428-сон 31.08.2023. Ташқи реклама ва ижтимоий ахборотнинг айланиш соҳасидаги муносабатларни тартибга солишни янада такомиллаштириш чора-тадбирлари тўғрисида

Ўзбекистон Республикаси Вазирлар Маҳкамасининг қарори, 31.08.2023 йилдаги 428-сон

Кучга кириш санаси

04.09.2023

Рус

Eng

Ўзб

O’zb

Ўзб|Рус

Ҳужжат 04.09.2023 санаси ҳолатига

Ҳужжат 01.11.2024 санаси ҳолатига

Ўзбекистон Республикаси Вазирлар Маҳкамасининг

қарори

Ташқи реклама ва ижтимоий ахборотнинг айланиш соҳасидаги муносабатларни тартибга солишни янада такомиллаштириш чора-тадбирлари тўғрисида

Ташқи реклама ва ижтимоий ахборотни жойлаштириш соҳасини тизимли тартибга солиш, мазкур йўналишда қатъий назорат ўрнатиш, ташқи реклама бозорининг иштирокчилари учун тенг имкониятлар яратиб, мулк дахлсизлигини таъминлаш ҳамда соҳага оид муносабатларни рақамлаштириш мақсадида Вазирлар Маҳкамаси қарор қилади:

1. Белгилансинки, 2023 йил 1 декабрдан бошлаб:

ташқи реклама бозори иштирокчилари учун тенг шароитлар яратиш ҳамда соҳада шаффофликни таъминлашга қаратилган «Ташқи реклама» рақамли мониторинг электрон тизими жорий этилади;

давлат мулки бўлган ер участкалари, бинолар ҳамда иншоотларда янги ўрнатиладиган ташқи реклама ва ахборот объектларини (конструкцияларини) қуриш ҳуқуқи учун электрон онлайн-аукцион якунлари бўйича тўлов ҳамда ташқи реклама ва ахборот объектларида (конструкцияларида) ташқи рекламани жойлаштириш (тарқатиш) учун йиғим ўрнига миқдори очиқ электрон аукцион савдолари орқали белгиланадиган ташқи реклама ва ахборот объектини (конструкциясини) ўрнатиш ва унда рекламани жойлаштиришга бўлган ҳуқуқ учун ягона ойлик йиғим (кейинги ўринларда — йиғим) жорий этилади;

давлат мулки бўлган ер участкаларида, бино ҳамда иншоотларда ташқи реклама ва ахборот объектлари (конструкциялари) учун реклама жойининг паспорти ҳамда уларни ўрнатиш учун шартномалар оммавий оферта шаклида «E-auksion» электрон савдо платформасининг ягона электрон савдо майдончасида аукцион ғолибига автоматик тарзда берилади;

хусусийлаштирилган, ижарага берилган ёки нодавлат ташкилотларга доимий фойдаланиш ҳуқуқи асосида тегишли бўлган ер участкаларида, шунингдек, хусусий мулк бўлган бинолар ва иншоотларда ҳамда транспорт воситаларида (йўналишлардаги автобуслар бундан мустасно) ташқи реклама ва ахборот объектларини (конструкцияларини) жойлаштириш ҳуқуқини берувчи реклама жойининг паспорти Ўзбекистон Республикаси Ягона интерактив давлат хизматлари портали (кейинги ўринларда — ЯИДХП) ахборот тизими орқали берилади.

2. Ташқи рекламани жойлаштириш соҳасини ривожлантиришнинг мақсадли кўрсаткичлари 1-иловага мувофиқ тасдиқлансин.

Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари ташқи рекламани жойлаштириш соҳасини ривожлантиришнинг мақсадли кўрсаткичлари бажарилишига масъул этиб белгилансин.

3. Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари:

икки ҳафта муддатда Ўзбекистон Республикаси Рақобатни ривожлантириш ва истеъмолчилар ҳуқуқларини ҳимоя қилиш қўмитаси (кейинги ўринларда — Қўмита) томонидан тақдим этилган намунавий тартиб асосида ташқи реклама ва ахборот объектларини (конструкцияларини) хатловдан ўтказиш тартибини тасдиқласин;

Ўзбекистон Республикаси Транспорт вазирлиги ҳузуридаги Автомобиль йўллари қўмитаси ҳамда Қўмита билан биргаликда 2023 йил 1 декабрга қадар манфаатдор ташкилотларни жалб қилган ҳолда, ташқи реклама ва ахборот объектларини (конструкцияларини) хатловдан ўтказсин;

ташқи реклама ва ахборот объектларининг (конструкцияларининг) белгиланган тартибларга мувофиқ ўрнатилганлиги устидан доимий назоратни таъминласин.

4. Қорақалпоғистон Республикаси Вазирлар Кенгаши ва вилоятлар ҳокимликларига ташқи реклама соҳасига оид вазифаларни самарали амалга ошириш мақсадида заруратга кўра 2024 йил 1 мартга қадар тегишли маҳаллий бюджетлардан, 2024 йил 1 мартдан бошлаб уларнинг бюджетдан ташқари жамғармалари ҳисобидан молиялаштириладиган ташқи рекламани мувофиқлаштириш бўлинмаларини ташкил этиш ҳуқуқи берилсин.

5. Белгилансинки:

а) амал қилиш муддати белгиланмаган реклама жойи паспортларининг амал қилиш муддати давлат мулки бўлган бино ва иншоотлар учун 2024 йил 1 декабргача ва ер участкалари учун 2030 йил 1 декабргача этиб белгилансин. Бунда мазкур қоида қуйидаги талабларга жавоб берадиган ташқи реклама объектларига татбиқ этилади:

ташқи реклама бўйича тегишли тўлов ва йиғимлардан охирги беш йил муддат учун қарздорлиги мавжуд бўлмаганда;

ташқи реклама бўйича тегишли тўлов ва йиғимлардан охирги беш йил муддат учун қарздорлиги мавжуд бўлмаганда ёки мавжуд қарздорликни 9 ой муддатда ҳар ойнинг 10-санасигача тенг миқдорда бўлиб тўлаш шарти билан қоплаш мажбуриятини олганда. Бунда қарздорликни тенг миқдорда бўлиб тўлаш суммаси ҳар бир конструкция учун Тошкент шаҳрида 100 БҲМдан, қолган ҳудудларда 50 БҲМдан ошган қарздорликка нисбатан биринчи тўловни қарздорлик суммасидан камида 30 фоиз миқдорида амалга ошириш шарти билан қўлланилади. Паспортлар бекор қилинганда, амалга оширилган тўловлар қайтарилмайди;

реклама жойининг паспорти ва техник хавфсизлик талабларига мувофиқ ўрнатилганлиги ҳақида тегишли лицензияга эга бўлган ваколатли ташкилотнинг жорий йилдаги хулосаси мавжуд бўлганда;

рекламадан холи ҳудудларда жойлаштирилмаганда, жамоат транспорти тўхташ бекатлари бундан мустасно;

реклама жойлаштириш ҳуқуқни белгиловчи ҳужжатларнинг электрон нусхалари тақдим қилинганда;

б) илгари берилган реклама жойининг паспорт эгалари томонидан 2024 йил 1 мартга қадар уларни янги шаклдаги реклама жойининг паспортига алмаштириш учун ЯИДХП ахборот тизими орқали ариза топширилади.

в) илгари берилган реклама жойининг паспорт эгалари томонидан 2024 йил 1 декабрга қадар уларни янги шаклдаги реклама жойининг паспортига алмаштириш учун ЯИДХП ахборот тизими орқали ариза топширилади.

Белгилансинки, мазкур банднинг «б» кичик бандида кўрсатилган муддатда янги шаклдаги реклама жойининг паспортига алмаштириш учун ариза топширилмаганда, ушбу паспортлар ўз кучини йўқотган деб ҳисобланади.

Белгилансинки, илгари берилган реклама жойининг паспортлари янги шаклдаги реклама жойининг паспортига алмаштирилмаганда, ушбу паспортлар ўз кучини йўқотган деб ҳисобланади.

6. Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари 2023 йил 1 декабрга қадар:

ташқи реклама ва ахборот объектларини (конструкцияларини) жойлаштириш ва улардан фойдаланиш қоидалари ҳамда уларни ўрнатиш чизмалари тасдиқланишини таъминласин;

Қўмита билан биргаликда ташқи реклама ва ахборот объектларини (конструкцияларини) ўрнатиш учун шартнома оммавий офертасининг намунавий шаклини ишлаб чиқсин.

7. Ўзбекистон Республикаси Рақамли технологиялар вазирлиги Тошкент шаҳар ҳокимлиги ҳузуридаги Рақамли ривожланиш департаменти (кейинги ўринларда — Департамент) билан биргаликда 2023 йил 1 декабрга қадар «Ташқи реклама» рақамли мониторинг электрон тизими (кейинги ўринларда — электрон тизим) ишга туширилишини таъминласин.

Бунда:

электрон тизимни жорий этиш ва техник қўллаб-қувватлаш учун — Департамент;

электрон тизим ишлашини таъминлаш бўйича ишларни мувофиқлаштириш учун — Рақамли технологиялар вазирлиги масъул ва жавобгар ҳисобланади;

Қорақалпоғистон Республикаси ва вилоятларда электрон тизим жорий этилишига «Рақамли ҳудуд» дастури доирасида Департамент ҳузурида ташкил этиладиган ҳудудий лойиҳа офислари масъул этиб белгилансин.

Қорақалпоғистон Республикаси Вазирлар Кенгаши ва вилоятлар ҳокимликларининг ташқи рекламани мувофиқлаштириш бўлинмалари Департамент ҳузуридаги ҳудудий лойиҳа офислари билан биргаликда электрон тизимни юритсин.

Белгилансинки, Қорақалпоғистон Республикаси Вазирлар Кенгаши ва вилоятлар ҳокимликларининг ташқи реклама жойининг паспортларини расмийлаштириш ва бериш (имзолаш) вазифаси юкланган ваколати мансабдор шахси Қорақалпоғистон Республикаси Вазирлар Кенгаши Раиси ва вилоятлар ҳокимлари қарорларига асосан белгиланади.

