Ўзбекистон Республикасининг 1994 йил 5 майда қабул қилинган «Халқ депутатлари вилоят, туман ва шаҳар Кенгашларига сайлов тўғрисида»ги Қонунига (Ўзбекистон Республикаси Олий Кенгашининг Ахборотномаси, 1994 йил, № 5, 125-модда; Ўзбекистон Республикаси Олий Мажлисининг Ахборотномаси, 1998 йил, № 3, 38-модда; 1999 йил, № 1, 20-модда, № 9, 206-модда; 2000 йил, № 5-6, 153-модда) қуйидаги ўзгартишлар ва қўшимчалар киритилсин:

1) 2-модданинг:

биринчи қисми қуйидаги таҳрирда баён этилсин:

«Халқ депутатлари вилоят, туман ва шаҳар Кенгашларига депутатлар сайлови умумийдир. Сайлов куни ўн саккиз ёшга тўлган Ўзбекистон Республикаси фуқаролари сайлаш ҳуқуқига эгадирлар. Сайлов куни йигирма бир ёшга тўлган ҳамда камида беш йил Ўзбекистон Республикаси ҳудудида муқим яшаётган Ўзбекистон фуқаролари сайланиш ҳуқуқига эгадирлар»;

учинчи қисми чиқариб ташлансин;

2) 3-модданинг иккинчи қисми қуйидаги таҳрирда баён этилсин:

«Ўзбекистон Республикаси фуқаролари жинси, ирқий ва миллий мансублиги, тили, динга муносабати, ижтимоий келиб чиқиши, эътиқоди, шахсий ва ижтимоий мавқеи, маълумоти, машғулотининг тури ва хусусиятидан қатъи назар, тенг сайлов ҳуқуқига эгадирлар»;

3) 6-модданинг:

тўртинчи қисми қуйидаги таҳрирда баён этилсин:

«Сайловга тайёргарлик кўриш ва уни ўтказишга доир барча тадбирларда, шунингдек сайлов куни овоз бериш хоналарида ва овозларни санаб чиқишда депутатликка номзодлар кўрсатган сиёсий партиялардан, фуқароларнинг ўзини ўзи бошқариш органларидан, сайловчилар ташаббускор гуруҳларидан биттадан кузатувчи, оммавий ахборот воситаларининг вакиллари, бошқа давлатлар, халқаро ташкилотлар ва ҳаракатлардан кузатувчилар қатнашиш ҳуқуқига эгадирлар. Уларнинг ваколатлари тегишли ҳужжатлар билан тасдиқланган бўлиши керак»;

еттинчи қисмининг олтинчи хатбошисидаги «юқори комиссияга» деган сўзлар «юқори сайлов комиссиясига» деган сўзлар билан алмаштирилсин;

саккизинчи қисмининг:

иккинчи хатбошисидаги «овоз бериш кабинасида» деган сўзлар «яширин овоз бериш кабинасида ёки хонасида» деган сўзлар билан алмаштирилсин;

тўртинчи хатбошисидаги «бюллетенга» деган сўз «сайлов бюллетенига» деган сўзлар билан алмаштирилсин;

4) 7-модда:

биринчи қисмининг иккинчи ва учинчи хатбошиларидаги «60» ва «30» рақамлари тегишинча «олтмиш» ва «ўттиз» деган сўзлар билан алмаштирилсин;

бешинчи қисмидаги «сайлов тайинланганидан кейин кечи билан ўн беш кун ичида» деган сўзлар «сайловдан камида етмиш беш кун олдин» деган сўзлар билан алмаштирилсин;

5) 8-модданинг:

учинчи қисмидаги «ҳокимларининг» деган сўз «ҳокимликларининг» деган сўз билан алмаштирилсин;

тўртинчи қисмидаги «сайлов тайинланганидан кейин ўттиз кундан кечикмай» деган сўзлар «сайловдан камида олтмиш кун олдин» деган сўзлар билан алмаштирилсин;

бешинчи қисмидаги «камида 20 нафар ва кўпи билан 3000 нафар» деган сўзлар «камида йигирма нафар ва кўпи билан уч минг нафар» деган сўзлар билан алмаштирилсин;

6) 10-модданинг биринчи қисми қуйидаги таҳрирда баён этилсин:

