Ózbekstan Respublikası Ministrler Kabinetiniń 2013-jıl 19-marttaǵı “Ózbekstan Respublikasında suwdan paydalanıw hám suw tutınıwı tártibi tuwrısındaǵı Rejeni tastıyıqlaw haqqında” ǵı 82-sanlı, 2024-jıl 9-fevraldaǵı ““Suw jetkerip beriw xızmeti” mámleketlik mákemeleri jumısların shólkemlestiriw is-ilajları haqqında”ǵı 79-sanlı hám Ózbekstan Respublikası Prezidentiniń 2024-jıl 5-yanvardaǵı “Tómen buwında suw resursların basqarıw sistemasın jetilistiriw hám de suw resurslarınan paydalanıw nátiyjeliligin asırıw ilajları haqqında”ǵı PQ-5-sanlı qararları orınlanıwı támiyinleniwi haqqında Qanlıkól rayonı “Suw jetkerip beriw xızmeti” mámleketlik mákemesi direktorı A.Sarsenbaevtıń esabatın tıńlap hám kórip shıǵıp, Ózbekstan Respublikasınıń “Jergilikli mámleketlik hákimiyat haqqında”ǵı Nızamınıń 6, 24-statyalarına muwapıq Xalıq deputatları Qanlıkól rayonlıq Keńesi ShEShIM ETEDI:

1. Ózbekstan Respublikası Ministrler Kabinetiniń 2013-jıl 19-marttaǵı “Ózbekstan Respublikasında suwdan paydalanıw hám suw tutınıwı tártibi tuwrısındaǵı Rejeni tastıyıqlaw haqqında” ǵı 82-sanlı, 2024-jıl 9-fevraldaǵı “Suw jetkerip beriw xızmeti” mámleketlik mákemeleri jumısların shólkemlestiriw is-ilajları haqqında”ǵı 79-sanlı hám Ózbekstan Respublikası Prezidentiniń 2024-jıl 5-yanvardaǵı “Tómen buwında suw resursların basqarıw sistemasın jetilistiriw hám de suw resurslarınan paydalanıw nátiyjeliligin asırıw ilajları haqqında”ǵı PQ-5-sanlı qararları tiykarında rayon aymaǵında suwdıń esabı hám esabatın júrgiziw jumıslarınıń orınlawı basshılıqqa alınsın.

2. Qanlıkól rayonı “Suw jetkerip beriw xızmeti” mámleketlik mákemesiniń tiyisli shólkemler menen birgelikte awıl xojalıǵına mólsherlengen jerlerdi suwǵarıw ushın paydalanılǵan suw kólemi, sonday-aq, diyxan xojalıqları hám awıl xojalıǵına mólsherlengen jerlerde suw resurslarınan paydalanǵanlıǵı ushın salıq tólemlerin belgilengen múddetlerde óndiriw ilajları haqqında hám Qanlıkól rayonında 2025-jıldıń suwǵarıw dáwiri ushın fermerler kesiminde egin túrlerine qarap suw limitin tastıyıqlaw haqqında Qanlıkól rayonı “Suw jetkerip beriw xızmeti” mámleketlik mákemesi direktorı (A.Sarsenbaev)nıń esabatı maǵlıwmat ushın qabıl etilsin.

3. 2025-jıl suwǵarıw dáwiri ushın fermerler kesiminde egin túrlerine qarap 210,0 mln. m3 suw limiti maqullansın hám 1-qosımshaǵa muwapıq tastıyıqlansın.

Bunda, Ózbekstan Respublikası Salıq kodeksiniń 445-statyası 4-bólimine muwapıq suwdan paydalanıw ushın belgilengen limitlerden artıqsha suw alınǵanda, bunday artıqsha bólek boyınsha salıq stavkaları belgilengen salıq stavkalarınıń bes esesi muǵdarında belgilenetiġınlıġı inábatqa alınsın.

4. Qanlıkól rayonı hákiminiń birinshi orınbasarı Ekonomika hám finans bólimi baslıgı w.a (B.Genjebaev), Qanlıkól rayonı hákiminiń orınbasarı (N.Abdullaev), Qanlıkól rayonı mámleketlik salıq inspekciyası (A.Eshmuratov), Qanlıkól rayonı “Suw jetkerip beriw xızmeti” mámleketlik mákemesi (A.Sarsenbaev), Qanlıkól rayonı ǵaznashılıq bólimbesi (S.Awezmuratov) menen birgelikte:

Ózbekstan Respublikası Ministrler Kabinetiniń 2024-jıl 9-fevraldaǵı 79-sanlı qararı menen tastıyıqlanǵan qaǵıyda tiykarında suw jetkerip beriw xızmeti iskerligin suw salıǵınan kelip túsken túsimlerinen kelip shıqqan halda qarjılandırıp barılsın;

awıl xojalıǵı kárxanalarınıń suw resurslarınan paydalanǵanlıǵı ushın salıq tóleminen rayon jergilikli byudjetine kelip túsken qarjılardı jıl juwmaǵına shekem qadaǵalap barılıwın támiyinlesin;

jerlerdiń shor juwıw ushın belgilengen limitler tiykarında tutınıwshılarǵa suw jetkiziw ilajların ámelge asırsın;

Ózbekstan Respublikası Prezidentiniń 2024-jıl 5-yanvardaǵı “Tómen buwında suw resursların basqarıw sistemasın jetilistiriw hám de suw resurslarınan paydalanıw nátiyjeliligin asırıw ilajları haqqında”ǵı PQ-5-sanlı qararı tiykarında rayon aymaǵında suwdıń esabı hám esabatın júrgiziw jumısları shólkemlestirilsin;

ózine biriktirilgen aymaqta suwdıń esabı hám esabatın júrgizsin;

suwǵarıw tarmaqları hám olardaǵı gidrotexnikalıq imaratlardı, saz jaǵdayda saqlaw, remontlaw-qayta tiklew ilajların ámelge asırsın;

5. Qanlıkól rayonı salıq inspekciyası (A.Eshmuratov) Qanlıkól rayonı “Suw jetkerip beriw xızmeti” mámleketlik mákemesi (A.Sarsenbaev) tiyisli shólkemler menen birgelikte awıl xojalıǵına mólsherlengen jerlerdi suwǵarıw ushın paydalanılǵan suw kólemi, sonday-aq, diyxan xojalıqları hám awıl xojalıǵına mólsherlengen jerlerge iye bolǵan yuridikalıq hám fizikalıq shaxslar ushın suw resurslarınan paydalanǵanlıǵı ushın salıq tólemlerin belgilengen tártipte hám múddetlerde óndiriw ilajları kórilsin.

6. Usı sheshimniń orınlanıwın tamiyinlew Qanlıkól rayonı hákiminiń awıl xojalıǵı hám suw xojalıǵı máseleleri boyınsha orınbasarı (N.Abdullaev)na júklensin.

7. Usı sheshimniń orınlanıwın qadaǵalaw Xalıq deputatları Qanlıkól rayonlıq Keńesiniń Jergilikli byudjet, isbilermenlikti rawajlandırıw hám ekonomikalıq reformalar máseleleri boyınsha turaqlı komissiyası (L.Eshbaeva)na hám Agrar, suw xojalıǵı hám ekologiya máseleleri boyınsha turaqlı komissiyası (D.Abdullaev)na júklensin.

8. Sheshim rásmiy járiyalanġan kúnnen baslap kúshke kiredi.