«Парламент назорати тўғрисида»ги Ўзбекистон Республикаси Қонунининг 14-моддасига мувофиқ Ўзбекистон Республикаси Олий Мажлисининг Қонунчилик палатаси қарор қилади:

1. «Норма ижодкорлиги фаолиятини такомиллаштириш бўйича амалга оширилаётган ишлар тўғрисида»ги Ўзбекистон Республикаси Олий Мажлиси Қонунчилик палатасининг парламент сўровига Ўзбекистон Республикаси адлия вазири А. Ташкулов томонидан юборилган ёзма жавоб маълумот учун қабул қилинсин.

2. Ўзбекистон Республикаси Вазирлар Маҳкамасига норматив-ҳуқуқий ҳужжатлар лойиҳаларини ҳуқуқий экспертизадан ўтказиш тартибини, шу жумладан экспертларнинг ҳуқуқ ва мажбуриятларини, экспертиза методларини, норматив-ҳуқуқий ҳужжат лойиҳасини ҳуқуқий жиҳатдан баҳолаш мезонларини, ҳуқуқий хулосага қўйилган талабларни, экспертиза ўтказиш муддатларини ҳамда бошқаларни назарда тутувчи қонун лойиҳасини ишлаб чиқиш тавсия этилсин.

3. Ушбу Қарор қабул қилинган кундан эътиборан кучга киради.