Ўзбекистон Республикасининг 2024 йил 7 февралдаги ЎРҚ-905-сон «Давлат хизматлари кўрсатиш ҳамда тадбиркорлик субъектларининг ҳуқуқларини ва қонуний манфаатларини ҳимоя қилиш тизими такомиллаштирилиши муносабати билан Ўзбекистон Республикасининг айрим қонун ҳужжатларига ўзгартириш ва қўшимчалар киритиш тўғрисида»ги Қонунига мувофиқ, Ўзбекистон Республикаси Соғлиқни сақлаш вазирлиги, Инвестициялар, саноат ва савдо вазирлиги ҳамда Давлат активларини бошқариш агентлиги қарор қилади:

1. Ўзбекистон Республикаси Соғлиқни сақлаш вазирлигининг 2023 йил 22 декабрдаги 11-сон, Инвестициялар, саноат ва савдо вазирлигининг 2023 йил 20 декабрдаги 2023/31-10-сон ҳамда Давлат активларини бошқариш агентлигининг 2023 йил 14 декабрдаги 01/14-07-2/30-сон қарори (рўйхат рақами 3489, 2024 йил 10 январь) (Қонунчилик маълумотлари миллий базаси, 11.01.2024 й., 10/24/3489/0018-сон) билан тасдиқланган «Tashkent Pharma Park» инновацион илмий-ишлаб чиқариш фармацевтика кластери ҳудудида инвестиция лойиҳаларини жойлаштириш, кластер аъзолари (иштирокчилари)ни рўйхатдан ўтказиш ва уларга гувоҳномаларни бериш тартиби тўғрисидаги низомга иловага мувофиқ қўшимчалар киритилсин.

2. Мазкур қарор Ўзбекистон Республикаси Вазирлар Маҳкамаси ҳузуридаги Солиқ қўмитаси, Ўзбекистон Республикаси Савдо-саноат палатаси ҳамда Ўзбекистон Республикаси Президенти ҳузуридаги Тадбиркорлик субъектларининг ҳуқуқлари ва қонуний манфаатларини ҳимоя қилиш бўйича вакил билан келишилган.

3. Мазкур қарор расмий эълон қилинган кундан эътиборан кучга киради.

1. 3-бандда:

қуйидаги мазмундаги бешинчи хатбоши билан тўлдирилсин:

«биологик фаол қўшимчалар, витаминлар, спорт озуқалари, косметика ва гигиеник воситалар ишлаб чиқариш;»;

бешинчи хатбоши олтинчи хатбоши деб ҳисоблансин.

2. 5-банднинг учинчи хатбошиси «юридик шахс уставининг» деган сўзларидан кейин «кўчирма нусхаси ва чет эл юридик шахси учун, шунингдек» деган сўзлар билан тўлдирилсин.