8. Белгилансинки:

электрон тизимни ишга тушириш ва техник жиҳатдан қўллаб-қувватлаш Департаментнинг маблағлари ҳисобидан амалга оширилади;

электрон тизим «E-auksion» электрон савдо платформаси ва ЯИДХП ахборот тизимига интеграция қилинади;

электрон тизимдан Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари, Қўмита, Департамент, Ўзбекистон Республикаси Ички ишлар вазирлиги ҳамда Транспорт вазирлиги ҳузуридаги Автомобиль йўллари қўмитаси томонидан республиканинг барча ҳудудларида бепул фойдаланилади;

ташқи реклама ва ахборот объектларида (конструкцияларида) ташқи реклама жойининг паспортини текшириш имконини берувчи махсус QR-код бўлиши шарт;

давлат мулки бўлган ер участкаларига ташқи реклама ва ахборот объектларини (конструкцияларини) жойлаштириш ҳуқуқини электрон онлайн-аукцион савдоларида ютиб олган аукцион ғолиби билан ушбу ер участкалари бўйича алоҳида ер ижараси шартномаси тузилмайди;

давлат мулки бўлган бино-иншоотларда ташқи реклама ва ахборот объектларини (конструкцияларини) жойлаштириш ҳуқуқини электрон онлайн-аукцион савдоларида ютиб олган аукцион ғолиби билан давлат мулки объектларини ижарага бериш шартномаси ижарага берувчи ва ижарачи ўртасида электрон шаклда (шу жумладан, электрон рақамли имзо орқали) солиқ органларининг «E-Ijara» ахборот тизими орқали тўғридан-тўғри икки томонлама тузилади.

Бунда 2023 йил 1 декабрдан бошлаб ижара ҳақининг ставкалари бир квадрат метр учун Тошкент шаҳрида базавий ҳисоблаш миқдорининг 20 фоизи, Қорақалпоғистон Республикаси ва вилоятлар маъмурий марказларида 10 фоизи ҳамда бошқа ҳудудларда 7 фоизи миқдорида белгилансин.

9. Белгилансинки, 2023 йил 1 декабрдан бошлаб:

ташқи реклама ва ахборот объектларини (конструкцияларини) электрон аукцион савдоларига чиқаришнинг бошланғич нархи тасдиқланган йиғим миқдорида белгиланади;

ташқи реклама ва ахборот объектларини (конструкцияларини) ўрнатиш ва унда рекламани жойлаштиришга бўлган ҳуқуқ электрон аукцион савдоларига чиқаришнинг бошланғич нархи тасдиқланган йиғим миқдорида белгиланади;

ташқи реклама ва ахборот объекти (конструкцияси) электрон аукцион савдоларига алоҳида ёки бир нечта объектлардан иборат лот шаклида қўйилади;

ташқи реклама ва ахборот объекти (конструкцияси) ўрнатиш ва унда рекламани жойлаштиришга бўлган ҳуқуқ электрон аукцион савдоларига алоҳида ёки бир нечта объектлардан иборат лот шаклида қўйилади;

йиғим Тошкент шаҳрида реклама майдонининг (сатҳининг) бир квадрат метри учун базавий ҳисоблаш миқдорининг 7 фоизидан ва бошқа ҳудудларда 5 фоизидан кам бўлмаган миқдорда белгиланади. Бунда йиғим хусусийлаштирилган, ижарага берилган ёки нодавлат ташкилотларга доимий фойдаланиш ҳуқуқи асосида тегишли бўлган ер участкалари, шунингдек, хусусий мулк бўлган бинолар ва иншоотлардаги ташқи реклама ва ахборот объектлари (конструкциялари) учун ҳам татбиқ этилади;

Қорақалпоғистон Республикаси Жўқорғи Кенгеси, халқ депутатлари вилоятлар ва Тошкент шаҳар Кенгашлари томонидан туман ва шаҳарларнинг иқтисодий ривожланишидан келиб чиқиб, йиғим миқдорини белгилаш ҳамда уларга 0,5 дан 3,0 гача бўлган камайтирувчи ва оширувчи коэффициентларни қўллаш тавсия этилади;

ташқи реклама ва ахборот объектларини (конструкцияларини) ўрнатишга бўлган ҳуқуқ учун ойлик йиғимлардан тушадиган маблағлар 2-иловага мувофиқ тақсимланади.

транспорт воситаларида (йўналишлардаги автобуслар бундан мустасно) рекламани жойлаштириш учун йиғим миқдори уларнинг тоифасидан келиб чиқиб, Қорақалпоғистон Республикаси Жўқорғи Кенгеси, халқ депутатлари вилоятлар ва Тошкент шаҳар Кенгашлари томонидан белгиланади. Бунда йиғим миқдори расман эълон қилинмаган ва кучга кирмаган тақдирда, мазкур давр учун йиғим ундиришга йўл қўйилмайди;

электрон тизим ишга туширилгандан бошлаб ташқи реклама ва ахборот объектларини (конструкцияларини) ўрнатишга бўлган ҳуқуқ учун ойлик йиғимлардан тушадиган маблағлар 2-иловага мувофиқ тақсимланади. Бунда йиғимдан тушумни тақсимлашдан олдин «Рақамли ҳукумат лойиҳаларини бошқариш маркази» давлат муассасасининг Иқтисодиёт ва молия вазирлиги ҳузуридаги Ғазначилик хизмати қўмитасидаги махсус ҳисобварағига ўтказиладиган Ягона биллинг тизими орқали давлат хизматларини кўрсатганлик учун 0,5 фоиз миқдордаги тўлов чегириб қолинади.

Белгилансинки, 2024 йил 1 декабрдан бошлаб транспорт воситаларида (йўналишлардаги автобуслар бундан мустасно) рекламани жойлаштириш учун йиғим транспорт воситаларида ташқи рекламани ўрнатиш учун реклама жойининг паспортини беришда тўланади. Бунда 2024 йил 1 декабрга қадар берилган транспорт воситаларида ташқи рекламани ўрнатиш учун реклама жойининг паспортлари учун йиғим 2025 йил 1 январга қадар тўлиқ тўланиши лозим.

Вазирлар Маҳкамаси ҳузуридаги Солиқ қўмитасига йиғимни ундириш чораларини кўриш вазифаси юклансин.

10. Ташқи реклама ва ахборот объекти (конструкцияси) эгаларининг ахборот хавфсизлиги юзасидан масъулиятини ошириш ва ташқи реклама соҳасини тартибга солиш мақсадида қуйидагилар жорий этилсин:

ташқи реклама ва ахборот объектларида (конструкцияларида) сиёсий мақсадларга мўлжалланган ахборот фақат Ўзбекистон Республикаси Адлия вазирлигида рўйхатга олинган сиёсий партияларнинг, республика ва маҳаллий ижро этувчи ҳокимият органлари ҳамда бошқа ташкилотларнинг буюртмасига асосан жойлаштирилади;

йўл қатнов қисмида жойлашган бино ва иншоотларнинг ташқи қисмида ҳар қандай турдаги шахсий эълонларни жойлаштиришга йўл қўйилмайди;

юридик ёки жисмоний шахс томонидан бошқа юридик ва жисмоний шахслар ҳамда жамоатчилик эътиборини жалб қилиш мақсадида жойлаштирилган, реклама тусига эга бўлмаган, умумий майдони бир квадрат метрдан кўп бўлган эълонлар ташқи реклама ва ахборот объектлари (конструкциялари) сифатида эътироф этилади ҳамда улар учун белгиланган тартибда реклама жойининг паспорти расмийлаштирилади.

11. Ижтимоий ахборотнинг айланиш соҳасидаги барча муносабатларни тартибга солувчи комиссия таркиби 3-иловага мувофиқ тасдиқлансин ва унга қуйидагилар юклансин:

ижтимоий ахборотнинг айланиш соҳасидаги давлат сиёсатини амалга ошириш;

ҳар йили 1 декабрга қадар республика ва маҳаллий ижро этувчи ҳокимият органлари ҳамда бошқа ташкилотлар томонидан кейинги йилда эълон қилинадиган ижтимоий ахборот дастурини тасдиқлаш;

республика ва маҳаллий ижро этувчи ҳокимият органлари ҳамда бошқа ташкилотлар томонидан тайёрланган ижтимоий ахборот жойлаштириладиган жойлар ва уларнинг графигини тасдиқлаш;

ижтимоий ахборотни тайёрлаш ва тарғибот жараёнларини назорат қилиш;

оммавий ахборот воситалари, ташқи реклама ва ахборот тарқатувчилар томонидан ижтимоий ахборотни жойлаштириш ҳамда тарқатиш тартибини белгилаш;

ижтимоий ахборот самарадорлиги натижалари юзасидан республика ва маҳаллий ижро этувчи ҳокимият органлари ҳамда бошқа ташкилотлар фаолиятини мувофиқлаштириш.

Ўзбекистон Республикаси Президенти ҳузуридаги Ахборот ва оммавий коммуникациялар агентлиги (кейинги ўринларда — Ахборот ва оммавий коммуникациялар агентлиги) ижтимоий ахборотнинг айланиш соҳасидаги барча муносабатларни тартибга солувчи комиссиянинг ишчи органи этиб белгилансин.

12. Республика ва маҳаллий ижро этувчи ҳокимият органлари ҳамда бошқа ташкилотлар томонидан ижтимоий ахборотни тайёрлаш ва тарқатиш 4-иловага мувофиқ схема бўйича амалга оширилсин.

