Ўзбекистон Республикаси Олий Мажлиси Қонунчилик палатаси Қоррупцияга қарши курашиш ва суд-ҳуқуқ масалалари қўмитасининг «Ўзбекистон Республикасининг айрим қонун ҳужжатларига ўзгартириш ва қўшимчалар киритиш тўғрисида»ги ҚЛ-1234-сонли Ўзбекистон Республикаси қонуни лойиҳасини биринчи ўқишда Қонунчилик палатаси муҳокамасига киритиш муддатини қайта кўриб чиқиш ҳақидаги таклифини кўриб чиқиб, Ўзбекистон Республикаси Олий Мажлиси Қонунчилик палатасининг Кенгаши қарор қилади:

1. Ўзбекистон Республикаси Олий Мажлиси Қонунчилик палатаси Кенгашининг 2024 йил 17 октябрда қабул қилинган «Ўзбекистон Республикасининг айрим қонун ҳужжатларига ўзгартириш ва қўшимчалар киритиш тўғрисида»ги ҚЛ-1234-сонли Ўзбекистон Республикаси қонуни лойиҳаси ҳақида»ги 4973-IV-сонли Қарорининг (Ўзбекистон Республикаси Олий Мажлиси палаталарининг Ахборотномаси, 2024 йил, № 10, 1168-модда) 2-бандидаги «бир ой» деган сўзлар «беш ой» деган сўзлар билан алмаштирилсин.

2. Коррупцияга қарши курашиш ва суд-ҳуқуқ масалалари қўмитаси ушбу қонун лойиҳасини белгиланган муддатда Қонунчилик палатасида биринчи ўқишда кўриб чиқиш учун тайёрлаш чораларини кўрсин.

3. Ушбу Қарор қабул қилинган кундан эътиборан кучга киради.