«Вилоят, туман, шаҳар сайлов комиссияси тегишли халқ депутатлари Кенгаши томонидан сайловга камида саксон кун қолганида комиссиянинг раиси ва олти — ўн тўрт нафар бошқа аъзосидан иборат таркибда тузилади ҳамда ўз ваколатларини тегишли халқ депутатлари Кенгашларига сайлов юзасидан навбатдаги сайлов кампанияси бошланганлиги эълон қилингунга қадар амалга оширади»;

7) 11-модданинг:

5-бандидаги «ҳокимиятнинг вакиллик органларидан» деган сўзлар чиқариб ташлансин;

10-банди «жамоат бирлашмалари вакилларининг» деган сўзлардан кейин «ҳамда корхоналар, муассасалар ва ташкилотлар раҳбарларининг» деган сўзлар билан тўлдирилсин;

8) 12-модданинг матни қуйидаги таҳрирда баён этилсин:

«Округ сайлов комиссияси тегишли вилоят, туман, шаҳар сайлов комиссияси томонидан сайловга камида етмиш кун қолганида комиссиянинг раиси, раис ўринбосари, котиби ва олти — саккиз нафар бошқа аъзосидан иборат таркибда тузилади»;

9) 13-модданинг 7-банди қуйидаги таҳрирда баён этилсин:

«7) сиёсий партиялар, фуқароларнинг ўзини ўзи бошқариш органлари, жамоат бирлашмалари вакилларининг, корхоналар, муассасалар ва ташкилотлар раҳбарларининг сайловга тайёргарлик кўриш ҳамда уни ўтказиш билан боғлиқ масалалар юзасидан ахборотларини эшитади»;

10) 14-модданинг биринчи қисми қуйидаги таҳрирда баён этилсин:

«Участка сайлов комиссияси туман, шаҳар сайлов комиссияси томонидан сайловга камида қирқ кун қолганида беш — ўн тўққиз нафар аъзодан, шу жумладан раис, раис ўринбосари ва котибдан иборат таркибда тузилади. Агар комиссия етти нафаргача аъзодан иборат таркибда тузилса, раис ва котиб сайланади»;

11) 17-модданинг бешинчи қисмидаги «бепул бериб турадилар» деган сўзлар «бепул бериб туришлари шарт» деган сўзлар билан алмаштирилсин;

12) 18-модданинг матнидаги «ҳокимиятнинг вакиллик органлари» деган сўзлар чиқариб ташлансин;

13) IV бобнинг номи қуйидаги таҳрирда баён этилсин:

«IV. Сайлов кампанияси бошланганлигини эълон қилиш. Халқ депутатлари вилоят, туман, шаҳар кенгашлари депутатлигига номзодлар кўрсатиш ва уларни рўйхатга олиш»;

14) 19-модда қуйидаги таҳрирда баён этилсин:

Халқ депутатлари вилоят, туман, шаҳар Кенгашларига сайлов юзасидан сайлов кампанияси бошланганлиги депутатларнинг ваколат муддати тугашидан камида уч ой олдин Ўзбекистон Республикаси Марказий сайлов комиссияси томонидан оммавий ахборот воситаларида эълон қилинади»;

15) 20-модданинг:

биринчи қисмидаги «халқ депутатлари туман ва шаҳар Кенгашлари» деган сўзлар чиқариб ташлансин;

учинчи қисмидаги «сайлов тайинланган кундан» деган сўзлар «сайлов кампанияси бошланганлиги эълон қилинган кундан» деган сўзлар билан алмаштирилсин;

16) 21-модда:

биринчи қисмининг:

биринчи хатбошисидаги «сайлов тайинланганидан кейин йигирма кун ичида» деган сўзлар «сайловга камида етмиш кун қолганида» деган сўзлар билан алмаштирилсин;

учинчи хатбошисидаги «сайлов тайинланган кундан» деган сўзлар «сайлов кампанияси бошланганлиги эълон қилинган кундан» деган сўзлар билан алмаштирилсин;

иккинчи қисмидаги «Мазкур ҳужжатлар» деган сўзлар «Ушбу модданинг биринчи қисмида кўрсатилган ҳужжатлар» деган сўзлар билан алмаштирилсин;

17) 22-модда қуйидаги таҳрирда баён этилсин:

Халқ депутатлари вилоят, туман ва шаҳар Кенгашларининг депутатлигига номзодлар кўрсатиш сайловга олтмиш беш кун қолганида бошланади ва сайловга қирқ беш кун қолганида тугалланади.

