Ózbekstan Respublikası Prezidentiniń 2024-jıl 5-yanvardaǵı “Tómen buwında suw resursların basqarıw sistemasın jetilistiriw hám de suw resurslarınan paydalanıw nátiyjeliligin asırıw ilajları haqqında”ǵı PQ-5-sanlı qararınıń orınlanıwın támiyinlew maqsetinde Xalıq deputatları Xojeli rayonlıq Keńesiniń agrar, suw xojalıǵı máseleleri hám ekologiya boyınsha turaqlı komissiyasınıń 2025-jıl 27-mart kúngi májilisi bayanlamasına tiykar hámde Ózbekstan Respublikası “Jergilikli mámleketlik hákimiyat haqqında”ǵı nızamınıń 6 hám 24-statyalarına muwapıq Xalıq deputatları Xojeli rayonlıq Keńesi sheshim etedi:

1. Ózbekstan Respublikası Prezidentiniń 2024-jıl 5-yanvardaǵı “Tómen buwında suw resursların basqarıw sistemasın jetilistiriw hám de suw resurslarınan paydalanıw nátiyjeliligin asırıw ilajları haqqında”ǵı PQ-5-sanlı qararı orınlaw ushın qabıl etilsin.

2. Xojeli rayonı «Suw jetkerip xızmeti» MM direktorı E.Kalmuratovtıń Xojeli rayonı boyınsha 2025-jıl vegetaciya dáwirinde suwǵarıw jumısları ushın ajıratılǵan suw limiti haqqındaǵı usınısı maqullansın hám qosımshaǵa muwapıq tastıyıqlansın.

3. Xojeli rayonı «Suw jetkerip xızmeti» MM direktorı E.Kalmuratovqa:

Ózbekstan Respublikası Prezidentiniń 2024-jıl 5-yanvardaǵı “Tómen buwında suw resursların basqarıw sistemasın jetilistiriw hám de suw resurslarınan paydalanıw nátiyjeliligin asırıw ilajları haqqında”ǵı PQ-5-sanlı qararı tiykarında jumıslardı shólkemlestiriw;

belgilengen limitler tiykarında tutınıwshılarǵa suw jetkiziw;

ózine biriktirilgen aymaqta suwdıń esabı hám esabatın júrgiziw;

suwǵarıw tarmaqları hám olardaǵı gidrotexnikalıq imaratlardı saz jaǵdayda saqlaw, remontlaw-qayta tiklew ilajların ámelge asırıw;

tutınıwshılar kesiminde sarp etilgen suw kólemi haqqındaǵı maǵlıwmatlardı salıq shólkemlerine usınıs etip barıw;

suw tutınıwshılarınıń talapnaması tiykarında basqa suw xojalıǵı xızmetlerin kórsetiw wazıypaları júkletilsin.

4. Usı sheshimnin orınlanıwın qadagalaw Xalıq deputatları rayonlıq Kenesiniń Agrar, suw xojalıǵı máseleleri hám ekologiya boyınsha turaqlı komissiyasına júkletilsin.

5. Sheshim qabıl etilgen kúnnen baslap kúshke kiredi.