Ózbekstan Respublikası Prezidentiniń 2024-jıldaǵı PQ-5-sanlı qararı talapların orınlaw maqsetinde, sonday-aq, Ózbekstan Respublikası Ministrler Kabinetiniń 2024 jıl 9-fevraldaǵı 79-sanlı qararına muwapıq Nókis rayonı “Suw jetkerip beriw xızmeti” mámleketlik mákemesiniń 2025 jıl 26-marttaǵı 01/1-16-17-sanlı Nókis rayonında vegetaciya dáwirinde suwdan paydalanıwshılar kesiminde awıl xojalıǵı eginlerin suwǵarıw ushın suw alıw limitlerin tastıyıqlaw haqqındaǵı usınıs xatın qarap shıǵıp hámde «Jergilikli mámleketlik hákimiyat haqqında»ǵı Qaraqalpaqstan Respublikası Nızamınıń 21-statyasına muwapıq Xalıq deputatları Nókis rayonlıq Keńesi sheshim etedi:

1. Ózbekstan Respublikası Prezidentiniń 2024-jıl 5-yanvardaǵı PQ-5-sanlı qararı hámde Ózbekstan Respublikası Ministrler Kabinetiniń 2024-jıl 9-fevraldaǵı 79-sanlı qararınıń 5-qosımshasındaǵı berilgen wazıypalar orınlaw ushın basshılıqqa alınsın.

2. Nókis rayonı “Suw jetkerip beriw xızmeti” mámleketlik mákemesiniń 2025-jıl 28-mart Nókis rayonında vegetaciya dáwirinde suwdan paydalanıwshılar kesiminde awıl xojalıǵı eginlerin suwǵarıw ushın suw alıw limitlerin tastıyıqlaw haqqındaǵı usınısı hám Ózbekstan ekologiyalıq partiyası Nókis rayonı Keńesiniń 2025-jıl 12-may kúngi usınıs xatı maqullansın.

3. Ózbekstan Respublikası Ministrler Kabinetiniń 2024-jıl 9-fevraldaǵı 79-sanlı qararınıń 5-qosımshasına tiykar Nókis rayonında vegetaciya dáwirinde awıl xojalıǵı eginlerin suwǵarıw ushın fermerler kesiminde ajıratılǵan suw alıw limitleri qosımshaǵa muwapıq tastıyıqlansın.

4. Xalıq deputatları Nókis rayonlıq Keńesiniń 2025-jıl 28-aprel kúngi VII-8-83-13-188-K/25-sanlı sheshimi óz kúshin joytqan dep tabılsın.

5. Nókis rayonı “Suw jetkerip beriw xızmeti” mámleketlik mákemesi (D.Usakov), Nókis rayonı fermerleri Keńesi (S.Qurbanov), tiyisli mákemeler menen birgelikte:

Ózbekstan Respublikası Prezidentiniń 2024-jıl 5-yanvardaǵı PQ-5-sanlı qararına tiykar 2025-jıldıń vegetaciya dáwiri ushın ajıratılǵan limitler tiykarında fermerler xojalıqlarına suwdı retlestirip jetkerip beriw boyınsha zárúr ilajlar belgilesin;

islengen jumıslar haqqında 2025 jıldıń 1 avgust sánesine Xalıq deputatları Nókis rayonlıq Keńesine jazba túrde maǵlıwmat beriw tapsırılsın.

6. Usı sheshimniń orınlanıwın qadaǵalaw Xalıq deputatları Nókis rayonlıq Keńesiniń agrar, qurılıs, kommunal tarawlar, ekologiya, sanaat hám transport máseleleri boyınsha turaqlı komissiyası (M.Aminov)na hámde Nókis rayonı hákiminiń awıl hám suw xojalıǵı máseleleri boyınsha orınbasarı (I.Otepov)na júklensin.

7. Sheshim qabıl etilgen kúnnen baslap kúshke kiredi.