Qońırat rayonındaǵı fermer xojalıqları hám de awıl xojalıǵı kárxanalarına 2025-jıl vegetaciya dáwirinde ajratılǵan suw limiti hám haqıyqıy alınatuǵın suw muǵdarın tastıyıqlaw haqqındaǵı Ózbekstan Respublikası Prezidentiniń 2024-jıl 5-yanvardaǵı «Tómen buwında suw resursların basqarıw sistemasın jetilistiriw hám de suw resurslarınan paydalanıw nátiyjeliligin asırıw ilájları haqqında”ǵı PQ-5-sanlı qararınıń orınlanıwın támiyinlew maqsetinde hám de Ózbekstan Respublikası “Jergilikli mámleket hákimiyatı haqqında»ǵı Nızamınıń 6 hám 24-statyalarına muwapıq, Xalıq deputatları Qońırat rayonlıq Keńesi sheshim etedi:

1.Ózbekstan Respublikası Prezidentiniń 2024-jıl 5-yanvardaǵı PQ-5-sanlı qararı hámde Qaraqalpaqstan Respublikası Suw xojalıǵı Ministrliginiń 2025-jıl 25-mart kúngi № 67-sanlı «2025-jıl suwǵarıw dáwiri ushın suw alıw limitin tastıyıqlaw tuwrısında»ǵı buyrıqların orınlaw ushın basshılıqqa alınsın .

2.Qońırat rayonı «Suw jetkerip beriw xızmeti» mámleketlik mákemesiniń 2025-jıl 26-maydaǵı 01/08-752-sanlı «Qońırat rayonında vegetaciya dáwirinde suwdan paydalanıwshılar kesiminde awıl xojalıǵı eginlerin suwǵarıw ushın suw alıw limitlerin tastıyıqlaw haqqındaǵı VII-9-54-13-185-K/25-sanlı qararına ózgeris kiritiw tuwrisinda»ǵı usınısı maqullansın.

3.Qońırat rayonında vegetaciya dáwirinde awıl xojalıǵı eginlerin suwǵarıw ushın fermer xojalıqları hám de awıl xojalıǵı kárxanaları kesiminde ajıratılǵan suw alıw limitleri qosımshaǵa muwapıq tastıyıqlansın.

4.Xalıq deputatları Qońırat rayonlıq Keńesiniń “Qońırat rayonındaǵı fermer xojalıqları hám de awıl xojalıǵı kárxanalarına 2025-jıl vegetatciya dáwirinde ajratılǵan suw limiti hám haqıyqıy alınatuǵın suw múǵdarın tastıyıqlaw haqqında”ǵı VII-9-54-13-185-K/25-sanlı qararınıń qosımshası óz kushin joǵaltqan dep tabılsın.

5.Qońırat rayonı «Suw jetkerip beriw xızmeti» mámleketlik mákemesi (Djadigerov), Qońırat rayonı fermer, dıyqan xojalıqları hám de qıytaq jer iyeleri Keńesi tiyisli mákemeler menen birgelikte:

Ózbekstan Respublikası Prezidentiniń 2024-jıl 5-yanvardaǵı PQ-5-sanlı qararına tiykar 2025-jıldıń vegetaciya dáwiri ushın ajıratılǵan limitler tiykarında fermerler xojalıqlarına suwdı jetkerip beriw boyınsha zárúr ilájlar belgilesin.

6.Usı sheshimniń orınlanıwın támiyinlew rayon hakiminiń awıl hám suw xojalıǵı máseleleri boyınsha orınbasarı (T.Sultanov) na hám rayonlıq «Suw jetkerip beriw xızmeti» Mámleketlik mákemesi (Sh.Djadigerov) ne juklensin.

7.Usı sheshim qabıl etilgen kúnnen kúshke kiredi.