Ózbekstan Respublikası Prezidentiniń 2024-jıl 5-yanvardaǵı “Tómen buwında suw resursların basqarıw sistemasın jetilistiriw hám de suw resurslarınan paydalanıw nátiyjeliligin asırıw ilajları haqqında”ǵı PQ-5-sanlı qararınıń orınlanıwın támiyinlew hámde Ózbekstan Respublikası “Jergilikli mámleketlik hákimiyat haqqında”ǵı nızamınıń 6 hám 24-statyalarına muwapıq Xalıq deputatları Qaraózek rayonlıq Keńesi sheshim etedi:

1. Ózbekstan Respublikası Prezidentiniń 2024-jıl 5-yanvardaǵı “Tómen buwında suw resursların basqarıw sistemasın jetilistiriw hám de suw resurslarınan paydalanıw nátiyjeliligin asırıw ilajları haqqında”ǵı PQ-5-sanlı qararı orınlaw ushın qabıl etilsin.

2. Xalıq deputatları Qaraózek rayonlıq Keńesiniń 2025-jıl 3-aprel kúngi «Qaraózek rayonı boyınsha 2025-jıl vegetaciya dáwirinde suwǵarıw jumısları ushın ajıratılǵan suw limitin tastıyıqlaw haqqında»ǵı VII-7-43-13-183-K/25-sanlı sheshimi biykar etilsin hám Qaraózek rayonı boyınsha 2025-jıl vegetaciya dáwirinde suwǵarıw jumısları ushın ajıratılǵan suw limiti qayta tastıyıqlansın.

3. Qaraózek rayonı «Suw jetkerip beriw xızmeti» mámleketlik mákemesiniń Qaraózek rayonı boyınsha 2025-jıl vegetaciya dáwirinde suwǵarıw jumısları ushın ajıratılǵan suw limiti haqqındaǵı usınısı maqullansın hám qosımshaǵa muwapıq tastıyıqlansın.

4. Qaraózek rayonı «Suw jetkerip beriw xızmeti» MM direktorı B.Qosıbaevqa:

Ózbekstan Respublikası Prezidentiniń 2024-jıl 5-yanvardaǵı “Tómen buwında suw resursların basqarıw sistemasın jetilistiriw hám de suw resurslarınan paydalanıw nátiyjeliligin asırıw ilajları haqqında”ǵı PQ-5-sanlı qararı tiykarında jumıslardı shólkemlestiriw;

belgilengen limitler tiykarında tutınıwshılarǵa suw jetkiziw;

ózine biriktirilgen aymaqta suwdıń esabı hám esabatın júrgiziw;

suwǵarıw tarmaqları hám olardaǵı gidrotexnikalıq imaratlardı saz jaǵdayda saqlaw, remontlaw-qayta tiklew ilajların ámelge asırıw;

tutınıwshılar kesiminde sarp etilgen suw kólemi haqqındaǵı maǵlıwmatlardı salıq shólkemlerine usınıs etip barıw;

suw tutınıwshılarınıń talapnaması tiykarında basqa suw xojalıǵı xızmetlerin kórsetiw wazıypaları júkletilsin.

5. Usı sheshimnin orınlanıwın qadagalaw Xalıq deputatları rayonlıq Kenesiniń Agrar, suw xojalıǵı máseleleri hám ekologiya boyınsha turaqlı komissiyasına júkletilsin.