13. Республика ва маҳаллий ижро этувчи ҳокимият органлари ҳамда бошқа ташкилотлар томонидан ижтимоий ахборотни тайёрлаш бўйича шундай тартиб ўрнатилсинки, унга кўра:

а) теле ва радиоканалларда намойиш этиш (эшиттириш) жараёнида жойлаштириладиган ижтимоий ахборот бўйича:

республика ва маҳаллий ижро этувчи ҳокимият органлари ҳамда бошқа ташкилотлар ижтимоий ахборотни тайёрлаш учун Ўзбекистон Республикаси Маданият вазирлиги ҳузуридаги Кинематография агентлигига (кейинги ўринларда — Кинематография агентлиги) буюртма беради;

буюртма асосида тайёрланадиган ижтимоий ахборот сценарийси муаллифи (муаллифлар жамоаси) ва сценарийга мувофиқ ижтимоий ахборотни тасвирга олувчи ташкилот алоҳида танлов ўтказиш орқали аниқланади;

ҳар бир ижтимоий ахборот учун Кинематография агентлиги Бадиий кенгаши томонидан шакллантириладиган ижтимоий ахборотнинг бадиий-ғоявий мазмунини кўриб чиқувчи, зарур малака ва билимга эга беш нафардан ортиқ бўлмаган таркибда алоҳида маслаҳатчилар гуруҳи ташкил этилади. Бунда ушбу маслаҳатчилар гуруҳининг аъзолигига ижтимоий ахборотни ишлаб чиқариш учун буюртма берган ташкилотдан бир нафар ходим ажратилади;

буюртма асосида тайёрланадиган ижтимоий ахборотнинг харажатлар сметаси Кинематография агентлиги томонидан белгиланган талабларга мос келадиган аудиторлик ташкилотининг экспертизасидан ўтказилади;

ижтимоий ахборот молиявий-иқтисодий харажатларининг асослигига аудиторлик ташкилотининг хулосаси асосида Кинематография агентлиги ҳузурида фаолият юритувчи экспертлар кенгаши баҳо беради;

республика ва маҳаллий ижро этувчи ҳокимият органлари ҳамда бошқа ташкилотлар Кинематография агентлиги томонидан тайёрланган ижтимоий ахборотни Ахборот ва оммавий коммуникациялар агентлиги билан келишилган ҳолда қабул қилади;

б) ташқи реклама орқали ёки веб-сайтларнинг ахборот ресурсларига жойлаштириладиган ижтимоий ахборот бўйича:

республика ва маҳаллий ижро этувчи ҳокимият органлари ҳамда бошқа ташкилотлар ижтимоий ахборотни тайёрлаш бўйича буюртмаларни Ахборот ва оммавий коммуникациялар агентлигининг махсус ахборот порталига жойлаштиради;

Ахборот ва оммавий коммуникациялар агентлигининг махсус ахборот портали орқали ижтимоий ахборот бўйича жисмоний ва юридик шахслар томонидан берилган таклифлар танлов асосида танлаб олинади;

танлов якунлари бўйича танлаб олинган ижтимоий ахборотнинг муаллифига базавий ҳисоблаш миқдорининг 20 бараваригача миқдорда пул мукофотлари тўлаб берилади;

в) ижтимоий ахборотни тайёрлаш билан боғлиқ харажатлар республика ва маҳаллий ижро этувчи ҳокимият органлари ҳамда бошқа ташкилотларнинг бюджетдан ташқари маблағлари ҳисобидан молиялаштирилади.

14. Қўмитанинг оммавий ахборот воситалари, ташқи реклама ва ахборотни тарқатувчилар томонидан ижтимоий ахборот белгиланган талаблар асосида жойлаштирилмаганлиги учун базавий ҳисоблаш миқдорининг 20 бараваригача миқдорда молиявий жарима қўллаш тўғрисидаги таклифига розилик берилсин.

15. Қўмита уч ой муддатда ушбу қарордан келиб чиқиб, қонунчилик ҳужжатларига ўзгартириш ва қўшимчалар киритиш юзасидан белгиланган тартибда Вазирлар Маҳкамасига таклиф киритсин.

16. Ахборот ва оммавий коммуникациялар агентлиги уч ой муддатда Ўзбекистон Республикаси Рақамли технологиялар вазирлиги билан биргаликда ташқи реклама орқали ёки веб-сайтларнинг ахборот ресурсларига жойлаштириладиган ижтимоий ахборотни танлов асосида танлаб олишни таъминловчи махсус ахборот порталини ишга туширсин.

17. Вазирлар Маҳкамасининг 5-иловага мувофиқ айрим ҳужжатларига ўзгартириш ва қўшимчалар киритилсин.

18. Ўзбекистон Миллий ахборот агентлиги, Ўзбекистон Миллий телерадиокомпанияси, Ахборот ва оммавий коммуникациялар агентлиги ҳамда Қўмита оммавий ахборот воситаларида ушбу қарорнинг мақсад ва вазифалари кенг ёритилишини ташкил этсин.

19. Ушбу қарорнинг бажарилишини назорат қилиш Ўзбекистон Республикаси Бош вазирининг ўринбосари — иқтисодиёт ва молия вазири Ж.А. Қўчқоров ҳамда Ўзбекистон Республикаси Рақобатни ривожлантириш ва истеъмолчилар ҳуқуқларини ҳимоя қилиш қўмитаси раиси Ш.Ш. Шарахметов зиммасига юклансин.

Ўзбекистон Республикасининг Бош вазири А. АРИПОВ

Тошкент ш.,

2023 йил 31 август,

428-сон

Вазирлар Маҳкамасининг 2023 йил 31 августдаги 428-сон қарорига
1-ИЛОВА

Ташқи рекламани жойлаштириш соҳасини ривожлантиришнинг

МАҚСАДЛИ КЎРСАТКИЧЛАРИ

Т/р	Ҳудудлар номи	2023 — 2025 йилларда янги ўрнатиладиган ташки реклама объектларининг (конструкциялари) прогнози*	2023 йилда				2024 йилда				2025 йилда
			Жами	Аукционга чиқариладиган конструкциялар сони		ЯИДХП орқали бериладиган паспортлар бўйича конструкциялар сони	Жами	Аукционга чиқариладиган конструкциялар сони		ЯИДХП орқали бериладиган паспортлар бўйича конструкциялар сони	Жами	Аукционга чиқариладиган конструкциялар сони		ЯИДХП орқали бериладиган паспортлар бўйича конструкциялар сони
			Жами	LED экран сони	билборд сони		Жами	LED экран сони	билборд сони		Жами	LED экран сони	билборд сони
ЖАМИ		16 342	4 677	708	2 418	1551	5 856	963	2 950	1943	5 809	805	2 843	2 161
1.	Қорақалпоғистон Республикаси	577	113	23	80	10	145	29	74	42	319	31	223	65
2.	Андижон вилояти	558	149	36	98	15	189	46	123	20	220	60	130	30
3.	Бухоро вилояти	1 344	306	22	86	198	505	38	107	360	533	35	105	393
4.	Жиззах вилояти	208	74	22	42	10	86	32	42	12	48	28	5	15
5.	Қашқадарё вилояти	526	116	19	87	10	185	24	149	12	225	15	195	15
6.	Навоий вилояти	152	65	14	36	15	78	18	45	15	9	2	5	2
7.	Наманган вилояти	419	113	22	81	10	156	30	101	25	150	30	90	30
8.	Самарқанд вилояти	5 339	1 397	182	460	755	1 729	257	564	908	2 213	362	754	1 097
9.	Сурхондарё вилояти	341	147	47	95	5	123	26	95	2	71	6	60	5
10.	Сирдарё вилояти	257	73	24	45	4	83	15	62	6	101	16	77	8
11.	Тошкент вилояти	568	211	43	89	79	192	53	104	35	165	50	70	45
12.	Фарғона вилояти	566	184	26	133	25	233	24	173	36	149	6	102	41
13.	Хоразм вилояти	239	81	16	50	15	102	21	61	20	56	14	27	15
14.	Тошкент шаҳри	5 248	1 648	212	1 036	400	2 050	350	1 250	450	1 550	150	1 000	400

Т/р	Ҳудудлар номи	2023 — 2025 йилларда янги ўрнатиладиган ташки реклама объектларининг (конструкциялари) прогнози*	2023 йилда				2024 йилда				2025 йилда
			Жами	Аукционга чиқариладиган конструкциялар сони		ЯИДХП орқали бериладиган паспортлар бўйича конструкциялар сони	Жами	Аукционга чиқариладиган конструкциялар сони		ЯИДХП орқали бериладиган паспортлар бўйича конструкциялар сони	Жами	Аукционга чиқариладиган конструкциялар сони		ЯИДХП орқали бериладиган паспортлар бўйича конструкциялар сони
			Жами	LED экран сони	билборд сони		Жами	LED экран сони	билборд сони		Жами	LED экран сони	билборд сони
ЖАМИ		16 342	4 677	708	2 418	1551	5 856	963	2 950	1943	5 809	805	2 843	2 161
1.	Қорақалпоғистон Республикаси	577	113	23	80	10	145	29	74	42	319	31	223	65
2.	Андижон вилояти	558	149	36	98	15	189	46	123	20	220	60	130	30
3.	Бухоро вилояти	1 344	306	22	86	198	505	38	107	360	533	35	105	393
4.	Жиззах вилояти	208	74	22	42	10	86	32	42	12	48	28	5	15
5.	Қашқадарё вилояти	526	116	19	87	10	185	24	149	12	225	15	195	15
6.	Навоий вилояти	152	65	14	36	15	78	18	45	15	9	2	5	2
7.	Наманган вилояти	419	113	22	81	10	156	30	101	25	150	30	90	30
8.	Самарқанд вилояти	5 339	1 397	182	460	755	1 729	257	564	908	2 213	362	754	1 097
9.	Сурхондарё вилояти	341	147	47	95	5	123	26	95	2	71	6	60	5
10.	Сирдарё вилояти	257	73	24	45	4	83	15	62	6	101	16	77	8
11.	Тошкент вилояти	568	211	43	89	79	192	53	104	35	165	50	70	45
12.	Фарғона вилояти	566	184	26	133	25	233	24	173	36	149	6	102	41
13.	Хоразм вилояти	239	81	16	50	15	102	21	61	20	56	14	27	15
14.	Тошкент шаҳри	5 248	1 648	212	1 036	400	2 050	350	1 250	450	1 550	150	1 000	400

* Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари томонидан 2023 йил 1 декабрга қадар ўтказилган хатлов натижаларига кўра, қонунчилик талабларига жавоб бермайдиган конструкцияларнинг қайта расмийлаштирилиши ҳисобга олинмайди.

