Ózbekstan Respublikası Prezidentiniń 2024 jıl 9-yanvar kúngi “Tómengi buwında suw resursların basqarıw sistemasın jetilistiriw hám suw resurslarınan paydalanıw natiyjeliligin arttırıw ilajları haqqında”ǵı PQ-5-sanlı qararı hám de Ózbekstan Respublikası Ministrler Kabinetiniń 2024-jıl 9-fevral kúngi “Suw jetkerip beriw xızmeti” mámleketlik mekemeleriniń jumısın shólkemlestiriw ilajları haqqında”ǵı 79-sanlı qararına muwapıq Shımbay rayonı “Suw jetkerip beriw xızmeti” mámleketlik mekemesiniń 2025-jıl 27-mart kúngi 01/05-16-110-sanlı Shımbay rayonında vegetaciya dáwirinde suwdan paydalanıwshılar kesiminde awıl xojalıǵı eginlerin suwǵarıw ushın suw alıw limitlerin tastıyıqlaw haqqındaǵı usınıs xatın qarap shıǵıp hám de “Jergilikli mámleketlik hákimiyat haqqında”ǵı Qaraqalpaqstan Respublikası Nızamınıń 21-statyasına muwapıq Xalıq deputatları Shımbay rayonlıq Keńesi sheshim etedi:

1. Ózbekstan Respublikası Prezidentiniń 2024-jıl 5-yanvar kúngi PQ-5-sanlı qararı hám Ózbekstan Respublikası Ministrler Kabinetiniń 2024-jıl 9-fevral kúngi 79-sanlı qararınıń 5-qosımshasındaǵı berilgen wazıypalar orınlaw ushın basshılıqqa alınsın.

2. Shımbay rayonı “Suw jetkerip beriw xızmeti” mámleketlik mekemesiniń 2025-jıl 27-mart kúngi 01/05-16-110-sanlı Shımbay rayonında vegetaciya dáwirinde suwdan paydalanıwshılar kesiminde awıl xojalıǵı eginlerin suwǵarıw ushın suw alıw limitlerin tastıyıqlaw haqqındaǵı usınısı maqullansın.

3. Shımbay rayonında vegetaciya dáwirinde awıl xojalıǵı eginlerin suwǵarıw ushın fermerler kesiminde ajıratılǵan suw alıw limitleri belgilengen tártipte 1-qosımshaǵa muwapıq tastıyıqlansın.

4. Shımbay rayonı “Suw jetkerip beriw xızmeti” mámleketlik mákemesi baslıǵı A.Kadirbaev:

- qosımsha limitlerinen tısqarı suw muǵdarın ajıratıw boyınsha Qaraqalpaqstan Respublikası Suw xojalıǵı ministrligine usınıs kiritsin.

5. Shımbay rayonı hákiminiń awıl hám suw xojalıǵı máseleleri boyınsha orınbasarı I.Kaipnazarov, “Suw jetkerip beriw xızmeti” mámleketlik mákemesi (A.Kadirbaev), Shımbay rayonı Melioraciya bólimi (D.Kallibekov), Shımbay rayonı Fermerler Keńesi (A.Bekmuratov), tiyisli mekemeler menen birgelikte:

- egislik jer maydanları ushın ajıratılatuǵın suw limitlerin tutınıwshılarǵa óz waqtında jetkerip beriw;

- suwdı únemlewshi texnologiyalar haqqında suwdan paydalanıwshı tutınıwshılarǵa úgit-násiyat jumısların alıp barsın.

· islengen jumıslar haqqında 2025-jıldıń 1-avgust sánesine Xalıq deputatları Shımbay rayonlıq Keńesine jazba túrde maǵlıwmat beriw tapsırılsın.

6. Usı sheshimniń orınlanıwın qadaǵalaw rayon hákiminiń awıl hám suw xojalıǵı máseleleri boyınsha orınbasarı I.Kaipnazarov hám de Xalıq deputatları Shımbay rayonlıq Kenesiniń Agrar, suw xojalıǵı hám ekologiya boyınsha turaqlı komissiyası (O.Tolıbekov)na júklensin.

7. Usı sheshim rásmiy túrde járiyalanǵan kúnnen baslap kúshke kiredi.