Халқ депутатлари вилоят Кенгашлари депутатлигига номзодлар сиёсий партияларнинг вилоят органлари томонидан кўрсатилади.

Халқ депутатлари туман ва шаҳар Кенгашлари депутатлигига номзодлар сиёсий партияларнинг тегишли туман, шаҳар органлари томонидан ҳамда фуқаролар йиғинларида (вакиллари йиғилишларида) кўрсатилади.

Сиёсий партиялар, фуқароларнинг ўзини ўзи бошқариш органлари тегишли ҳудудда жойлашган ҳар бир сайлов округидан биттадан депутатликка номзод кўрсатишга ваколатлидир. Агар тегишли халқ депутатлари туман, шаҳар Кенгашига сайлов ўтказувчи сайлов округи ҳудудида фуқароларнинг икки ва ундан ортиқ ўзини ўзи бошқариш органи жойлашган бўлса, депутатликка номзод фуқаролар вакилларининг йиғилишларида кўрсатилади. Йиғилишда иштирок этадиган вакиллар нормасини тегишли туман, шаҳар сайлов комиссияси белгилайди.

Депутатликка, қоида тариқасида, тегишли вилоят, туман ёки шаҳар ҳудудида ишловчи ёки яшовчи фуқаролар номзод этиб кўрсатилади. Бир шахс тегишли халқ депутатлари вилоят, туман, шаҳар Кенгашига сайлов ўтказувчи фақат битта сайлов округидан депутатликка номзод этиб кўрсатилиши мумкин. Депутатликка номзодлар танлаш тартибини сиёсий партияларнинг ва фуқароларнинг ўзини ўзи бошқариш органларининг ўзлари белгилайдилар.

Сиёсий партиялар фақат ўз партияси аъзоларини ёки партиясизларни депутатликка номзод этиб кўрсатишга ваколатлидир, фуқароларнинг ўзини ўзи бошқариш органлари эса шахсларни у ёки бу партияга мансублигидан қатъи назар, депутатликка номзод этиб кўрсатишга ҳақлидир. Депутатликка номзодлар кўрсатилганлиги тўғрисида баённома тузилади»;

18) 22-1-модданинг:

русча матни биринчи қисмидаги «соответствующего округа» деган сўзлар «соответствующего избирательного округа» деган сўзлар билан алмаштирилсин;

иккинчи қисми биринчи хатбошисидаги «вакили» деган сўз «ваколатли вакили» деган сўзлар билан алмаштирилсин;

русча матни иккинчи қисмининг тўртинчи хатбошисидаги «год» деган сўз «дата» деган сўз билан алмаштирилсин;

тўртинчи қисмидаги «ваколатли вакилга» деган сўзлар «унинг ваколатли вакилига» деган сўзлар билан алмаштирилсин;

олтинчи қисми қуйидаги мазмундаги жумла билан тўлдирилсин:

«Бу санага қадар тўпланган имзолар ҳисобга олинмайди»;

ўн иккинчи қисмидаги «икки кунлик муддат» деган сўзлар «уч кунлик муддат» деган сўзлар билан алмаштирилсин;

19) 22-2-модданинг:

биринчи қисми қуйидаги таҳрирда баён этилсин:

«Сиёсий партия тегишли органининг, фуқароларнинг ўзини ўзи бошқариш органининг раҳбари, сайловчилар ташаббускор гуруҳининг ваколатли вакили депутатликка номзодларни рўйхатга олишни илтимос қилиб, тегишли вилоят, туман, шаҳар сайлов комиссиясига ариза билан мурожаат этади. Аризага қуйидагилар илова қилинади:

сиёсий партия тегишли органининг, фуқаролар йиғинининг (вакиллари йиғилишининг), сайловчилар ташаббускор гуруҳи йиғилишининг депутатликка номзодлар кўрсатиш тўғрисидаги қарори;

сиёсий партия тегишли органи мажлисининг, фуқаролар йиғини (вакиллари йиғилиши), сайловчилар ташаббускор гуруҳи йиғилишининг депутатликка номзодлар кўрсатиш тўғрисидаги баённомаси, унда депутатликка номзоднинг фамилияси, исми, отасининг исми, туғилган санаси, касби, лавозими (машғулотининг тури), иш ва яшаш жойи, партияга мансублиги, шунингдек сайлов округининг номи ва тартиб рақами кўрсатилади;