Вазирлар Маҳкамасининг 2023 йил 31 августдаги 428-сон қарорига
2-ИЛОВА

Ташқи реклама объектини ўрнатишга бўлган ҳуқуқ учун ойлик йиғимлардан тушадиган маблағларнинг

ТАҚСИМОТИ

Т/р	Фоиз	Маблағ йўналтирилиши
I.	Ташқи реклама объектини ўрнатишга бўлган ҳуқуқ учун ойлик йиғимлардан тушадиган маблағлар бўйича:
1.1.	Тошкент шаҳрида:
а.	30 фоизи	Тошкент шаҳар маҳаллий бюджетига
б.	20 фоизи	Тошкент шаҳар ҳокимлиги ҳузуридаги Рақамли ривожланиш департаментининг бюджетдан ташқари ғазна ҳисобварағига
в.	20 фоизи	Ўзбекистон Республикаси Рақобатни ривожлантириш ва истеъмолчилар ҳуқуқларини ҳимоя қилиш қўмитаси ҳузуридаги бюджетдан ташқари Рақобатни ривожлантиришга кўмаклашиш жамғармасига, шундан жами йиғим суммасининг 5 фоизи — унинг ҳузуридаги «Рақамли трансформация ва аутсорсинг маркази» давлат унитар корхонасига
г.	10 фоизи	Ўзбекистон Республикаси Президенти ҳузуридаги Ахборот ва оммавий коммуникациялар агентлигига
д.	20 фоизи	Тошкент шаҳар ҳокимлиги ҳузуридаги Тошкент шаҳрини ривожлантириш жамғармасига
1.2.	Қорақалпоғистон Республикаси ва вилоятларда:
а.	60 фоизи	Қорақалпоғистон Республикаси ва вилоятлар маҳаллий бюджетига, шундан жами йиғим суммасининг 10 фоизи — Қорақалпоғистон Вазирлар Кенгаши ва вилоятлар ҳокимликларининг бюджетдан ташқари жамғармаларига
б.	30 фоизи	Ўзбекистон Республикаси Рақобатни ривожлантириш ва истеъмолчилар ҳуқуқларини ҳимоя қилиш қўмитаси ҳузуридаги бюджетдан ташқари Рақобатни ривожлантиришга кўмаклашиш жамғармасига, шундан жами йиғим суммасининг 5 фоизи — унинг ҳузуридаги «Рақамли трансформация ва аутсорсинг маркази» давлат унитар корхонасига
в.	10 фоизи	Ўзбекистон Республикаси Президенти ҳузуридаги Ахборот ва оммавий коммуникациялар агентлигига
1.3.	Автомобиль йўлларининг ажратилган минтақаларида жойлашган ер участкаларида ва иншоотларида:
а.	50 фоизи	Қорақалпоғистон Республикаси, вилоятлар ва Тошкент шаҳар маҳаллий бюджетига, шундан жами йиғим суммасининг 10 фоизи Қорақалпоғистон Республикаси Вазирлар Кенгаши ва вилоятлар ҳокимликларининг бюджетдан ташқари жамғармаларига ҳамда 5 фоизи Қорақалпоғистон Республикаси Транспорт вазирлиги, вилоятлар ва Тошкент шаҳар транспорт бошқармалари махсус жамғармаларига
б.	10 фоизи	Ўзбекистон Республикаси Рақобатни ривожлантириш ва истеъмолчилар ҳуқуқларини ҳимоя қилиш қўмитаси ҳузуридаги бюджетдан ташқари Рақобатни ривожлантиришга кўмаклашиш жамғармасига
в.	35 фоизи	Ўзбекистон Республикаси Транспорт вазирлиги ҳузуридаги Автомобиль йўллари қўмитасини ривожлантириш ва фаолиятини қўллаб-қувватлаш жамғармасига
г.	5 фоизи	Тошкент шаҳар ҳокимлиги ҳузуридаги Рақамли ривожланиш департаментининг бюджетдан ташқари ғазна ҳисобварағига
II.	Транспорт воситаларида жойлаштириладиган ташқи рекламадан тушадиган маблағлар (йўналишлардаги автобуслар бундан мустасно) бўйича:
а.	60 фоизи	Қорақалпоғистон Республикаси, вилоятлар ва Тошкент шаҳар маҳаллий бюджетига, шундан жами йиғим суммасининг 10 фоизи Қорақалпоғистон Республикаси Вазирлар Кенгаши ва вилоятлар ҳокимликларининг бюджетдан ташқари жамғармаларига ҳамда 5 фоизи Қорақалпоғистон Республикаси Транспорт вазирлиги, вилоятлар ва Тошкент шаҳар транспорт бошқармалари махсус жамғармаларига
б.	25 фоизи	Ўзбекистон Республикаси Ички ишлар вазирлиги Жамоат хавфсизлиги департаменти Йўл ҳаракати хавфсизлиги хизматига
в.	10 фоизи	Ўзбекистон Республикаси Рақобатни ривожлантириш ва истеъмолчилар ҳуқуқларини ҳимоя қилиш қўмитаси ҳузуридаги бюджетдан ташқари Рақобатни ривожлантиришга кўмаклашиш жамғармасига
г.	5 фоизи	Тошкент шаҳар ҳокимлиги ҳузуридаги Рақамли ривожланиш департаментининг бюджетдан ташқари ғазна ҳисобварағига

Т/р	Фоиз	Маблағ йўналтирилиши
I.	Ташқи реклама объектини ўрнатишга бўлган ҳуқуқ учун ойлик йиғимлардан тушадиган маблағлар бўйича:
1.1.	Тошкент шаҳрида:
а.	30 фоизи	Тошкент шаҳар маҳаллий бюджетига
б.	20 фоизи	Тошкент шаҳар ҳокимлиги ҳузуридаги Рақамли ривожланиш департаментининг бюджетдан ташқари ғазна ҳисобварағига
в.	20 фоизи	Ўзбекистон Республикаси Рақобатни ривожлантириш ва истеъмолчилар ҳуқуқларини ҳимоя қилиш қўмитаси ҳузуридаги бюджетдан ташқари Рақобатни ривожлантиришга кўмаклашиш жамғармасига, шундан жами йиғим суммасининг 5 фоизи — унинг ҳузуридаги «Рақамли трансформация ва аутсорсинг маркази» давлат унитар корхонасига
г.	10 фоизи	Ўзбекистон Республикаси Президенти ҳузуридаги Ахборот ва оммавий коммуникациялар агентлигига
д.	20 фоизи	Тошкент шаҳар ҳокимлиги ҳузуридаги Тошкент шаҳрини ривожлантириш жамғармасига
1.2.	Қорақалпоғистон Республикаси ва вилоятларда:
а.	60 фоизи	Қорақалпоғистон Республикаси ва вилоятлар маҳаллий бюджетига, шундан жами йиғим суммасининг 10 фоизи — Қорақалпоғистон Вазирлар Кенгаши ва вилоятлар ҳокимликларининг бюджетдан ташқари жамғармаларига
б.	30 фоизи	Ўзбекистон Республикаси Рақобатни ривожлантириш ва истеъмолчилар ҳуқуқларини ҳимоя қилиш қўмитаси ҳузуридаги бюджетдан ташқари Рақобатни ривожлантиришга кўмаклашиш жамғармасига, шундан жами йиғим суммасининг 5 фоизи — унинг ҳузуридаги «Рақамли трансформация ва аутсорсинг маркази» давлат унитар корхонасига
в.	10 фоизи	Ўзбекистон Республикаси Президенти ҳузуридаги Ахборот ва оммавий коммуникациялар агентлигига
1.3.	Автомобиль йўлларининг ажратилган минтақаларида жойлашган ер участкаларида ва иншоотларида:
а.	25 фоизи	Қорақалпоғистон Республикаси, вилоятлар ва Тошкент шаҳар маҳаллий бюджетига, шундан жами йиғим суммасининг 10 фоизи Қорақалпоғистон Республикаси Вазирлар Кенгаши ва вилоятлар ҳокимликларининг бюджетдан ташқари жамғармаларига ҳамда 5 фоизи Қорақалпоғистон Республикаси Транспорт вазирлиги, вилоятлар ва Тошкент шаҳар транспорт бошқармалари махсус жамғармаларига
б.	10 фоизи	Ўзбекистон Республикаси Рақобатни ривожлантириш ва истеъмолчилар ҳуқуқларини ҳимоя қилиш қўмитаси ҳузуридаги бюджетдан ташқари Рақобатни ривожлантиришга кўмаклашиш жамғармасига
в.	60 фоизи	Ўзбекистон Республикаси Транспорт вазирлиги ҳузуридаги Автомобиль йўллари қўмитасини ривожлантириш ва фаолиятини қўллаб-қувватлаш жамғармасига
г.	5 фоизи	Тошкент шаҳар ҳокимлиги ҳузуридаги Рақамли ривожланиш департаментининг бюджетдан ташқари ғазна ҳисобварағига
II.	Транспорт воситаларида жойлаштириладиган ташқи рекламадан тушадиган маблағлар (йўналишлардаги автобуслар бундан мустасно) бўйича:
а.	60 фоизи	Қорақалпоғистон Республикаси, вилоятлар ва Тошкент шаҳар маҳаллий бюджетига, шундан жами йиғим суммасининг 10 фоизи Қорақалпоғистон Республикаси Вазирлар Кенгаши ва вилоятлар ҳокимликларининг бюджетдан ташқари жамғармаларига ҳамда 5 фоизи Қорақалпоғистон Республикаси Транспорт вазирлиги, вилоятлар ва Тошкент шаҳар транспорт бошқармалари махсус жамғармаларига
б.	25 фоизи	Ўзбекистон Республикаси Ички ишлар вазирлиги Жамоат хавфсизлиги департаменти Йўл ҳаракати хавфсизлиги хизматига
в.	10 фоизи	Ўзбекистон Республикаси Рақобатни ривожлантириш ва истеъмолчилар ҳуқуқларини ҳимоя қилиш қўмитаси ҳузуридаги бюджетдан ташқари Рақобатни ривожлантиришга кўмаклашиш жамғармасига
г.	5 фоизи	Тошкент шаҳар ҳокимлиги ҳузуридаги Рақамли ривожланиш департаментининг бюджетдан ташқари ғазна ҳисобварағига

