Ўзбекистон Республикаси Олий Мажлисининг Қонунчилик палатаси томонидан 2022 йил 8 февралда қабул қилинган, 2024 йил 10 июлда Ўзбекистон Республикаси Олий Мажлисининг Сенати томонидан маъқулланган ва 2025 йил 10 мартда Ўзбекистон Республикаси Президенти томонидан қайтарилган «Маъмурий тартиб-таомиллар тўғрисида»ги Ўзбекистон Республикаси Қонунини қайта кўриб чиқиб, Ўзбекистон Республикаси Олий Мажлиси Қонунчилик палатаси Регламенти 168-моддасининг иккинчи қисмига мувофиқ Ўзбекистон Республикаси Олий Мажлисининг Қонунчилик палатаси қарор қилади:

1. «Маъмурий тартиб-таомиллар тўғрисида»ги Ўзбекистон Республикаси Қонуни устидаги ишлар Ўзбекистон Республикаси Президентининг Қонунни янада маромига етказишни тақозо этадиган таклифлари ва мулоҳазалари инобатга олинган ҳолда, иккинчи ўқиш тартиб-таомилидан бошлаб давом эттирилсин.

2. Ўзбекистон Республикаси Олий Мажлиси Қонунчилик палатасининг Коррупцияга қарши курашиш ва суд-ҳуқуқ масалалари қўмитаси «Маъмурий тартиб-таомиллар тўғрисида»ги Ўзбекистон Республикаси қонуни лойиҳасини уч ой ичида маромига етказсин ва Ўзбекистон Республикаси Олий Мажлисининг Қонунчилик палатаси муҳокамасига киритсин.

3. Ушбу Қарор қабул қилинган кундан эътиборан кучга киради.