депутатликка номзоднинг ўз номзоди тегишли сайлов округидан овозга қўйилишига рози эканлиги тўғрисидаги аризаси;

ушбу Қонун 23-моддасининг иккинчи қисмида кўрсатиб ўтилган шахсларнинг, башарти улар депутат этиб сайлангудек бўлсалар, эгаллаб турган лавозимларидан бўшаш тўғрисидаги аризалари»;

тўртинчи қисми қуйидаги таҳрирда баён этилсин:

«Вилоят, туман, шаҳар сайлов комиссияси рўйхатга олиш учун тақдим этилган ҳужжатларда аниқланган номувофиқликлар ва ушбу Қонун талабларидан четга чиқиш ҳоллари тўғрисида тегишли сиёсий партияларнинг, фуқароларнинг ўзини ўзи бошқариш органларининг раҳбарларига ва сайловчилар ташаббускор гуруҳларининг ваколатли вакилларига белгиланган тартибда маълум қилади»;

20) 23-модда биринчи қисмининг иккинчи ва учинчи хатбошилари қуйидаги таҳрирда баён этилсин:

«содир этилган жинояти учун судланганлик ҳолати тугалланмаган ёки судланганлиги олиб ташланмаган шахслар;

сайлов кунига қадар сўнгги беш йил мобайнида Ўзбекистон Республикаси ҳудудида муқим яшамаган шахслар»;

21) 24-модданинг:

биринчи қисмидаги «халқ депутатлари туман, шаҳар Кенгашларидан» деган сўзлар чиқариб ташлансин;

тўртинчи қисмидаги «номзод этиб кўрсатган органнинг номини қайд этган ҳолда» деган сўзлар «номзод этиб кўрсатган сиёсий партияни ёки фуқароларнинг ўзини ўзи бошқариш органини ёхуд сайловчилар ташаббускор гуруҳини кўрсатган ҳолда» деган сўзлар билан алмаштирилсин;

22) 25-модданинг:

иккинчи қисми қуйидаги таҳрирда баён этилсин:

«Депутатликка номзодларга, сиёсий партияларга, мустақил ташаббускор гуруҳларга тегишли вилоят, туман, шаҳар сайлов комиссияси томонидан белгиланадиган тартибда оммавий ахборот воситаларидан фойдаланишда тенг ҳуқуқ берилади. Сайловчиларнинг йиғилишлари участка сайлов комиссияси томонидан барча номзодлар учун мутлақ тенг шароитларга риоя этилган ҳолда ташкил қилинади. Маҳаллий ҳокимият органлари ва жамоат ташкилотлари, шунингдек фуқароларнинг ўзини ўзи бошқариш органлари депутатликка номзодларга йиғилишлар ўтказиш учун жиҳозланган бинолар ажратишлари, депутатликка номзодларга сайловчилар билан учрашувлар ўтказишни ташкил этишда, зарур маълумот ва ахборот материаллари олишда ёрдам кўрсатишлари шарт»;

тўртинчи қисми чиқариб ташлансин;

бешинчи қисмидаги «республиканинг» деган сўз «давлатнинг» деган сўз билан алмаштирилсин;

23) Қонун қуйидаги мазмундаги 26-1-модда билан тўлдирилсин:

Депутатликка номзод этиб рўйхатга олинган шахс сайловчилар билан учрашувлар ўтказиш, сайловолди йиғилишларида сўзга чиқиш, телевидение кўрсатувлари ва радио эшиттиришларида қатнашиш вақтида, ўртача ойлик иш ҳақи сайлов ўтказиш учун ажратиладиган маблағлар ҳисобидан сақланган ҳолда, ишлаб чиқариш ёки хизмат вазифаларини бажаришдан озод бўлиш ҳуқуқига эга»;

24) 28-модданинг биринчи қисмидаги «халқ депутатлари туман, шаҳар Кенгаши» деган сўзлар чиқариб ташлансин;

25) 29-модданинг:

биринчи қисмидаги «18» рақами «ўн саккиз» деган сўзлар билан алмаштирилсин;

саккизинчи қисмидаги «манзили» деган сўз «яшаш жойи манзили» деган сўзлар билан алмаштирилсин;

