Qaraqalpaqstan Respublikası Ministrler Keńesiniń 2025-jıl 26-aprel kúngi “Qaraqalpaqstan Respublikası aymaǵında jaylasqan bazarlar hám sawda kompleksleriniń basqarmaları tárepinen óndirip alınatuǵın bir mártelik jıyımlar, ijara tólemi hám kórsetiletuǵın xızmetler ushın óndiriletuǵın tólemlerdiń eń kem muǵdarların belgilew haqqında”ǵı 204-13-0-Q/25-sanlı qararınıń orınlanıwın támiyinlew maqsetinde hám Ózbekstan Respublikası “Jergilikli mámleketlik hákimiyat haqqında”ǵı Nızamınıń 6-statyasına tiykarlanıp, Shomanay rayonı hákimi sheshim etedi:

1. Qaraqalpaqstan Respublikası Ministrler Keńesiniń 2025-jıl 26-aprel kúngi “Qaraqalpaqstan Respublikası aymaǵında jaylasqan bazarlar hám sawda kompleksleriniń basqarmaları tárepinen óndirip alınatuǵın bir mártelik jıyımlar, ijara tólemi hám kórsetiletuǵın xızmetler ushın óndiriletuǵın tólemlerdiń eń kem muǵdarların belgilew haqqında”ǵı 204-13-0-Q/25-sanlı qararı orınlaw hám maǵlıwmat ushın basshılıqqa alınsın.

2. Qaraqalpaqstan Respublikası Ministrler Keńesiniń usı qararı menen:

Qaraqalpaqstan Respublikası aymaǵındaǵı bazarlar hám sawda kompleksleri administraciyası tárepinen óndiriletuǵın bir mártelik jıyım muǵdarları 1-qosımshaǵa muwapıq;

Qaraqalpaqstan Respublikası aymaǵındaǵı bazarlar hám sawda kompleksleri aymaǵındaǵı hám de olarǵa tutas bolǵan aymaqlarda imaratlar hám inventarlardı ijaraǵa beriw hám kórsetilgen xızmetler ushın óndiriletuǵın tólemlerdiń muǵdarları 2-qosımshaǵa muwapıq tastıyıqlanǵanlıǵı;

Nókis qalası hám rayonlar hákimleri, Qaraqalpaqstan Respublikası Salıq basqarması (X.Bekchanov), «Qaraqalpaq diyqan bazarı» Respublikalıq birlespesi menen birgelikte:

bazarlar hám sawda komplekslerinen óndiriletuǵın bir mártelik jıyımlar, kórsetiletuǵın xızmetler hám ijara tólemlerin belgilengen tártipte óndiriliwin;

usı qarar menen belgilengen bir mártelik jıyımlar, ijara tólemi hám kórsetiletuǵın xızmetler ushın óndiriletuǵın tólemler muǵdarın Qaraqalpaqstan Respublikası aymaǵındaǵı bazarlar hám sawda komplekslerine jetkeriliwin, satıwshı hám qarıydarlarǵa kórinetuǵın orınlarǵa jaylastırılıwın hám de ornatılıwın támiyinlew belgilengenligi;

Qaraqalpaqstan Respublikası Salıq basqarması (X.Bekchanov) bazarlar hám sawda kompleksleri administraciyası tárepinen bir mártelik jıyımlar, ijara tólemi hám kórsetiletuǵın xızmetler ushın óndiriletuǵın tólemlerdi kóbeytiw esesine túsetuǵın dáramatlarınan Ózbekstan Respublikasınıń Salıq kodeksinde belgilengen tártipte salıq tólemleriniń óndiriliwin támiyinlew tapsırılǵanlıǵı;

Qaraqalpaqstan Respublikası Ministrler Keńesiniń 2024-jıl 21-fevraldaǵı 102-13- 0-Q/24-sanlı qararı óz kúshin joyıtqan dep esaplaw belgilengenligi;

Usı qarar “Erkin Qaraqalpaqstan”, «Vesti Karakalpakstana» gazetalarında rásmiy járiyalansın hám de Qaraqalpaqstan Respublikası Ministrler Keńesiniń veb-saytına jaylastırılsın hám rásmiy járiyalanǵan kúnnen baslap kúshke kiriwi belgilengenligi;

Usı qarardıń orınlanıwın qadaǵalaw Qaraqalpaqstan Respublikası Ministrler Keńesi Baslıǵınıń birinshi orınbasarı N.Erlepesovqa júklengenligi maǵlıwmat ushın qabıl etilsin.

3. Rayon aymaǵındaǵı bazar hám sawda kompleksleri administraciyası tárepinen óndiriletuǵın bir mártelik jıyım muǵdarları 1-qosımshaǵa muwapıq;

Rayon aymaǵındaǵı bazar hám sawda kompleksleri aymaǵındaǵı hám de olarǵa tutas bolǵan aymaqlarda imaratlar hám inventarlardı ijaraǵa beriw hám kórsetilgen xızmetler ushın óndiriletuǵın tólemlerdiń muǵdarları 2-qosımshaǵa muwapıq tastıyıqlansın.

4. Rayon hákiminiń birinshi orınbasarı (A.Bekbergenov), rayonlıq Salıq inspekciyası (S.Karimov), «Shomnay diyqan bazarı» menen birgelikte:

bazar hám sawda komplekslerinen óndiriletuǵın bir mártelik jıyımlar, kórsetiletuǵın xızmetler hám ijara tólemlerin belgilengen tártipte óndiriliwin;

usı qarar menen belgilengen bir mártelik jıyımlar, ijara tólemi hám kórsetiletuǵın xızmetler ushın óndiriletuǵın tólemler muǵdarın aymaǵındaǵı bazarlar hám sawda komplekslerine jetkeriliwin, satıwshı hám qarıydarlarǵa kórinetuǵın orınlarǵa jaylastırılıwın hám de ornatılıwın támiyinlesin.

5. Rayonlıq Mámleketlik salıq inspekciyası (S.Karimov)na:

bazar hám sawda kompleksleri administraciyası tárepinen bir mártelik jıyımlar, ijara tólemi hám kórsetiletuǵın xızmetler ushın óndiriletuǵın tólemlerdi kóbeytiw esesine túsetuǵın dáramatlarınan Ózbekstan Respublikasınıń Salıq kodeksinde belgilengen tártipte salıq tólemleriniń óndiriliwin támiyinlesin.

6. Usı sheshim “Shomanay Nurı” gazetasında rásmiy járiyalansın hám de rayon hákimliginiń veb-saytına jaylastırılsın hám rásmiy járiyalanǵan kúnnen baslap kúshke kiriwi belgilensin.

7. Usı sheshimnıń orınlanıwın qadaǵalaw rayon hákiminiń birinshi orınbasarı A.Bekbergenov juwapkershiligine júklensin.