Xojeli rayonlıq Xojeli rayonı Ishki isler bóliminiń jol háreketi qáwipsizligi bólimshesi tárepinen rayon aymaǵında jol transport hádiyseleriniń aldın alıw hám háreket qáwipsizligin támiyinlew maqsetinde bir qatar ámeliy ilajlar ámelge asırılıp kelinbekte. Rayonlıq Jollardan paydalanıw unitar kárxanası hám rayonlıq Abadanlastırıw basqarması menen birgelikte rayon aymaǵında ulıwma orta bilim beriw mektepleri hám mektepke shekemgi bilimlendiriw mákemeleri aldına 30 km/s tezlikti sheklew belgileri ornatılǵan.

Rayon aymaǵındaǵı avtotransport háreketleri gáwjim bolıp, kósheniń tarlıǵı sebep háreket qatnasıwshılarına qıyınshılıq tuwdırıwshı S.Matchanov kóshesiniń D-154 avtomobil jolınan N.Kubra kóshesi A-380 aralıǵın bir tárepleme háreketlenetuǵın jolǵa aylandırıw haqqındaǵı rayonlıq ishki isler bólimi baslıǵınıń 2025-jıl 12-fevral kúngi 11/726 sanlı usınıs xatı, Xalıq deputatları Xojeli rayonlıq Keńesiniń 2025-jıl 18-aprel kúngi VII-10-72-13-191-K/25-sanlı sheshimi, Ózbekstan Respublikası “Jergilikli mámleketlik hákimiyat haqqında”ǵı Nızamınıń 25-1-statyası hám “Jol háreketi qaǵıydaları” haqqındaǵı Ózbekstan Respublikası Nızamınıń 8 hám 23-statyalarına tiykar sheshim etadi:

1. Xojeli rayonı S.Matchanov kóshesiniń D-154 avtomobil jolınan A-380 aralıǵın bir tárepleme háreketlenetuǵın jolǵa aylandırıw haqqındaǵı rayonlıq ishki isler bólimi baslıǵınıń 2025-jıl 12-fevral kúngi 11/726 sanlı usınıs xatı hám Xalıq deputatları Xojeli rayonlıq Keńesiniń 2025-jıl 18-aprel kúngi VII-10-72-13-191-K/25-sanlı sheshimi orınlaw ushın qabıl etilsin.

2.Xojeli rayonı S.Matchanov kóshesine A.Yassaviy kóshesi tárepinen kiriw qadaǵan etilip kóshege N.Kubra kóshesi tárepten (Jahangir qurılıs materialları bazarı aldı tárepi) kiriwge ruxsat etilsin.

3. Xojeli rayonlıq rayonlıq IIB Jol háreketi qáwipsizligi bólimshesi tiyisli juwapkerler menen birgelikte bul kiritiletuǵın ózgerisler boyınsha úgit-násiyat hám túsindiriw jumısları alıp barılsın.

4. Usı sheshimniń orınlanıwın qadaǵalaw rayon hákiminiń orınbasarı M.Abdumalikov juwapkershiligine júkletilsin.

5. Sheshim qabıl etilgen kúnnen kúshke kiredi.