Oʻzbekiston Respublikasining 2024-yil 24-dekabrdagi “2024-yil uchun Oʻzbekiston Respublikasining Davlat budjeti toʻgʻrisida”gi OʻRQ-1011-sonli Qonunining 13-moddasiga muvofiq tuman budjetining joriy yil I-choragi davomida shakllangan qoʻshimcha mablagʻlaridan foydalanish boʻyicha xalq deputatlari Uzun tuman Kengashi qaror qiladi:

1.Oʻzbekiston Respublikasining 2024-yil 24-dekabrdagi “2024-yil uchun Oʻzbekiston Respublikasining Davlat budjeti toʻgʻrisida”gi OʻRQ-1011-sonli Qonunining 13-moddasiga muvofiq, mahalliy budjetlarning qoʻshimcha manbalaridan foydalanish tartibi belgilab qoʻyilganligi maʼlumot uchun qabul qilinsin.

2.Tuman hokimligi, tuman Iqtisodiyot va moliya boʻlimi hamda aloqador tashkilotlarning tuman budjetining qoʻshimcha manbalari hisobidan mablagʻ ajratish yuzasidan kiritgan takliflari maʼlumot uchun qabul qilinsin.

3.Tuman budjetining qoʻshimcha manbalari quyidagilardan tashkil topadi:

tuman budjetining har yil boshida aniqlanadigan erkin qoldiq mablagʻlaridan;

tuman budjeti daromadlarining birinchi, ikkinchi va uchinchi hisobot choraklari yakuni boʻyicha aniqlanadigan daromadlarni prognozdan oshirib bajarilishidan;

tuman mahalliy budjetiga yer uchastkalariga boʻlgan huquqlarni sotishdan tushgan pul mablagʻlari hisobidan ajratilgan mablagʻlardan;

Oʻzbekiston Respublikasi Budjet Kodeksining 120-moddasi toʻrtinchi qismiga muvofiq tuman budjetidan ajratiladigan mablagʻlar kamaytirilishi natijasida boʻshab qolgan mablagʻlardan.

4. Uzun tuman mahalliy budjetiga joriy yilning I-choragida 26 442.9 ming soʻm yer uchastkalariga boʻlgan huquqlarni sotishdan mablagʻ tushganligi maʼlumot uchun qabul qilinsin hamda ushbu mablagʻ hisobidan quyidagi yoʻnalishga yoʻnaltirilsin;

tuman hokimligida foydalanilgan internet tarmogʻi xizmati xarajatlari uchun 26 442,9 mln soʻm mablagʻ tuman hokimligiga yoʻnaltirilsin.

Tuman mahalliy budjetining I-chorak daromadlar rejasining belgilangan prognoz koʻrsatkichlaridan orttirib bajarilgan qismi jami 233 320,3 ming soʻmni tashkil yetganligi maʼlumot uchun qabul qilinsin hamda ushbu mablagʻlar hisobidan quyidagi yoʻnalishlarga, jumladan;

Oʻzbekiston Respublikasi Prezidentining 2021-yil 13-apreldagi PQ-5072-sonli qaroriga asosan jamoatchilik fikri asosida shakllantirilgan tadbirlarni moliyalashtirishga (qoʻshimcha manbaning 30 foizi miqdorida) mablagʻ yoʻnaltirish maqsadida 70,0 mln soʻm tuman hokimligiga,

tuman hokimligida foydalanilgan internet tarmogʻi xizmati xarajatlari uchun 3 557,1 mln soʻm mablagʻ tuman hokimligiga,

tuman hokimligining moddiy-texnika bazasini rivojlantirish xarajatlari uchun 37,085 mln soʻm mablagʻ tuman hokimligiga,

Oʻzbekiston Respublikasi Prezidentining 2020-yil 25-dekabr kuni mamlakatimiz Yoshlari bilan oʻtkazilgan Oʻzbekiston Yoshlar forumi yuzasidan tasdiqlangan 100-sonli bayonining 18-bandi topshirigʻiga asosan Oʻzbekiston davlat sanʼat va madaniyat instituti va uning filiallariga Qoraqalpogʻiston Respublikasi, viloyatlar va Toshkent shahar hokimliklari tavsiyasiga asosan qabul qilingan talabalarning toʻlov kontraktdan qarzdorligini qoplash uchun 7,678 mln soʻm tuman hokimligiga,

Oʻzbekiston Respublikasi Prezidentining 2024-yil 18-iyuldagi “Oʻzbekiston Respublikasida turizm infratuzilmasini yaxshilash va xorijiy turistlar oqimini yanada oshirishga qaratilgan qoʻshimcha chora-tadbirlar toʻgʻrisida”gi PF-102-son Farmonining 7-bandiga asosan turizm salohiyatini keng targʻib qilish hamda viloyatimizga xorijiy sayyohlar oqimini oshirish maqsadida 20.0 mln soʻm tuman hokimligiga,

Oʻzbekiston Respublikasi Prezidentining 2022-yil 18-noyabrdagi “Bolalarning dam olishlarini tizimli tashkil etish va sogʻlomlashtirish ishlarini yanada takomillashtirishga doir qoʻshimcha chora-tadbirlar toʻgʻrisida”gi PQ-427-sonli qarori ijrosi yuzasidan Termiz shahar va tumanlar mahalliy budjetining qoʻshimcha manbalari hisobidan jamgʻarmaga mablagʻ ajratilish maqsadida 20.0 mln soʻm tuman hokimligiga,

tuman hokimligining isteʼmol qilingan tabiiy gazdan vujudga kelgan qarzdorligini qoplash uchun 5.0 mln soʻm tuman hokimligiga,

tuman hokimligining xizmat avtomashinalarini yoqilgʻisi uchun 20.0 mln soʻm tuman hokimligiga,

tuman hokimligining xizmat avtomashinalarini taʼmirlash xarajatlari uchun 50.0 mln soʻm tuman hokimligiga yoʻnaltirilsin.

5. Mahalliy budjetning qoʻshimcha shakllangan mablagʻlari favqulodda vaziyatlarda va shunga oʻxshash kechiktirib boʻlmaydigan choralar koʻrilishi talab etiladigan hollarda Kengashga keyin hisobot berish sharti bilan tuman hokimining qarori asosida yoʻnaltirilishi mumkinligi belgilansin.

6. Joriy yilning I-choragi davomida Uzun tuman mahalliy budjeti daromadlar rejasining belgilangan prognoz koʻrsatkichlaridan orttirib bajarilgan qismi hisobidan yoʻnaltirilgan mablagʻlar toʻgʻrisida xalq deputatlari tuman Kengashiga chorak yakuni bilan tuman hokimi tomonidan hisobot berib borilishi belgilansin.

7. Tuman budjetining qoʻshimcha manbalaridan mablagʻ oluvchilarning rahbarlari ajratilgan mablagʻlardan maqsadli va samarali foydalanilishi, shuningdek ushbu mablagʻlarni ajratilishi uchun taqdim etiladigan barcha hujjatlarning haqqoniyligiga shaxsan javobgar ekanligi belgilansin.

8. Ushbu qarorning bajar ilishini nazorat qilish xalq deputatlari Uzun tuman Kengashining Mahalliy budjet, iqtisodiy islohotlarni amalga oshirish, turizm, investitsiyalar va tadbirkorlikni rivojlantirish masalalari boʻyicha doimiy komissiyasi raisi A.Kamolov zimmasiga yuklatilsin.

9. Ushbu Qaror qabul qilingan kundan kuchga kiradi.