Янги таҳрирдаги Ўзбекистон Республикаси Конституцияси ҳамда «Ўзбекистон — 2030» стратегияси доирасида амалга оширилаётган кенг кўламли ислоҳотлар Ўзбекистон Республикаси Олий Мажлиси Қонунчилик палатасининг 2023 йил иккинчи ярим йиллигидаги фаолиятининг асосий йўналишлари ва Қонунчилик палатаси қўмиталарининг 2023 йил иккинчи ярим йиллигига мўлжалланган иш режаларида белгиланган айрим тадбирларнинг бажарилиш муддатларининг қайта кўриб чиқилишини тақозо этмоқда.

Ўзбекистон Республикаси Олий Мажлиси Қонунчилик палатаси қўмиталарининг таклифларини кўриб чиқиб, Ўзбекистон Республикаси Олий Мажлиси Қонунчилик палатасининг Кенгаши қарор қилади:

1. Ўзбекистон Республикаси Олий Мажлиси Қонунчилик палатаси Демократик институтлар, нодавлат ташкилотлар ва фуқароларнинг ўзини ўзи бошқариш органлари қўмитаси, Бюджет ва иқтисодий ислоҳотлар қўмитаси ҳамда Халқаро ишлар ва парламентлараро алоқалар қўмитасининг тегишинча Ўзбекистон Республикаси Олий Мажлиси Қонунчилик палатасининг 2023 йил иккинчи ярим йиллигидаги фаолиятининг асосий йўналишлари ва Қонунчилик палатаси қўмиталарининг 2023 йил иккинчи ярим йиллигига мўлжалланган иш режаларида назарда тутилган айрим тадбирлар ижросини 2024 йилга кўчириш, шунингдек айрим тадбирларни амалга ошириш ўз долзарблигини йўқотганлиги тўғрисидаги таклифлари маъқуллансин.

2. Ўзбекистон Республикаси Олий Мажлиси Қонунчилик палатаси Кенгашининг 2023 йил 28 августда қабул қилинган 3464-IV-сонли Қарори билан тасдиқланган Ўзбекистон Республикаси Олий Мажлиси Қонунчилик палатасининг 2023 йил иккинчи ярим йиллигидаги фаолиятининг асосий йўналишларининг (Ўзбекистон Республикаси Олий Мажлиси палаталарининг Ахборотномаси, 2023 йил, № 8, 708-модда) 12, 57, 58, 59, 60, 86 ва 88-бандлари чиқариб ташлансин.

3. Ўзбекистон Республикаси Олий Мажлиси Қонунчилик палатаси Кенгашининг 2023 йил 28 августда қабул қилинган «Ўзбекистон Республикаси Олий Мажлиси Қонунчилик палатаси қўмиталарининг 2023 йил иккинчи ярим йиллигига мўлжалланган иш режаларини тасдиқлаш тўғрисида»ги 3465-IV-сонли Қарорига (Ўзбекистон Республикаси Олий Мажлиси палаталарининг Ахборотномаси, 2023 йил, № 8, 709-модда) қуйидаги ўзгартиришлар киритилсин:

1-илованинг 8-банди чиқариб ташлансин;

6-илованинг 10, 12-бандлари чиқариб ташлансин;

10-илованинг 6, 10-бандлари чиқариб ташлансин.

4. Ўзбекистон Республикаси Олий Мажлиси Қонунчилик палатасининг Демократик институтлар, нодавлат ташкилотлар ва фуқароларнинг ўзини ўзи бошқариш органлари қўмитаси ҳамда Халқаро ишлар ва парламентлараро алоқалар қўмитаси тегишинча:

Ўзбекистон Республикаси Олий Мажлиси Қонунчилик палатасининг 2023 йил иккинчи ярим йиллигидаги фаолиятининг асосий йўналишларининг 12, 57, 86 ва 88-бандларида назарда тутилган тадбирларни Ўзбекистон Республикаси Олий Мажлиси Қонунчилик палатасининг 2024 йил биринчи ярим йиллигидаги фаолиятининг асосий йўналишлари лойиҳасига;

Ўзбекистон Республикаси Олий Мажлиси Қонунчилик палатаси Кенгашининг 2023 йил 28 августда қабул қилинган «Ўзбекистон Республикаси Олий Мажлиси Қонунчилик палатаси қўмиталарининг 2023 йил иккинчи ярим йиллигига мўлжалланган иш режаларини тасдиқлаш тўғрисида»ги 3465-IV-сонли Қарори 6-иловасининг 10, 12-бандларида, 10-иловасининг 6, 10-бандларида назарда тутилган тадбирларни Ўзбекистон Республикаси Олий Мажлиси Қонунчилик палатаси қўмиталарининг 2024 йил биринчи ярим йиллигига мўлжалланган иш режалари лойиҳасига киритиш чораларини кўрсин.

5. Ушбу Қарор қабул қилинган кундан эътиборан кучга киради.