Ózbekstan Respublikası Prezidentiniń 2024-jıl 5-yanvar kúngi PQ 5-sanlı qararına tiykar Ózbekstan Respublikası hám Qaraqalpaqstan Respublikası Suw xojalıǵı quramındaǵı rayon irrigaciya bólimleri iskerligi juwmaqlanıp, Suw jetkerip beriw xızmeti mámleketlik mákemesi óz jumısın basladı.

Ózbekstan Respublikası Prezidentiniń 2024-jıl 5-yanvar kúngi “Tómengi qatlamda suw resursların basqarıw sistemasın jedellestiriw hámde suw resurıslarınan paydalanıw nátiyjeliligin asırıw haqqındaǵı” PQ-5-sanlı qararınıń 7-bóliminde “hár jılı 1-aprelge shekem vegetaciya dáwiri ushın hám 1-oktyabrge shekem gúz-qıs shor juwıw dáwiri ushın aqırǵı suwdan paydalanıwshılar kesiminde eginlerdi suwǵarıw ushın suw alıw limitleri aymaqlar kesiminde limit shegarasında bólinip, tastıyıqlaw ushın Xalq deputatları rayon Keńesine kiritiw” wazıypası belgilengen.

Joqarıdaǵılardan kelip shıǵıp Qaraqalpaqstan Respublikası Suw xojalıǵı ministirliginiń 2025-jıl 25-mart kúngi 67-sanlı buyrıǵına tiykar 2025-jıl jazǵı suwǵarıw máwsimi ushın Shomanay rayonına 210 mln m3 suw muǵdarı ajıratılǵan bolıp, rayon aymaǵındaǵı óz iskerligin júritip atırǵan klaster hám fermer xojalıqlar, awıl puxaraları jıyınları hám basqa da suwdan paydalanıwshılarǵa limitler bólingen.

Joqarıdaǵılardı esapqa alıp Shomanay rayonlıq “Suw jetkerip beriw xızmeti” mámleketlik mákemesiniń 2025-jıl 26-mart kúngi 5/06-73-sanlı xatına hám «Jergilikli hákimiyat haqqındaǵı» Ózbekstan Respublikası Nızamınıń 6-24-statyalarına muwapıq xalıq deputatları Shomanay rayonlıq Keńesi ShEShIM ETEDI:

1. Ózbekstan Respublikası Prezidentiniń 2024-jıl 5-yanvardaǵı “Tómen buwında suw resurslarin basqarıw sistemasın jetilistiriw hám de suw resurslarınan paydalanıw nátiyjeliligin asırıw ilajları haqqında”ǵı PQ-5-sanlı qararı orınlaw ushın qabıl etilsin.

2. Xalıq deputatları Shomanay rayonlıq Keńesiniń 2025-jıl 3-iyun kúngi “Shomanay rayonı boyınsha 2025-jıl vegetaciya dáwirinde suwǵarıw jumısları ushın ajıratılǵan suw limitin tastıyıqlaw haqqında”ǵı VII-9-77-13-193-K/25-sanlı sheshiminiń qosımshasına Shomanay rayonı «Suw jetkerip beriw xızmeti» mámleketlik mákemesiniń 2025-jıl 4-iyun kúngi 5/06-137-sanlı usınıs xatına tiykar ózgerisler kiritilip, qayta tastıyıqlansın.

3. Shomanay rayonı «Suw jetkerip beriw xızmeti» mámleketlik mákemesi direktorı B.Xojanazarovqa:

- Ózbekstan Respublikası Prezidentiniń 2024-jıl 5-yanvardaǵı “Tómen buwında suw resursların basqarıw sistemasın jetilistiriw hám de suw resurslarınan paydalanıw nátiyjeliligin asırıw ilajları haqqında”ǵı PQ-5-sanlı qararı tiykarında jumıslardı shólkemlestiriw;

- belgilengen limitler tiykarında tutınıwshılarǵa suw jetkiziw;

- ózine biriktirilgen aymaqta suwdıń esabı hám esabatın júrgiziw;

- suwǵarıw tarmaqları hám olardaǵı gidrotexnikalıq imaratlardı saz jaǵdayda saqlaw, ońlaw qayta tiklew ilajların ámelge asırıw;

- suw tutınıwshılarınıń talapnaması tiykarında basqa suw xojalıǵı xızmetlerin kórsetiw wazıypaları júkletilsin.

4. Usı sheshimnin orınlanıwın qadaǵalaw Xalıq deputatları rayonlıq Kenesiniń Agrar, suw xojalıǵı hám ekologiya máseleleri boyınsha turaqlı komissiyası (A.Yusupov)na júkletilsin.