Boysun tumani iqtisodiyot va moliya boʻlimi tomonidan taqdim etilgan tuman mahalliy budjetining 2025-yil I chorak ijrosi toʻgʻrisidagi hisoboti hamda Oʻzbekiston Respublikasi Budjet kodeksining 27-moddasiga muvofiq, koʻrib chiqilib, deputatlar tomonidan bildirilgan fikr-mulohazalar va takliflarini inobatga olgan holda, Xalq deputatlari Boysun tumani Kengashi qaror qiladi:

1. Boysun tumani iqtisodiyot va moliya boʻlimi boshligʻining oʻrinbosari Sh.Toʻrayevning tuman mahalliy budjeti 2025-yil I chorak daromad va xarajatlarini aniqlangan rejasi hamda ijrosi toʻgʻrisidagi hisoboti 1-2-ilovalarga muvofiq tasdiqlansin.

2. 2025-yil I chorak ijrosi boʻyicha tuman mahalliy budjetining daromadlar prognoz rejasi 205,0 mln soʻmga oshirib bajarilishiga erishganligi maʼlumot uchun qabul qilinsin.

3. Tuman iqtisodiyot va moliya boʻlimi (Sh.Toʻrayev), tuman soliq inspeksiyasi (T.Sarmanov)ga:

tuman mahalliy budjetining 2025-yilning I choragida oshirib bajarilgan tushumlar koʻrsatkichlarini saqlab qolgan holda joriy yil davomida ham tasdiqlangan koʻrsatkichlarni ortigʻi bilan bajarilishini taʼminlash boʻyicha tegishli chora-tadbirlar koʻrsin.

4. Xalq deputatlari tuman Kengashining doimiy komissiyalari va partiya guruhlari oʻz nazorat-tahlil faoliyatida, xususan, tuman mahalliy budjetining ijrosi bilan bogʻliq masalalarni koʻrib chiqish chogʻida qonunchilikni takomillashtirish boʻyicha takliflar va budjet mablagʻlaridan maqsadli va samarali foydalanilish boʻyicha qonunchilikni takomillashtirish yuzasidan takliflar va tavsiyalar kiritsin.

5. Ushbu qarorning bajarilishini nazorat qilish xalq deputatlari tuman Kengashining mahalliy budjet, tadbirkorlikni rivojlantirish va iqtisodiy islohotlar boʻyicha doimiy komissiyasi (Q.Alimov) zimmasiga yuklansin.

6. Ushbu Qaror qabul qilingan kundan kuchga kiradi.