Ózbekstan Respublikasınıń “Geografiyalıq obyektlerdiń atamaları haqqında”ǵı Nızamınıń 11-statyası, Ózbekstan Respublikası Ministrler Kabinetiniń 2012-jıl 16-oktyabrdaǵı “Geografiyalıq obyektlerdiń atamaları haqqında”ǵı Ózbekstan Respublikasınıń Nızamına muwapıq “Geografiyalıq obyektlerdiń atamaları tarawındaǵı jumıslardı tártipke salıw is-ilajları haqqında”ǵı 295-sanlı Qararınıń orınlanıwın támiyinlew, Qaraqalpaqstan Respublikası Ministrler Keńesi komissiyasınıń 2024-jıl 28-may kúngi Geografiyalıq obyektlerge atama beriw hám qayta atama beriw máseleleri boyınsha Qaraqalpaqstan Respublikası Ministrler Keńesi komissiyasınıń usınısı menen ótkerilgen májilis bayanlaması, 2024-jıl 10-iyun kúngi Ekonomika hám qarjı ministrligi janındaǵı Kadastr agentliginiń 05-19-01-2076-sanlı ekspertiza juwmaǵına tiykar hám Ózbekstan Respublikası «Jergilikli mámleketlik hákimiyat haqqında»ǵı Nızamınıń 6 hám 24-statyaları talaplarına muwapıq, Xalıq deputatları Qońırat rayon Keńesi sheshim etedi:

1. Geografiyalıq obyektlerge atama beriw hám qayta atama beriw máseleleri boyınsha Qaraqalpaqstan Respublikası Ministrler Keńesi komissiyasınıń 2024-jıl 28-may kúngi usınısı, 2024-jıl 10-iyun kúngi Ekonomika hám qarjı ministrligi janındaǵı Kadastr agentliginiń 05-19-01-2076-sanlı ekspertiza juwmaǵına muwapıq rayon hákimliginiń Geografiyalıq obyektlerge atama beriw haqqındaǵı usınısı maqullansın.

2. 2024-jıl 10-iyun kúngi Ekonomika hám qarjı ministrligi janındaǵı Kadastr agentliginiń «Parallel» kanalı ataması «Qońırat» kanalı atamasına ózgertilsin.

3. Rayon Statistika bólimi (K.Turganbayev), Qońırat rayonı Suw jetkerip beriw xızmeti mámleketlik mákemesi (Sh.Djadigerov), rayon Qurılıs hám úy-jay kommunal xojalıǵı bólimi (G.Ibraimov) rayon hákimligi menen birgelikte:

Ataması ózgergen Geografiyalıq obyektti mámleketlik dizimnen ótkeriw hám elektron bazanı qáliplestiriw, jumıs júrgiziw hújjetlerine tiyisli ózgertiwler kirgiziw menen baylanıslı barlıq ilajlardı ámelge asırsın.

4. Qońırat rayonı Suw jetkerip beriw xızmeti mámleketlik mákemesi (Sh.Djadigerov),

ataması ózgergen geografiyalıq obyekttiń pasportına tiyisli tártipte ózgertiw jumısların ámelge asırsın.

5. Rayon Qurılıs hám úy-jay kommunal xojalıǵı bólimi (G.Ibraimov)ne:

aymaqlarda ataması ózgergen Geografiyalıq obyekttiń jańa ataması jazılǵan kórsetkish hám belgilerin zamanagóy dizayn tiykarında ornatılıwın támiyinlesin.

6. Usı sheshim “Qońırat haqıyqatı” gazetasında rásmiy daǵaza etilsin hám hákimliktiń rásmiy veb-saytına jaylastırılsın, bul qarar rásmiy daǵaza etilgen kúnnen baslap kúshke kiredi.

7. Usı sheshimniń orınlanıwın qadaǵalaw Xalıq deputatları Qońırat rayonlıq Keńesiniń Sociallıq taraw, jaslar siyasatı, mádeniyat hám sport máseleleri boyınsha turaqlı komissiyası (T.Kazaxbaev)na júklensin.