«Ўзбекистон Республикаси Мудофаа вазирлиги билан Америка Қўшма Штатлари Мудофаа вазирлиги ўртасида махфий ҳарбий маълумотларни ҳимоя қилишнинг чора-тадбирлари тўғрисидаги Битимни (Вашингтон, 2023 йил 9 июнь) ратификация қилиш ҳақида»ги ҚЛ-1103-сонли Ўзбекистон Республикаси қонуни лойиҳаси бўйича Ўзбекистон Республикаси Олий Мажлиси Қонунчилик палатаси Мудофаа ва хавфсизлик масалалари қўмитасининг хулосасини кўриб чиқиб, Ўзбекистон Республикаси Олий Мажлиси Қонунчилик палатасининг Кенгаши қарор қилади:

1. Ўзбекистон Республикаси Президенти томонидан 2023 йил 19 декабрда киритилган «Ўзбекистон Республикаси Мудофаа вазирлиги билан Америка Қўшма Штатлари Мудофаа вазирлиги ўртасида махфий ҳарбий маълумотларни ҳимоя қилишнинг чора-тадбирлари тўғрисидаги Битимни (Вашингтон, 2023 йил 9 июнь) ратификация қилиш ҳақида»ги ҚЛ-1103-сонли Ўзбекистон Республикаси қонуни лойиҳаси биринчи ўқишда кўриб чиқиш учун Ўзбекистон Республикаси Олий Мажлиси Қонунчилик палатасининг навбатдаги мажлиси кун тартиби лойиҳасига киритилсин.

2. Ушбу Қарор қабул қилинган кундан эътиборан кучга киради.