Вазирлар Маҳкамасининг 2023 йил 31 августдаги 428-сон қарорига
3-ИЛОВА

Ижтимоий ахборотнинг айланиш соҳасидаги барча муносабатларни тартибга солувчи

КОМИССИЯ ТАРКИБИ

1.	А.Н. Арипов	—	Ўзбекистон Республикасининг Бош вазири, Комиссия раҳбари
2.	А.К. Қодиров	—	Ўзбекистон Республикаси Олий Мажлиси Қонунчилик палатаси Спикери ўринбосари, Комиссия раҳбари ўринбосари (келишув асосида)
3.	А.А. Ходжаев	—	Ахборот ва оммавий коммуникациялар агентлиги директори, Комиссия ўринбосари
4.	Ш.Ш. Шорахметов	—	Рақобатни ривожлантириш ва истеъмолчилар ҳуқуқларини ҳимоя қилиш қўмитаси раиси
5.	М.П. Оллоёров	—	Ижтимоий ҳимоя миллий агентлиги директори
6.	Ж.Т. Мирзамахмудов	—	энергетика вазири
7.	П.Р. Бобожонов	—	ички ишлар вазири
8.	А.Ж. Ташкулов	—	адлия вазири
9.	А.А. Абдухакимов	—	экология, атроф-муҳитни муҳофаза қилиш ва иқлим ўзгариши вазири
10.	Ш.Р. Хамраев	—	сув хўжалиги вазири
11.	А.Ш. Иноятов	—	соғлиқни сақлаш вазири
12.	Ҳ.Ў. Умарова	—	мактабгача ва мактаб таълими вазири
13.	А.И. Икрамов	—	ёшлар сиёсати ва спорт вазири
14.	О.А. Назарбеков	—	маданият вазири
15.	Б.И. Закиров	—	қурилиш ва уй-жой коммунал хўжалиги вазири
16.	А.Б. Воитов	—	қишлоқ хўжалиги вазири
17.	Л.Ш. Қудратов	—	инвестициялар, саноат ва савдо вазири
18.	И.И. Норқулов	—	иқтисодиёт ва молия вазирининг биринчи ўринбосари
19.	М.М. Ходжиматов	—	Республика Маънавият ва маърифат маркази директори
20.	Ф.Ф. Абдухаликов	—	Маданият вазирлиги ҳузуридаги Кинематография агентлиги бош директори
21.	А.К. Кўчимов	—	Ўзбекистон Миллий ахборот агентлиги бош директори
22.	А.Ж. Ходжаев	—	Ўзбекистон Миллий телерадиокомпанияси раиси
23.	Ш.Т. Қудратхўжа	—	Ўзбекистон Миллий медиа ассоциацияси раиси

1.	А.Н. Арипов	—	Ўзбекистон Республикасининг Бош вазири, Комиссия раҳбари
2.	А.К. Қодиров	—	Ўзбекистон Республикаси Олий Мажлиси Қонунчилик палатаси Спикери ўринбосари, Комиссия раҳбари ўринбосари (келишув асосида)
3.	А.А. Ходжаев	—	Ахборот ва оммавий коммуникациялар агентлиги директори, Комиссия ўринбосари
4.	Ш.Ш. Шорахметов	—	Рақобатни ривожлантириш ва истеъмолчилар ҳуқуқларини ҳимоя қилиш қўмитаси раиси
5.	М.П. Оллоёров	—	Ижтимоий ҳимоя миллий агентлиги директори
6.	Ж.Т. Мирзамахмудов	—	энергетика вазири
7.	П.Р. Бобожонов	—	ички ишлар вазири
8.	А.Ж. Ташкулов	—	адлия вазири
9.	А.А. Абдухакимов	—	экология, атроф-муҳитни муҳофаза қилиш ва иқлим ўзгариши вазири
10.	Ш.Р. Хамраев	—	сув хўжалиги вазири
11.	А.Ш. Иноятов	—	соғлиқни сақлаш вазири
12.	Ҳ.Ў. Умарова	—	мактабгача ва мактаб таълими вазири
13.	А.И. Икрамов	—	спорт вазири
14.	О.А. Назарбеков	—	маданият вазири
15.	Б.И. Закиров	—	қурилиш ва уй-жой коммунал хўжалиги вазири
16.	А.Б. Воитов	—	қишлоқ хўжалиги вазири
17.	Л.Ш. Қудратов	—	инвестициялар, саноат ва савдо вазири
18.	И.И. Норқулов	—	иқтисодиёт ва молия вазирининг биринчи ўринбосари
19.	М.М. Ходжиматов	—	Республика Маънавият ва маърифат маркази директори
20.	Ф.Ф. Абдухаликов	—	Маданият вазирлиги ҳузуридаги Кинематография агентлиги бош директори
21.	А.К. Кўчимов	—	Ўзбекистон Миллий ахборот агентлиги бош директори
22.	А.Ж. Ходжаев	—	Ўзбекистон Миллий телерадиокомпанияси раиси
23.	Ш.Т. Қудратхўжа	—	Ўзбекистон Миллий медиа ассоциацияси раиси

Изоҳ. Комиссия аъзоси бошқа ишга ўтган тақдирда, унинг таркибига ушбу лавозимга янги тайинланган ёки тегишли функцияларни бажариш зиммасига юкланган шахслар киритилади.

Вазирлар Маҳкамасининг 2023 йил 31 августдаги 428-сон қарорига
4-ИЛОВА

Республика ва маҳаллий ижро этувчи ҳокимият органлари ҳамда бошқа ташкилотлар томонидан ижтимоий ахборотни тайёрлаш ва тарқатиш

СХЕМАСИ

Босқичлар	Масъуллар	Чора-тадбирлар	Бажариш муддатлари
Босқичлар	Масъуллар	Чора-тадбирлар	Бажариш муддатлари

1-босқич	Ижтимоий ахборотнинг айланиш соҳасидаги барча муносабатларни тартибга солувчи комиссия	Республика ва маҳаллий ижро этувчи ҳокимият органлари ҳамда бошқа ташкилотлар томонидан эълон қилинадиган ижтимоий ахборот дастурини тасдиқлайди.	2023 йил 1 октябрга қадар, кейинги йилларда 1 декабрга қадар

2-босқич	Республика ва маҳаллий ижро этувчи ҳокимият органлари ҳамда бошқа ташкилотлар	1. Ижтимоий ахборотни тайёрлаш учун буюртма беради. 2. Тайёр бўлган ижтимоий ахборотни Ўзбекистон Республикаси Президенти ҳузуридаги Ахборот ва оммавий коммуникациялар агентлиги билан келишилган ҳолда қабул қилади. 3. Ижтимоий ахборотни оммавий ахборот воситалари, ташқи реклама ва ахборотни тарқатувчиларга эълон қилиш (жойлаштириш) учун юборади.	Ижтимоий ахборот дастури тасдиқлангандан сўнг 30 кун ичида

3-босқич	Оммавий ахборот воситалари, ташқи реклама ва ахборотни тарқатувчилар	Республика ва маҳаллий ижро этувчи ҳокимият органлари ҳамда бошқа ташкилотлар тақдим этган ижтимоий ахборотни белгиланган график асосида тарқатади.	Комиссия томонидан белгиланган график асосида

4-босқич	Рақобатни ривожлантириш ва истеъмолчилар ҳуқуқларини ҳимоя қилиш қўмитаси	Оммавий ахборот воситалари, ташқи реклама ва ахборотни тарқатувчилар томонидан ижтимоий ахборотни белгиланган талабларда жойлаштирилишини назорат қилади.	Доимий равишда

Босқичлар	Масъуллар	Чора-тадбирлар	Бажариш муддатлари
Босқичлар	Масъуллар	Чора-тадбирлар	Бажариш муддатлари

1-босқич	Ижтимоий ахборотнинг айланиш соҳасидаги барча муносабатларни тартибга солувчи комиссия	Республика ва маҳаллий ижро этувчи ҳокимият органлари ҳамда бошқа ташкилотлар томонидан эълон қилинадиган ижтимоий ахборот дастурини тасдиқлайди.	2023 йил 1 октябрга қадар, кейинги йилларда 1 декабрга қадар

2-босқич	Республика ва маҳаллий ижро этувчи ҳокимият органлари ҳамда бошқа ташкилотлар	1. Ижтимоий ахборотни тайёрлаш учун буюртма беради. 2. Тайёр бўлган ижтимоий ахборотни Ўзбекистон Республикаси Президенти ҳузуридаги Ахборот ва оммавий коммуникациялар агентлиги билан келишилган ҳолда қабул қилади. 3. Ижтимоий ахборотни оммавий ахборот воситалари, ташқи реклама ва ахборотни тарқатувчиларга эълон қилиш (жойлаштириш) учун юборади.	Ижтимоий ахборот дастури тасдиқлангандан сўнг 30 кун ичида

3-босқич	Оммавий ахборот воситалари, ташқи реклама ва ахборотни тарқатувчилар	Республика ва маҳаллий ижро этувчи ҳокимият органлари ҳамда бошқа ташкилотлар тақдим этган ижтимоий ахборотни белгиланган график асосида тарқатади.	Комиссия томонидан белгиланган график асосида

4-босқич	Рақобатни ривожлантириш ва истеъмолчилар ҳуқуқларини ҳимоя қилиш қўмитаси	Оммавий ахборот воситалари, ташқи реклама ва ахборотни тарқатувчилар томонидан ижтимоий ахборотни белгиланган талабларда жойлаштирилишини назорат қилади.	Доимий равишда

Вазирлар Маҳкамасининг 2023 йил 31 августдаги 428-сон қарорига
5-ИЛОВА

Ўзбекистон Республикаси Ҳукуматининг айрим ҳужжатларига киритилаётган ўзгартириш ва қўшимчалар

