Ўзбекистон Республикаси Олий Мажлисининг Қонунчилик палатаси қарор қилади:

1. Иккинчи ўқишда қабул қилинган «Валютани тартибга солиш тўғрисида»ги Ўзбекистон Республикаси Қонунининг 11¹-моддасига активларни репатриация қилиш талабларини такомиллаштиришга қаратилган ўзгартиришлар ва қўшимча киритиш ҳақида»ги ҚЛ-1-сонли Ўзбекистон Республикаси қонуни лойиҳаси ҳамда «Тадбиркорлик субъектлари айнан бир ҳуқуқбузарлик учун бир неча маротаба жавобгарликка тортилишининг олдини олиш ва солиқ маъмуриятчилигининг янада такомиллаштирилиши муносабати билан Ўзбекистон Республикасининг айрим қонун ҳужжатларига ўзгартириш ва қўшимчалар киритиш тўғрисида»ги ҚЛ-19-сонли Ўзбекистон Республикаси қонуни лойиҳаси «Солиқ маъмуриятчилиги такомиллаштирилиши, шунингдек солиққа оид ҳуқуқбузарликлар учун жавобгарлик ва валютани тартибга солиш либераллаштирилиши муносабати билан Ўзбекистон Республикасининг айрим қонун ҳужжатларига ўзгартириш ва қўшимчалар киритиш тўғрисида» деган янги ном билан битта қонун лойиҳасига бирлаштирилсин.

2. Ушбу Қарор қабул қилинган кундан эътиборан кучга киради.