Ózbekstan Respublikası Prezidentiniń 2024-jıl 5-yanvardaǵı “Tómen buwında suw resursların basqarıw sistemasın jetilistiriw hámde suw resurslarınan paydalanıw nátiyjeliligin asırıw ilajları haqqında”ǵı PQ-5-sanlı qararınıń orınlanıwın támiyinlew maqsetinde hám Ózbekstan Respublikası “Jergilikli mámleket hákimiyat haqqında”ǵı nızamınıń 6 hám 24-statyalarına muwapıq, Xalıq deputatları Taxtakópir rayonlıq Keńesi sheshim etedi:

1. Ózbekstan Respublikası Prezidentiniń 2024-jıl 5-yanvardaǵı “Tómen buwında suw resursların basqarıw sistemasın jetilistiriw hámde suw resurslarınan paydalanıw nátiyjeliligin asırıw ilajları haqqında”ǵı PQ-5-sanlı qararı hámde Qaraqalpaqstan Respublikası Joqarǵı Keńesi Agrar, suw xojalıǵı, tábiyattı qorǵaw hám ekologiya máseleleri komitetiniń 2025-jıl 11-aprel kúngi 06-06/227-sanlı xatı orınlaw ushın basshılıqqa alınsın.

2. Taxtakópir rayonı «Suw jetkerip beriw xızmeti» mámleketlik mákemesi direktorı D. Palwanovtıń Taxtakópir rayonındaǵı fermer xojalıqları, klasterler hám basqa da suw tutınıwshılarına 2025-jıl vegetatciya dáwirinde ajıratılǵan suw limiti hám haqıyqıy alınatuǵın suw múǵdarın tastıyıqlaw haqqındaǵı usınısı maqullansın hám qosımshaǵa muwapıq tastıyıqlansın.

3. Taxtakópir rayonı «Suw jetkerip beriw xızmeti» mámleketlik mákemesi (D. Palwanov)ne:

Ózbekstan Respublikası Prezidentiniń 2024-jıl 5-yanvardaǵı “Tómen buwında suw resursların basqarıw sistemasın jetilistiriw hámde suw resurslarınan paydalanıw nátiyjeliligin asırıw ilajları haqqında”ǵı PQ-5-sanlı qararı tiykarında jumıslardı shólkemlestiriw;

belgilengen limitler tiykarında tutınıwshılarǵa suw jetkiziw;

ózine biriktirilgen aymaqta suwdıń esabı hám esabatın júrgiziw;

suwǵarıw tarmaqları hám olardaǵı gidrotexnikalıq imaratlardı, saz jaǵdayda saqlaw, remontlaw-qayta tiklew ilajların ámelge asırıw;

tutınıwshılar kesiminde sarıplanǵan suw kólemi haqqındaǵı maǵlıwmatlardı salıq shólkemlerine usınıp barıw;

suw tutınıwshılarınıń talapanaması tiykarında basqa suw xojalıǵı xızmetlerin kórsetiw wazıypaları júkletilsin.

4. Xalıq deputatları Taxtakópir rayonlıq Keńesiniń 2025-jıl 27-mart kúngi VII-8-47-13-189-K/25-sanlı sheshimi biykar etilsin.

5. Usı sheshimniń orınlanıwın qadaǵalaw Xalıq deputaları Taxtakopir rayonlıq Keńesiniń Agrar, suw xojalıǵı máseleleri hám ekologiya boyınsha turaqlı komissiyası (S. Seytnazarov)na hám rayon hákiminiń awıl hám suw xojalıǵı máseleleri boyınsha orınbasarı (S. Dosbergenov)na tapsırılsın.

6. Sheshim qabıl etilgen kúnnen baslap kúshke kiredi.