Ўзбекистон Республикаси Вазирлар Маҳкамасининг 2023 йил 27 февралдаги 84-сон «Болаларнинг дам олишини ташкил этиш ва соғломлаштириш тизимини янада такомиллаштириш чора-тадбирлари тўғрисида»ги қарорига мувофиқ Ўзбекистон Республикаси Мактабгача ва мактаб таълими вазирлиги ва Соғлиқни сақлаш вазирлиги қарор қилади:

1. Қуйидагилар ўз кучини йўқотган деб топилсин:

Ўзбекистон Республикаси Халқ таълими вазирлиги, Соғлиқни сақлаш вазирлигининг 2017 йил 24 февралдаги 2-мҳ, 80-сон «Болалар соғломлаштириш оромгоҳлари тўғрисидаги низомни тасдиқлаш ҳақида»ги қарори (рўйхат рақами 2872, 2017 йил 31 март) (Ўзбекистон Республикаси қонун ҳужжатлари тўплами, 2017 й., 13-сон, 212-модда;);

Ўзбекистон Республикаси Халқ таълими вазирлигининг 2021 йил 21 октябрдаги 29-мҳ-сон, Соғлиқни сақлаш вазирлигининг 2021 йил 11 октябрдаги 28-сон «Болалар соғломлаштириш оромгоҳлари тўғрисидаги низомга ўзгартиришлар киритиш тўғрисида»ги қарори (рўйхат рақами 2872-1, 2021 йил 11 ноябрь) (Қонунчилик маълумотлари миллий базаси, 11.11.2021 й., 10/21/2872-1/1040-сон).

2. Мазкур қарор Ўзбекистон Республикаси Ички ишлар вазирлиги, Иқтисодиёт ва молия вазирлиги, Маданият вазирлиги, Ёшлар сиёсати ва спорт вазирлиги, Олий таълим, фан ва инновациялар вазирлиги, Камбағалликни қисқартириш ва бандлик вазирлиги, Ўзбекистон касаба уюшмалари Федерацияси, Ўзбекистон фермер, деҳқон хўжаликлари ва томорқа ер эгалари кенгаши ҳамда Савдо-саноат палатаси билан келишилган.

3. Мазкур қарор расмий эълон қилинган кундан эътиборан кучга киради.