Ўзбекистон Республикасининг 2025 йил 25 февралда қабул қилинган ЎРҚ-1037-сонли Қонуни билан тасдиқланган Ўзбекистон Республикасида фуқароларнинг виждон эркинлигини таъминлаш ва диний соҳадаги давлат сиёсати концепциясида белгиланган асосий вазифаларнинг бажарилиши устидан самарали парламент назоратини амалга ошириш мақсадида Ўзбекистон Республикаси Олий Мажлиси Қонунчилик палатасининг Кенгаши ва Ўзбекистон Республикаси Олий Мажлиси Сенатининг Кенгаши қарор қиладилар:

1. Ўзбекистон Республикаси Олий Мажлиси палаталарининг ваколатлари муддатига Ўзбекистон Республикасида фуқароларнинг виждон эркинлигини таъминлаш ва диний соҳадаги давлат сиёсати концепциясида белгиланган асосий вазифаларнинг бажарилиши устидан парламент назоратини амалга ошириш бўйича парламент комиссияси 1-иловага мувофиқ таркибда тузилсин.

2. Ўзбекистон Республикасида фуқароларнинг виждон эркинлигини таъминлаш ва диний соҳадаги давлат сиёсати концепциясида белгиланган асосий вазифаларнинг бажарилиши устидан парламент назоратини амалга ошириш бўйича парламент комиссияси тўғрисидаги низом 2-иловага мувофиқ тасдиқлансин.

3. Ушбу Қўшма қарор қабул қилинган кундан эътиборан кучга киради.