kadastr agentligi rayonlıq bólimi (I.Rısbayev)ne:

usı sheshim qabıl etilmesten aldın kadastr hújjetleri islenip, tiyiski tártipte rásmiylestirilgen hám de usı sheshim menen geografik obeyktlerdiń atamalarında ózgeris bolatuǵın obeyklerdiń kadastr hújjetlerin qayta rásmiylestiriwi biypul ámelge asırılıwın támiyinlesin.

4. Rayonlıq Abadanlastırıw basqarması (T.Tadjimuratov) hám Máhálleler awqamı (N.Paxratdinov)na:

usı sheshim qabıl etiliwi múnásebeti menen geografik obeyktlerdiń atamaları jazılǵan kóshe belgilerin tiyisli tártipte ornatılıwın támiyinlesin.

5. Usı sheshimniń orınlanıwın qadaǵalaw Xalıq deputatları Xojeli rayonlıq Keńesiniń bilimlendiriw, densawlıqtı saqlaw, mádeniyat, sport hám sociallıq qorǵaw máseleleri boyınsha turaqlı komissiyasına júklensin.

6. Sheshim hákimliktiń rásmiy vebsaytlarına jaylastırlıwı támiyinlensın.

7. Bul sheshim qabıl etilgen kúnnen baslap kúshke kiredi.