1. Вазирлар Маҳкамасининг «Ташқи рекламани жойлаштириш соҳасидаги фаолиятни янада такомиллаштириш чора-тадбирлари тўғрисида» 2018 йил 30 августдаги 702-сон қарорида:

а) 1-банд қуйидаги таҳрирда баён этилсин:

«1. Белгилаб қўйилсинки, 2018 йил 1 декабрдан бошлаб:

ташқи реклама объектларини (конструкцияларини) ер участкаларида, шунингдек, давлат мулки бўлган бино ва иншоотларда жойлаштириш ҳуқуқи «E-auksion» электрон савдо платформасида очиқ электрон аукционлар орқали берилади;

«E-auksion» электрон савдо платформасида очиқ электрон аукционлар орқали берилган ташқи реклама объектларини (конструкцияларини) ер участкаларида, шунингдек, давлат мулки бўлган бино ва иншоотларда жойлаштириш ҳуқуқи учун шартномалар Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари ёки улар ваколат берган ташкилот томонидан тузилади;

ижтимоий реклама маълумотини жойлаштиришнинг энг кам муддати ҳар бир ташқи реклама объекти бўйича ҳисоблаб чиқилади»;

б) 2 ва 3-бандлар ўз кучини йўқотган деб ҳисоблансин;

в) 4-банд қуйидаги таҳрирда баён этилсин:

«4. Ўзбекистон Республикаси Қурилиш ва уй-жой коммунал хўжалиги вазирлиги, Маданият вазирлиги, Транспорт вазирлиги ва Давлат активларини бошқариш агентлиги туманлар (шаҳарлар)да жойлашган давлат ҳокимияти органлари бинолари, маданий-тарихий ва диний объектларда рекламадан холи ҳудудларни аниқлашда Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликларига кўмаклашади»;

г) 5-банднинг учинчи хатбошиси қуйидаги таҳрирда баён этилсин:

«ташқи реклама объектлари реклама жойининг паспорти берилган кундан эътиборан олти ой ичида ўрнатилмаган тақдирда, реклама жойининг паспорти бекор қилинади»;

д) 6-бандидаги «, шу жумладан, «Тасвирий ойина» ижодий уюшмаси ва унинг ҳудудий филиаллари Ўзбекистон Республикаси Хусусийлаштирилган корхоналарга кўмаклашиш ва рақобатни ривожлантириш давлат қўмитаси ва (ёки) унинг ҳудудий органларидан» сўзлари «Рақобатни ривожлантириш ва истеъмолчилар ҳуқуқларини ҳимоя қилиш қўмитасининг ҳузуридаги «Рақамли трансформация ва аутсорсинг маркази» давлат унитар корхонасидан шартномага асосан» сўзлари билан алмаштирилсин;

е) 8-банд қуйидаги таҳрирда баён этилсин:

«8. Ўзбекистон Республикаси Қурилиш ва уй-жой коммунал вазирлиги бош режалар, батафсил режалаштириш лойиҳалари ва бошқа шаҳарсозлик ҳужжатлари ишлаб чиқилган тақдирда, ташқи реклама ва ахборот объектларини (конструкцияларини) ўрнатиш чизмасида кўрсатилган ташқи реклама ва ахборот объектлари (конструкциялари) қурилиш жойларига киритилишини шунингдек, биноларни қуриш (таъмирлаш) бўйича лойиҳа-смета ҳужжатларининг давлат экспертизасидан ўтказилишини ҳамда ташқи реклама ва ахборот объектларининг (конструкцияларининг) шаҳарсозлик норма ва қоидалари талабларига мувофиқлиги юзасидан Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликларига тегишли хулосалар берилишини таъминлайди».

2. Вазирлар Маҳкамасининг «Ўзбек цирк санъатини янада ривожлантириш ва «Ўзбек давлат цирки» давлат муассасаси фаолиятини қўллаб-қувватлаш чора-тадбирлари тўғрисида» 2019 йил 23 январдаги 55-сон қарорига илованинг 11-позицияси чиқариб ташлансин.

3. Вазирлар Маҳкамасининг «Ташқи реклама бозорини тартибга солиш тўғрисида» 2020 йил 20 февралдаги 104-сон қарорида:

а) 1-бандда:

иккинчи хатбоши қуйидаги таҳрирда баён этилсин:

«Ташқи реклама ва ахборот объектларини (конструкцияларини) қуриш тартиби тўғрисидаги низом 1-иловага мувофиқ»;

учинчи ва тўртинчи хатбошилар чиқариб ташлансин;

бешинчи хатбоши учинчи хатбоши деб ҳисоблансин;

учинчи хатбошидаги қуйидаги таҳрирда баён этилсин:

«Ташқи реклама ва ахборот объектлари (конструкциялари) хавфсизлигининг умумий техник регламенти 5-иловага мувофиқ»;

қуйидаги мазмундаги тўртинчи — олтинчи хатбошилар билан тўлдирилсин:

«Ташқи реклама ва ахборот объектларини (конструкцияларини) ўрнатиш чизмаларини шакллантириш тартиби тўғрисидаги низом 6-иловага мувофиқ;

Ташқи реклама ва ахборот объектларини (конструкцияларини) жойлаштириш ҳуқуқини расмийлаштириш бўйича давлат хизматини кўрсатишнинг маъмурий регламенти 7-иловага мувофиқ;

Ташқи реклама ва ахборот объектларини (конструкцияларини) демонтаж қилиш ва демонтаж қилинган конструкцияларни сақлаш тартиби тўғрисидаги низом 8-иловага мувофиқ тасдиқлансин»;

б) 2-бандда:

«а», «в», «г», «е» ва «и» кичик бандлар чиқариб ташлансин;

«з» кичик банд чиқариб ташлансин;

«д» кичик банд қуйидаги таҳрирда баён этилсин:

«д) миллий байрамлар, хорижий давлатлар раҳбарларининг давлат ташрифлари ва бошқа давлат тадбирларига оид ахборот ташқи реклама ва ахборот объектларида (конструкцияларида) жойлаштирилганда, ташқи реклама ва ахборот объектини (конструкциясини) ўрнатиш ва унда рекламани жойлаштиришга бўлган ҳуқуқ учун ягона ойлик йиғим (кейинги ўринларда — йиғим) Қорақалпоғистон Республикаси Вазирлар Кенгаши, вилоятлар ҳамда Тошкент шаҳар ҳокимликларининг тегишли қарорига биноан жойлаштирилган кунларга мутаносиб равишда камайтирилади»;

«ж» кичик банд қуйидаги таҳрирда баён этилсин:

«ж) мазкур қарор талабларига мувофиқ ҳолда битта реклама жойида бир нечта ташқи реклама ва ахборот объектлари (конструкциялари) қурилганлиги ёки улар ўртасида оралиқ масофага риоя қилинмаганлиги ҳамда улар турли тадбиркорлик субъектларига тегишли эканлиги аниқланган тақдирда, ушбу жойга қайта электрон аукцион ўтказиш орқали фақат битта реклама жойининг паспорти берилади»;

в) 3, 4 ва 5-бандлар ўз кучини йўқотган деб ҳисоблансин;

г) 6-бандда:

биринчи хатбошидаги «Туманлар (шаҳарлар) ҳокимликлари:» сўзлари «Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари:» сўзлари билан алмаштирилсин:

учинчи хатбоши чиқариб ташлансин;

тўртинчи — еттинчи хатбошилар учинчи — олтинчи хатбошилар деб ҳисоблансин;

тўртинчи хатбоши қуйидаги таҳрирда баён этилсин:

«ташқи реклама ва ахборот объектларида (конструкцияларида) жойлаштирилган ижтимоий ахборотлар ҳисобини юритишни»;

олтинчи хатбошидаги «Ўзбекистон Республикаси Монополияга қарши курашиш қўмитасининг ҳудудий бошқармаларига» сўзлари «Рақобатни ривожлантириш ва истеъмолчилар ҳуқуқларини ҳимоя қилиш қўмитасининг ҳудудий органларига» сўзлари билан алмаштирилсин;

д) 7, 8 ва 9-бандлар ўз кучини йўқотган деб ҳисоблансин;

е) қуйидаги мазмундаги 9¹ — 9⁷-бандлар билан тўлдирилсин:

«9¹. Белгилансинки, «Ташқи реклама» рақамли мониторинг электрон тизими (кейинги ўринларда — электрон тизим) доирасида:

а) Рақобатни ривожлантириш ва истеъмолчилар ҳуқуқларини ҳимоя қилиш қўмитаси (кейинги ўринларда — Қўмита):

электрон тизимга мулк ҳуқуқи асосида эгалик қилади ва тизим фойдаланувчиларидан келиб тушган таклифлар асосида ҳамда ўзининг ташаббуси билан электрон тизимни янада такомиллаштириш ва модернизация қилиш юзасидан Тошкент шаҳар ҳокимлиги қошидаги Рақамли ривожланиш департаментига (кейинги ўринларда — Департамент) тўғридан-тўғри буюртма беради;

маҳаллий ижро этувчи ҳокимият органлари, бошқа давлат органлари ва ташкилотларининг электрон тизимдан самарали фойдаланишларини таъминлайди;

ташқи реклама бозори иштирокчилари, манфаатдор давлат органлари ва ташкилотлари ҳамда электрон тизимнинг бошқа фойдаланувчиларининг электрон тизимдан мажбурий фойдаланилиши ҳамда ташқи рекламани жойлаштиришни тартибга солувчи ҳужжатларида белгиланган тартиб ва муддатларга қатъий риоя этишини назорат қилади;

б) Департамент:

электрон тизим оператори сифатида уни ишлаб чиқади, жорий этади, шунингдек, техник жиҳатдан доимий равишда қўллаб-қувватлайди;

электрон тизимдаги маълумот ва ахборотларнинг тўлиқ сақланишини ва узлуксиз ишлашини, шунингдек, қонунчиликда белгиланган тартибда ахборот хавфсизлигини таъминлайди;

электрон тизимнинг операторлик ҳуқуқини Қўмитанинг розилигисиз учинчи шахсларга тақдим этилмаслик чораларини кўради;

Қўмитанинг буюртмаси асосида электрон тизимни такомиллаштириш чораларини кўради ва электрон тизим фойдаланувчиларига доимий техник ёрдам кўрсатади.

