Ўзбекистон Республикаси Олий Мажлисининг Қонунчилик палатаси қарор қилади:

1. Ўзбекистон Республикаси Олий Мажлиси Қонунчилик палатасининг депутатлари Н. Тилаволдиев, А. Пардаев, У. Рахмонова, Д. Арипов ва Ж. Мамажонов томонидан 2025 йил 3 мартда киритилган «Ўзбекистон Республикасининг айрим қонун ҳужжатларига қўшимча ва ўзгартиришлар киритиш тўғрисида»ги ҚЛ-61-сонли Ўзбекистон Республикаси қонуни лойиҳаси биринчи ўқишда қабул қилинсин.

2. «Ўзбекистон Республикасининг айрим қонун ҳужжатларига қўшимча ва ўзгартиришлар киритиш тўғрисида»ги ҚЛ-61-сонли Ўзбекистон Республикаси қонуни лойиҳаси матни жамоатчилик муҳокамаси учун Ўзбекистон Республикаси Олий Мажлиси Қонунчилик палатасининг расмий веб-сайтига жойлаштирилсин. Жамоатчилик муҳокамасини ўтказиш муддати 2025 йил 12 мартдан 2025 йил 22 мартгача этиб белгилансин.

3. Ўзбекистон Республикаси Олий Мажлиси Қонунчилик палатасининг Демократик институтлар ва фуқаролик жамиятини ривожлантириш масалалари қўмитаси келиб тушган тузатишларни ҳисобга олган ҳолда мазкур қонун лойиҳасини икки ой ичида маромига етказсин ва иккинчи ўқишда Қонунчилик палатаси муҳокамасига киритсин.

4. Ушбу Қарор қабул қилинган кундан эътиборан кучга киради.