Oʻzbekiston Respublikasi Vazirlar Mahkamasining 2025-yil 13-maydagi “Hududlarni kompleks rivojlantirish va aholi farovonligini taʼminlash uchun kadrlarning oʻzaro tajriba almashishi va zamonaviy ish uslublarini oʻrgatishga qaratilgan chora-tadbirlar toʻgʻrisida”gi 316-sonli qarori va shu yuzasidan viloyat hokimining 2025-yil 19-iyundagi 275-12-0-Q/25-sonli qarorining ijrosini taʼminlash maqsadida qaror qilaman:

1.Oʻzbekiston Respublikasi Vazirlar Mahkamasining 2025-yil 13-maydagi “Hududlarni kompleks rivojlantirish va aholi farovonligini taʼminlash uchun kadrlarning oʻzaro tajriba almashishi va zamonaviy ish uslublarini oʻrgatishga qaratilgan chora-tadbirlar toʻgʻrisida”gi 316-sonli qarori va shu yuzasidan viloyat hokimining 2025-yil 19-iyundagi 275-12-0-Q/25-sonli qarori rahbarlik va ijro uchun qabul qilinsin.

2.Oʻzbekiston Respublikasi Vazirlar Mahkamasining mazkur qarori bilan: hududlarni kompleks rivojlantirish va aholi daromadlarini oshirish boʻyicha ijobiy tajribalarni ommalashtirishga qaratilgan Respublika va hududlardagi iqtisodiy kompleks xodimlarining oʻzaro tajriba almashish dasturi doirasida har yili yanvar- noyabr oylarida, istisno tariqasida, 2025-yilda 15-maydan 15-dekabrga qadar:

tuman (shahar) hokimlarining moliya-iqtisodiyot va kambagʻallikni qisqartirish boʻyicha birinchi oʻrinbosarlari – iqtisodiyot va moliya boʻlimlari boshliqlari (keyingi oʻrinlarda – hokim oʻrinbosarlari) iqtisodiy kompleks tarkibiga kiruvchi vazirliklar, idoralar va tijorat banklariga;

iqtisodiy kompleks tarkibiga kiruvchi vazirliklar, idoralar va tijorat banklarining malakali rahbar va mutaxassislari (keyingi oʻrinlarda – respublika vakillari) mehnat qonunchiligiga muvofiq boshqa ish beruvchiga hokim oʻrinbosarlari lavozimlariga vaqtincha xizmat safariga yuborilishi;

Bunda respublika vakillari iqtisodiy kompleks tarkibiga kiruvchi vazirliklar, idoralar va tijorat banklarining bosh mutaxassis lavozimidan past boʻlmagan lavozimda ishlovchi hamda kamida 5 yil ish stajiga ega malakali xodimlardan tanlab olinishi belgilanganligi maʼlumot uchun qabul qilinsin.

3.Tuman hokimining birinchi oʻrinbosari S.Pirnapasov Oʻzbekiston Respublikasi Vazirlar Mahkamasining 2025-yil 13-maydagi 316-sonli qarorida belgilangan topshiriqlarning oʻz vaqtida va sifatli bajarilishini taʼminlasin hamda amalga oshirilgan ishlar boʻyicha viloyat hokimligiga axborot kiritib borsin.

4.Mazkur qarorning ijrosini nazorat qilishni oʻz zimmamda qoldiraman.