9². Белгилансинки, электрон тизим доирасида:

ташқи реклама ва ахборот объектларининг (конструкцияларининг) ўрнатиш чизмасидаги жойлашуви, эгаси ҳақидаги, ойлик йиғимлар тўғрисидаги ва бошқа маълумотлар онлайн электрон базани юритиш орқали ташқи реклама ва ахборот объектларининг (конструкцияларининг) ҳисоби юритилади ҳамда ягона электрон реестр шакллантириб борилади;

ташқи реклама ва ахборот объектлари (конструкциялари) эгалари учун шахсий кабинетлар очилиб, уларнинг Қўмита, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари, Ўзбекистон Республикаси Ички ишлар вазирлиги ва Автомобиль йўллари қўмитаси билан бўладиган барча муносабатлари, шу жумладан, реклама эскизларини экспертизадан ўтказиш жараёни электрон тизим орқали амалга оширилади;

ташқи реклама ва ахборот объектларини (конструкцияларини) ўрнатиш чизмаси ҳамда унга киритиладиган ўзгаришлар электрон тизимга киритилади;

тўловлар фақат электрон тизим орқали ўтказилади ва уларнинг биллинги юритилади;

электрон тизимда реал вақт режимида ташқи реклама ва ахборот объектларини (конструкцияларини) ўрнатиш учун рухсат бериш жараёнларининг босқичлари, фаоллик ҳолати мониторинг қилинади;

транспорт воситаларида жойлаштириладиган ташқи реклама ва ахборот объектларини жойлаштириш намунавий эскизлари ва ўрнатиш тартиблари киритилади;

электрон тизим орқали берилган реклама жойларининг паспортлари реестри юритилади.

9³. Шундай тартиб ўрнатилсинки, унга мувофиқ 2023 йил 1 декабрдан бошлаб:

а) ташқи реклама ва ахборот объектларини (конструкцияларини) ўрнатиш чизмалари, шунингдек, уларга ўзгартириш ва қўшимчалар Қорақалпоғистон Республикаси Жўқорги Кенгеси, халқ депутатлари вилоятлар ва Тошкент шаҳар Кенгашлари томонидан кўриб чиқилиб, маъқуллангандан кейин Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари томонидан тасдиқланади;

б) ташқи реклама ва ахборот объектини (конструкциясини) ўрнатиш ҳамда унда рекламани жойлаштиришга бўлган ҳуқуқ учун ягона ойлик йиғим миқдори Қорақалпоғистон Республикаси Жўқорғи Кенгеси, вилоятлар ва Тошкент шаҳар халқ депутатлари Кенгашлари томонидан белгилангандан бошлаб 15 кундан кейин кучга киради;

в) Қорақалпоғистон Республикаси Жўқорғи Кенгеси, халқ депутатлари вилоятлар ва Тошкент шаҳар Кенгашлари томонидан ташқи реклама ва ахборот объектларини (конструкцияларини) жойлаштириш тартиби ҳамда уларга қўйиладиган талаблар ва техник регламент тасдиқлангандан сўнг бир йил ичида ташқи реклама ва ахборот объектлари (конструкциялари) белгиланган янги тартибга мослаштирилади;

г) ташқи реклама ва ахборот объектларига (конструкцияларига) рекламани жойлаштириш ва реклама жойининг паспортида кўрсатилган ер участкасидан, бинодан ёки иншоотдан вақтинча фойдаланиш имкони бўлмаган тақдирда, маҳаллий ҳокимликлар ёзма кўрсатмасига кўра ушбу объектни реклама қўйилиши тўхтатилган ва бошланган ойлар учун йиғимни тўлашдан озод қилган ҳолда, вақтинча демонтаж қилиш тартиби жорий этилади;

д) ер участкасида қурилиш ишлари ҳамда бинолар ва иншоотларда реконструкция-таъмирлаш ишлари тугалланганидан сўнг ёки ташқи реклама ва ахборот объектининг (конструкциясининг) демонтаж қилинишига сабаб бўлган бошқа сабаблар бартараф этилганидан кейин ташқи реклама ва ахборот объектини (конструкциясини) аввалги жойига ўрнатиш имконияти мавжуд бўлмаса, амалдаги ташқи реклама ва ахборот объекти (конструкцияси) ташқи реклама ва ахборот объектларини (конструкцияларини) ўрнатиш чизмасидан чиқариб ташланади ва тегишли реклама жойининг паспорти бекор қилиниб, ушбу объект эгасига унинг танловига кўра келгусида электрон аукцион орқали олинган ташқи реклама ва ахборот объектлари (конструкциялари) бўйича тегишли муддатга йиғимни тўлашдан озод қилиш йўли билан ҳам компенсация қилиниши мумкин.

9⁴. Тошкент шаҳар ҳокимлигининг ташқи рекламани жойлаштириш соҳасига оид вазифаларни самарали амалга ошириш мақсадида Департаментга қуйидаги вазифалар юклансин ва ваколатлар берилсин:

давлат мулки бўлган ер участкаларига, биноларга ҳамда иншоотларга ташқи реклама ва ахборот объектини (конструкциясини) ўрнатиш ва унда рекламани жойлаштиришга бўлган ҳуқуқни олиш учун ягона электрон савдо майдончаси орқали очиқ электрон аукционлар асосида танловлар ўтказилиши;

рекламага оид фаолият субъектларига ташқи реклама ва ахборот объектларидан (конструкцияларидан) фойдаланиш билан боғлиқ ҳужжатлар ва материалларни белгиланган муддатларда тақдим этишга доир сўров юборилиши;

қонунчиликка мувофиқ ташқи реклама ва ахборот объектларининг (конструкцияларининг) реклама жойлари паспорти берилиши ҳамда мулкчилик шаклидан қатъи назар ер участкаларига, биноларга ва иншоотларга ташқи реклама ва ахборот объектини (конструкциясини) ўрнатиш ва унда рекламани жойлаштиришга бўлган ҳуқуқ учун шартномалар тузилиши;

Тошкент шаҳар ҳокимининг қарори билан Тошкент шаҳар ҳокимлигига ташқи реклама соҳасида юкланган бошқа вазифалар ҳам амалга оширилиши мумкин.

9⁵. Белгилансинки:

а) 2023 йил 1 декабрдан бошлаб:

йиғим тўловлари биллинг тизими орқали Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликларининг шахсий ғазна ҳисобварақларига амалга оширилади;

тадбиркорлик субъектлари томонидан реклама жойининг паспортини бошқа тадбиркорлик субъектлари номига қайта расмийлаштириш тақиқланади;

электрон аукцион якунига кўра ғолиб деб топилган иштирокчи беш иш кунида йиғимнинг уч ойлик миқдорини олдиндан тўлаши ҳамда жисмоний шахс ғолиб деб топилган тақдирда, белгиланган тартибда якка тартибдаги тадбиркорлик субъекти сифатида давлат рўйхатидан ўтиши шарт;

ягона электрон савдо майдончаси оператори томонидан электрон аукцион якунига кўра ғолиб деб топилган иштирокчининг номи, СТИРи ва бошқа реквизит маълумотлари электрон тизимга автоматик равишда юборилиши шарт;

б) видео экранли (электрон дисплейли) ташқи реклама объектларини масофавий бошқариш имкониятини яратувчи платформага уланишига рухсат берилади, бунда Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликларига очиқ электрон танловлар асосида ташқи рекламани масофавий бошқариш хизматини кўрсатиш имкониятига эга бўлган тадбиркорлик субъектларини танлаш ҳуқуқи берилади;

в) илгари берилган реклама жойининг паспортини янги шаклдаги реклама жойининг паспортига алмаштиришда тегишли тўлов ва йиғимлар бўйича тўланмаган қарздорлик суммаси аниқланганда тегишли давр учун қарздорлик Тошкент шаҳрида реклама майдонининг (сатҳининг) бир квадрат метр учун базавий ҳисоблаш миқдорининг 7 фоизи ва бошқа ҳудудларда 5 фоизи миқдорида ҳисобланади. Бунда Тошкент шаҳрида юқори технологияли конструкциялар (LED экран) учун 3 коэффициент ва бошқа ҳудудларда 2 коэффициент қўлланилади;

9⁶. Белгилансинки, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари ўз маъмурий ҳудуди доирасида:

а) юқори технологияли ташқи реклама ва ахборот объектларининг (конструкцияларининг) янги турларини ўрнатиш ҳамда улардан фойдаланишни рағбатлантириш тартибини белгилайди;

б) ташқи реклама ва ахборот объектларини (конструкцияларини) ўрнатиш чизмаларини, жойлаштириш тартибини, оралиқ масофаларини, турлари ва уларга қўйиладиган бошқа талабларни ўзлари ишлаб чиқиб тасдиқлайди ва ташқи реклама ва ахборот объектларининг (конструкцияларининг) намунавий тўплами асосида белгилайди;

в) ташқи реклама ва ахборот объектларини (конструкцияларини) ўрнатиш чизмаси ҳамда унга киритиладиган ўзгартишларни ўзларининг Интернет жаҳон ахборот тармоғидаги расмий веб-сайтларида эълон қилиб боради;

г) ташқи реклама ва ахборот объектларини (конструкцияларини) жойлаштириш учун ер участкасининг тижорат қийматини акс эттирувчи ҳудудларнинг зоналар бўйича тақсимотини тасдиқлайди;

д) Рақобатни ривожлантириш ва истеъмолчилар ҳуқуқларини ҳимоя қилиш қўмитаси ҳамда тегишли ташкилот ва идоралар вакилларидан иборат махсус ишчи гуруҳлар тузади. Бунда:

махсус ишчи гуруҳлар камида олти ойда бир марта барча турдаги ташқи реклама объектларини (конструкцияларини) ушбу қарор талабларига мувофиқлиги юзасидан хатловдан ўтказишни ҳамда жойлаштирилган ташқи реклама ва ахборот объектларининг (конструкцияларининг) қонунчилик талабларига мувофиқлигини ўрганишни таъминлайди;

е) махсус ишчи гуруҳларнинг берган хулосалари ташқи реклама ва ахборот объектлари (конструкциялари) учун берилган реклама жойининг паспортларини (ёки унга тенглаштирилган ҳужжатларни) Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликларининг тегишли қарорлари билан бекор қилиш учун асос бўлади.

