Tuman markaziy qatnov qismi boʻlgan yoʻllarda, ayniqsa, Hamid Olimjon MFY hududlarida yoʻl-transport hodisalarining sodir etilishi va tirbandlikning hosil boʻlishiga imkon beruvchi sabab va shart-sharoitlarni bartaraf etish asosida yoʻl harakati qoidalari buzilishi profilaktikasi, yoʻl-transport hodisalari va yoʻllar bandligining oldini olish, yoʻllarni saqlash va yoʻl belgilari axborot koʻrsatkichlarini oʻrnatish, ushbu orqali yoʻl harakatini tartibga solish hamda bu borada Oʻzbekiston Respublikasi Prezidentining 2017-yil 11-iyuldagi PQ-3127-son “Yoʻl harakati xavfsizligini taʼminlash tizimini yanada takomillashtirish chora-tadbirlari toʻgʻrisida”gi qarori ijrosini taʼminlash maqsadida, “Yoʻl harakati xavfsizligi toʻgʻrisida”gi Qonunining 7-moddasiga asosan, qaror qilaman:

1.Tuman Ishchi guruh tomonidan tuzilgan dalolatnoma hamda sxema maʼlumot uchun qabul qilinsin.

2.Tuman yoʻnalishida boʻlgan avtomobil yoʻllarining 4 K – 923 A “Beshariq shahriga” avtomobil yoʻlining 3.1-kilometr qismi oʻng tomoniga tutashuvchi “Shodlik” istirohat bogʻiga kirish va chiqish ichki yoʻliga 2 dona 3.27-bandlarida belgilangan “Transport vositalarining toʻxtashi va toʻxtab turishi taʼqiqlanadi” deb belgilangan yoʻl belgilari va yoʻl harakati qoidalarining 7.2.2-bandida koʻrsatilgan “Qoʻshimcha axborot ishora” yoʻl belgisi bilan qoʻshib oʻrnatilsin (3.27 — 3.30 belgilarining amal qilish oraligʻi oxiriga 3.27 — 3.30 belgilari 7.2.3 qoʻshimcha axborot belgisi bilan birga takror oʻrnatiladi yoki 7.2.2 qoʻshimcha axborot belgisi bilan qoʻllaniladi).

3.Tuman Ichki ishlar boʻlimi Yoʻl harakati xavfsizligi guruhi rahbari A.Anvarov, Beshariq tuman Yoʻllardan foydalanish davlat muassasasi rahbari U.Abduraxmonov, tuman Qurilish va uy-joy kommunal xoʻjaligi boʻlimi boshligʻi Sh.Qosimovlarga vakolatlari doirasida kelishuv asosida yoʻl belgilarini meʼyoriy hujjatlarda koʻrsatilgan koʻrinishda, balandlikda oʻrnatilishini taʼminlash;

Yoʻllarni saqlash va ularni yoʻl belgilari, axborot koʻrsatkichlari, yoʻl harakatini tartibga solishning boshqa vositalari bilan jihozlash boʻyicha oʻrnatilgan talablarga soʻzsiz rioya etilishini taʼminlash vazifasi topshirilsin.

4.Tuman “Beshariq tongi” gazetasi bosh muharriri S.Temirovga, mazkur qarorni tuman gazetasida chop etish vazifasi topshirilsin.

5.Mazkur qaror qabul qilingan kundan boshlab kuchga kiritilsin.

6.Ushbu qarorning bajarilishini nazorat qilishni oʻz zimmamda qoldiraman.