Kun tartibidagi masala deputatlar tomonidan atroflicha muhokama qilinib Xalq deputatlari Guliston tuman Kengashi qaror qiladi:

1. Geografik obyektlarga nom berish va ularni qayta nomlash toʻgʻrisidagi takliflarni davlat ekpertizasidan oʻtkazish boʻyicha Oʻzbekiston RespublikasiIqtisodiyot va moliya vazirligi huzuridagi Kadastr agentligi ekspert komissiyasining 2025-yil 16-apreldagi 05-19-5976-sonli yigʻilish bayoni qarori maʼlumot uchun qabul qilinsin.

2. Guliston tumanidagi mahalla fuqarolar yigʻinlari tomonidan nomlanmagan yoki nomlari takrorlangan ayrim koʻchalar qayta nomlash toʻgʻrisidagi takliflari asosida Oʻzbekiston Respublikasi Iqtisodiyot va moliya vazirligi huzuridagi Kadastr agentligi ekspert komissiyasining 2025-yil 16-apreldagi 05-19-5976-sonli yigʻilish bayoni qarori bilan taklif etilgan koʻchalar nomlari ilovaga asosan tasdiqlansin.

3. Tuman Ichki ishlar boʻlimi (Z.Babaxanov), tuman Adliya boʻlimi (F.Siddiqov), tuman Statistika boʻlimi (A.Begaliyev), tuman Soliq inspeksiyasi (Sh.Umurov), Oʻzbekiston Mahallalari uyushmasi tuman boʻlimi (Sh.Xushmuratov), Davlat kadastrlar palatasi Guliston tumani filiali (D.Xoldorov), tuman Qurilish va uy-joy kommunal xoʻjaligi boʻlimi (J.Umarov) va tegishli mutasaddi tashkilotlarga:

mazkur qaror ilovasi asosida amalga oshirilayotgan oʻzgarishlar eʼtiborga olinsin va mazkur qarordan kelib chiqqan holda tegishli idoraviy hujjatlarga oʻzgartirish kiritish vazifasi yuklatilsin.

4. Tuman hokimining oʻrinbosari A.Almamatov, Oʻzbekiston Mahallalari uyushmasi tuman boʻlimi (Sh.Xushmuratov)larga:

10 kun muddatda hududlardagi nomlari oʻzgargan koʻchalarga zamonaviy koʻrinishdagi (lotin yozuvida homiy tashkilotlar yordamida) peshlavhalar yozib oʻrnatish ishlarini tashkil etish;

peshlavhalar oʻrnatish va moliyalashtirish yuzasidan tegishli tashkilotlarga koʻrsatmalar berish va nazoratga olish vazifalari yuklansin.

5. Tuman hokimligi huzuridagi geografik obyektlarni nomlash va qayta nomlash masalalari boʻyicha komissiya (A.Almamatov), Oʻzbekiston Mahallalari uyushmasi tuman boʻlimi (Sh.Xushmuratov) va fuqarolar yigʻinlari raislari bilan hamkorlikda:

bir hafta muddatda hududlarda yangi nomlangan koʻchalarning nomlarini aholi oʻrtasida keng targʻib etish yuzasidan tegishli chora-tadbirlar belgilansin.

6. Tuman Ichki ishlar boʻlimi (Z.Babaxanov)ga:

tuman hududlaridagi nomlari oʻzgargan koʻchalarda yashovchi fuqarolarga yangi pasport berish va ularni roʻyxatga qoʻyishda yangi nomlar bilan yozilishini nazoratga olish vazifasi yuklatilsin.

7. Tuman hokimligi Axborot xizmati rahbari-matbuot kotibi S.Erkinovga;

hududlarda yangi nomlangan koʻchalarning nomlarini aholi oʻrtasida keng targʻib qilish maqsadida ijtimoiy tarmoqlarda maʼlumotlar bersin.

8. “Guliston hayoti” gazetasi tahririyati (B.Norjigitova)ga ushbu qarorni “Guliston hayoti” gazetasida yoritish tavsiya etilsin.

9. Tuman hokimi oʻrinbosari A.Almamatovga mazkur qaror bilan bogʻliq hujjatlar geografik obyektlarga nom berish va ularning nomlarini oʻzgartirish boʻyicha viloyat komissiyasiga taqdim etish belgilansin.

10. Mazkur qaror ijrosini nazorat qilish Xalq deputatlari tuman Kengashining ijtimoiy-madaniy rivojlantirish masalalari boʻyicha doimiy komissiyasi raisi Oʻ.Ermatov va tuman hokimining oʻrinbosari A.Almamatov zimmalariga yuklatilsin.