Ўзбекистон Республикаси Президентининг 2018 йил 11 апрелдаги ПФ-5409-сон «Тадбиркорлик фаолияти соҳасидаги лицензиялаш ва рухсат бериш тартиб-таомилларини янада қисқартириш ва соддалаштириш, шунингдек, бизнес юритиш шарт-шароитларини яхшилаш чора-тадбирлари тўғрисида»ги ҳамда 2022 йил 27 апрелдаги ПФ-122-сон «Божхона маъмуриятчилигини янада такомиллаштиришга доир қўшимча чора-тадбирлар тўғрисида»ги Фармонларига мувофиқ буюраман:

1. Ўзбекистон Республикаси Давлат божхона қўмитасининг 2013 йил 5 ноябрдаги 01-02/12-29-сон қарори (рўйхат рақами 2525, 2013 йил 18 ноябрь) (Ўзбекистон Республикаси қонун ҳужжатлари тўплами, 2013 й., 47-сон, 619-модда) билан тасдиқланган Хорижий авиакомпанияларнинг ҳаво кемалари учун мўлжалланган авиакеросин маҳсулотини божхона расмийлаштирувидан ўтказиш қоидаларига иловага мувофиқ ўзгартиришлар киритилсин.

2. Мазкур буйруқ Ўзбекистон Республикаси Транспорт вазирлиги билан келишилган.

3. Мазкур буйруқ расмий эълон қилинган кундан эътиборан кучга киради.

1. 3-банд қуйидаги таҳрирда баён этилсин:

«3. Авиакеросин маҳсулоти белгиланган жойга етказилганидан сўнг, божхона юк декларациясининг божхона расмийлаштируви «Масофавий электрон декларациялаш» божхона постлари томонидан амалга оширилади.».

2. 6 ва 7-бандлар ўз кучини йўқотган деб топилсин.

3. 8-банд қуйидаги таҳрирда баён этилсин:

«8. Ҳаво кемасига қуйиш учун авиакеросин маҳсулоти божхона омборидан ёки божхона омбори ҳисобланмайдиган жойлардан махсус транспортга юкланади. Юклаш якунлангач иловага мувофиқ электрон шаклда авиакеросин маҳсулоти махсус транспортга юкланганлиги тўғрисида далолатнома (бундан буён матнда далолатнома деб юритилади) божхона омборининг эгаси ёки авиакеросин маҳсулотини божхона омбори ҳисобланмайдиган жойда сақлаган шахс (бундан буён матнда ваколатли шахс деб юритилади) томонидан Ўзбекистон Республикаси Иқтисодиёт ва молия вазирлиги ҳузуридаги Божхона қўмитасининг ягона автоматлаштирилган ахборот тизимида (бундан буён матнда Божхона қўмитасининг ахборот тизими деб юритилади) тузилади.

Далолатнома ҳудудий божхона органларининг божхона пости мансабдор шахси томонидан Божхона қўмитасининг ахборот тизимида электрон имзо қўйиш орқали расмийлаштирилади.

Далолатнома 2 нусхада чоп этилади.

Далолатноманинг I бўлими 1 — 4-бандлари, 5-бандининг «а» — «г» ва «ж» устунлари божхона омборининг эгаси томонидан тўлдирилади.

Далолатноманинг II бўлими юклаш якунлангач тўлдирилади.».

4. 9-банд қуйидаги таҳрирда баён этилсин:

«9. Далолатноманинг чоп этилган битта нусхаси божхона омборида қолади, 2-нусхаси эса божхона расмийлаштирувини амалга оширишда божхона постига тақдим қилиш учун декларантга берилади.».

5. 11-банд «божхона омборининг эгаси,» деган сўзлардан кейин «божхона омбори ҳисобланмайдиган жойда сақланиши ва ундан олиб чиқилиши учун ваколатли шахс,» деган сўзлар билан тўлдирилсин.

6. 14-банд ўз кучини йўқотган деб топилсин.

7. 16-банд қуйидаги таҳрирда баён этилсин:

«16. Авиакеросин маҳсулотини «реэкспорт» божхона режимига жойлаштириш учун унинг ҳаво кемасига қуйилган кунидан бошлаб уч иш кунидан кечиктирмасдан божхона расмийлаштирувини амалга оширадиган божхона постига декларант томонидан ушбу режимга расмийлаштириш учун тўлдирилган божхона юк декларацияси билан бирга қуйидаги ҳужжатлар тақдим қилиниши лозим:

далолатноманинг чоп этилган нусхаси;

товарнинг кузатув ҳужжатлари.

Ҳужжатлар декларант томонидан тасдиқланиши лозим.».

8. 19-банддан «Ўзбекистон Республикаси Иқтисодиёт ва молия вазирлиги ҳузуридаги» деган сўзлар чиқариб ташлансин.