26) 31-модданинг биринчи қисмидаги «йигирма тўрт» деган сўзлар «24» рақами билан алмаштирилсин;

27) 32-модданинг биринчи қисмидаги «органнинг номи» деган сўзлар «сиёсий партия ёки фуқароларнинг ўзини ўзи бошқариш органи ёхуд сайловчилар ташаббускор гуруҳи» деган сўзлар билан алмаштирилсин;

28) 38-модданинг:

иккинчи қисми қуйидаги таҳрирда баён этилсин:

«Сайловда сайловчи ўзи қарши овоз бераётган депутатликка номзодларнинг сайлов бюллетенидаги фамилиясини ўчиради»;

учинчи қисмидаги «бюллетенни» деган сўз «сайлов бюллетенини» деган сўзлар билан алмаштирилсин;

29) 39-модданинг:

иккинчи қисмидаги «тақиқланади» деган сўз «қатъиян тақиқланади» деган сўзлар билан алмаштирилсин;

бешинчи қисми биринчи хатбошисидаги «комиссия» деган сўз «участка сайлов комиссияси» деган сўзлар билан алмаштирилсин;

олтинчи қисмидаги «бюллетенларга ва сайлов» деган сўзлар «сайлов бюллетенлари ва» деган сўзлар билан алмаштирилсин;

еттинчи қисмининг биринчи жумласи қуйидаги таҳрирда баён этилсин:

«Белгиланмаган намунадаги сайлов бюллетенлари ва варақалари, шунингдек овоз бериш чоғида биттадан ортиқ депутатликка номзоднинг фамилияси қолдирилган сайлов бюллетенлари ва варақалари ҳақиқий эмас деб топилади»;

саккизинчи қисмидаги «раис, раис ўринбосари, комиссия котиби, комиссиянинг бошқа аъзолари» деган сўзлар «сайлов комиссиясининг раиси, раис ўринбосари, котиби ва бошқа аъзолари» деган сўзлар билан алмаштирилсин;

30) 40-модда биринчи қисмининг биринчи хатбошиси қуйидаги таҳрирда баён этилсин:

«Сайлов округлари бўйича сайлов натижалари фақат участка сайлов комиссияларининг тақдим этилган баённомалари асосида аниқланади. Округ сайлов комиссияси:»;

31) 41-модданинг:

учинчи қисмидаги «ярмидан ками» деган сўзлар «ўттиз уч фоизидан ками» деган сўзлар билан алмаштирилсин;

русча матни бешинчи қисмидаги «по отдельным участкам» деган сўзлар «по отдельным избирательным участкам» деган сўзлар билан алмаштирилсин;

32) 48-модданинг:

биринчи қисмидаги «Ўзбекистон Республикасининг» деган сўзлар чиқариб ташлансин;

иккинчи қисми «сиёсий партиялари» деган сўзлардан кейин «ва бошқа» деган сўзлар билан тўлдирилсин;

33) 49-моддадаги «Сайловчиларнинг» деган сўз «Фуқароларнинг» деган сўз билан алмаштирилсин;

34) Қонуннинг русча матни номидаги, 1-моддасининг биринчи ва иккинчи қисмларидаги, 4, 5-моддаларидаги, 6-моддасининг биринчи қисмидаги, 7-моддаси биринчи қисмининг иккинчи ва учинчи хатбошиларидаги, иккинчи, учинчи ва олтинчи қисмларидаги, 9-моддасининг иккинчи, учинчи ва тўртинчи хатбошиларидаги, 11-моддасининг 2, 3, 6, 9, 11, 12-бандларидаги, 16-моддасининг биринчи, иккинчи ва олтинчи қисмларидаги, 20-моддасининг биринчи ва иккинчи қисмларидаги, 22-1-моддасининг биринчи қисмидаги, 26-моддасининг биринчи қисмидаги, 27-моддасидаги, 39-моддасининг тўртинчи қисмидаги, 44-моддасидаги, 45-моддасининг иккинчи қисмидаги, 46, 47-моддаларидаги, 48-моддасининг биринчи қисмидаги, 49-моддасининг номидаги «Советы», «Советов», «Совет», «Совета», «Советом» деган сўзлар тегишинча «Кенгаши», «Кенгашей», «Кенгаш», «Кенгаша», «Кенгашем» деган сўзлар билан алмаштирилсин.