Бунда махсус ишчи гуруҳларнинг тегишли хулосаларига кўра хулоса олинган кундан бошлаб бир ой ичида реклама жойининг паспортлари (ёки унга тенглаштирилган ҳужжатлар) қуйидаги ҳолларда бекор қилинади:

ташқи реклама ва ахборот объектлари (конструкциялари) хавфсизлигининг умумий техник регламентида назарда тутилган талабларга номувофиқ бўлганда;

реклама тарқатишдан бошқа мақсадда фойдаланилганда;

реклама жойининг паспорти берилган кундан эътиборан олти ой ичида ўрнатилмаганда;

ташқи реклама ва ахборот объектларини (конструкцияларини) ўрнатиш чизмасига номувофиқ бўлганда ёки унга киритилмаганда;

ўрнатилган ташқи реклама ва ахборот объектлари (конструкциялари) учун тўлов ўз вақтида амалга оширилмаганда;

реклама жойи паспорти эгасининг паспортни ва тузилган шартномани бекор қилиш тўғрисидаги аризаси мавжуд бўлганда;

ташқи реклама ва ахборот объектлари (конструкциялари) учун берилган реклама жойининг паспорти (ёки унга тенглаштирилган ҳужжатлар) қалбакилаштирилганда ёки асоссиз ўзлаштирилганда ёхуд бир шахснинг номига расмийлаштирилиб, бошқа шахс томонидан фойдаланилаётганда ёки ваколатга эга бўлмаган орган томонидан берилганда;

қонунчиликда белгиланган бошқа ҳолатларда;

ж) Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари реклама жойи паспортларини бекор қилиш тўғрисидаги қарорларини махсус веб-сайтларига уч иш куни ичида жойлаштириши шарт ва шу билан реклама жойи паспорт эгалари ушбу қарор тўғрисида хабардор қилинган деб ҳисобланади.

9⁷. Рекламага оид фаолият субъектларига реклама тўғрисидаги қонунчиликни қўллаш масалалари бўйича тушунтиришлар бериш ва улар томонидан реклама тўғрисидаги қонунчилик талабларининг бузилиш ҳолатларини аниқлаш ва бартараф этиш чораларини кўриш бўйича Қўмита ҳузуридаги «Рақамли трансформация ва аутсорсинг маркази» давлат унитар корхонасига қўшимча ваколатлар берилсин»;

ж) 1-иловада:

1-банднинг биринчи хатбошиси қуйидаги таҳрирда баён этилсин:

«1. Ушбу Низом ташқи реклама ва ахборот объектларини (конструкцияларини) умумий жойлаштириш, шу жумладан, бинолар ташқи қисмида ўрнатиш тартибини, шунингдек, шаҳар ёки ҳудудлар ижтимоий фаоллигини, тарихий-маданий қийматини ҳисобга олган ҳолда ўрнатиладиган реклама объектларининг (конструкцияларининг) турлари ва кўринишларини, дизайнерлик ечимлари ва реклама объектлари (конструкциялари) ўлчамларини тавсиявий тартибда белгилаб беради. Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари тегишинча ўз маъмурий ҳудудларида ташқи реклама ва ахборот объектларини (конструкцияларини) жойлаштириш тартиби, турлари ва уларга қўйиладиган бошқа талабларни ўзлари ишлаб чиқиб тасдиқлаган Ташқи реклама объектлари намунавий тўплами асосида белгилаш ҳуқуқига эга»;

1-банд қуйидаги таҳрирдаги еттинчи хатбоши билан тўлдирилсин:

«Ташқи реклама ва ахборот объектларида (конструкцияларида) ташқи реклама жойи паспортини текшириш имконини берувчи махсус QR-код бўлиши шарт»;

3-бандда:

саккизинчи хатбоши қуйидаги таҳрирда баён этилсин:

«ёруғлик қутиси — ташқи рекламани жойлаштириш ва ундан фойдаланиш учун махсус ишлаб чиқилган техник восита бўлиб, ер майдонида, бино (иншоот) юзасида, тўсиқлар ёки алоҳида устунларда қотирилади ва ички ёритгичли бир ёки бир нечта реклама майдонларига эга»;

ўн учинчи хатбоши қуйидаги таҳрирда баён этилсин:

«ташқи реклама ва ахборот объектлари (конструкциялари) — ташқи рекламани жойлаштириш (тарқатиш) учун махсус ишлаб чиқилган ва қўлланиладиган воситалар, шунингдек, ахборотни аҳолига етказиш вазифасини бажарувчи техник воситалар (конструкциялар), пилонлар, кўчма реклама конструкциялари (устун, плакат), призматронлар, проекциявий конструкциялар, билбордлар, видеоэкранлар, электрон дисплейлар, ахборот объектлари ва бошқа техник воситалар;»

ўн бешинчи хатбоши қуйидаги таҳрирда баён этилсин:

«реклама жойининг паспорти — Қорақалпоғистон Республикаси Вазирлар Кенгаши, вилоятлар ҳамда Тошкент шаҳар ҳокимликлари томонидан бериладиган ҳужжат бўлиб, ушбу ҳужжат юридик ва жисмоний шахсларнинг ташқи реклама ва ахборот объектларини (конструкцияларини) унда кўрсатилган ер участкасига, бинога ёки иншоотга мулк шаклидан қатъи назар, ўрнатиш ҳуқуқини тасдиқлайди;»

йигирма саккизинчи хатбоши чиқариб ташлансин;

йигирма тўққизинчи — ўттиз иккинчи хатбоши йигирма саккизинчи — ўттиз биринчи хатбоши деб ҳисоблансин;

5-бандда:

ўн иккинчи хатбоши қуйидаги таҳрирда баён этилсин:

«сениор (сити-борд) — ўрта форматдаги алоҳида жойлашган, бир ёки икки томонли ахборот майдонидан ташкил топган, ҳар бир томоннинг ахборот майдони ўлчамлари эни 3 — 6 метр ва баландлиги 2-3 метр бўлган реклама конструкцияси. Реклама конструкциясининг ахборот майдони унинг барча томонлари йиғиндиси билан аниқланади»;

ўн еттинчи хатбоши қуйидаги таҳрирда баён этилсин:

«стела — йирик форматдаги, бир ёки бир нечта томонли, айланали горизонтал жойлашган ахборот майдонларидан ташкил топган, умумий ахборот майдони ўлчамлари эни 1,2 — 2 метр ва баландлиги 3 — 15 метр бўлган алоҳида вертикал турувчи реклама конструкцияси. Реклама конструкциясининг ахборот майдони унинг барча томонлари йиғиндиси билан аниқланади»;

10-банд қуйидаги таҳрирда баён этилсин:

«10. Республика ҳудудида ўрнатилган ташқи реклама ва ахборот объектлари (конструкциялари) маъмурий ҳудуддаги мавжуд биноларнинг ташқи меъморий кўринишига мос келиши керак.

Ташқи реклама объектларини (конструкцияларини) жойлаштириш ташқи реклама ва ахборот объектларини (конструкцияларини) ўрнатиш чизмасига мувофиқ бўлиши керак»;

13-банднинг учинчи хатбошисидаги «техник чизмаси мавжуд бўлганда» сўзлари «техник хавфсизлик талабларига мувофиқ ўрнатилганлиги ҳақида тегишли лицензияга эга бўлган ваколатли ташкилотнинг жорий йилдаги хулосаси мавжуд бўлганда» сўзлари билан алмаштирилсин;

14-банднинг саккизинчи хатбошиси ва 17-банднинг иккинчи — тўртинчи хатбошилари чиқариб ташлансин;

20, 26 ва 29-бандлар ўз кучини йўқотган деб ҳисоблансин;

31-банд қуйидаги таҳрирда баён этилсин:

«31. Реклама кўрсаткичлари реклама жойи паспорти олингандан сўнг ўрнатилади»;

33 — 35-бандлар ўз кучини йўқотган деб ҳисоблансин;

38-банднинг олтинчи хатбошисидаги «5,5» рақамлари «1» рақами билан алмаштирилсин;

44 ва 49-бандлар ўз кучини йўқотган деб ҳисоблансин;

50-банд қуйидаги таҳрирда баён этилсин:

«50. Том устидаги (том усти конструкциялари) ташқи реклама объектларининг баландлиги бино умумий баландлигининг 1/3 қисмидан ошмаслиги ва электр таъминоти тармоғидан фавқулодда узилиш тизими билан жиҳозланган бўлиши керак»;

51-банднинг иккинчи хатбошисидаги «Ваколатли орган» сўзлари «Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари» сўзлари билан алмаштирилсин;

52, 55, 61, 62 ва 66-бандлар ўз кучини йўқотган деб ҳисоблансин;

71-банднинг иккинчи хатбошиси чиқариб ташлансин;

76-банд қуйидаги таҳрирда баён этилсин:

«76. Ноқонуний жойлаштирилган рекламаларни демонтаж қилиш билан боғлиқ барча харажатлар уларнинг эгалари ҳисобидан қопланади»;

17-бобнинг номи қуйидаги таҳрирда баён этилсин:

«17-боб. Ер участкаларида жойлаштириладиган ташқи реклама ва ахборот объектларига (конструкцияларига) қўйилган талаблар»;

81-банднинг учинчи хатбошиси қуйидаги таҳрирда баён этилсин:

«лойиҳа ҳужжатлари ва конструкциянинг қурилиш меъёрлари ва қоидалари ҳамда бошқа норматив ҳужжатларга мувофиқ ўрнатилганлиги ҳақида тегишли лицензияга эга бўлган ваколатли ташкилотнинг жорий йилдаги хулосаси мавжуд бўлиши керак»;

18-бобнинг номи қуйидаги таҳрирда баён этилсин:

«18-боб. Ер участкаларида жойлаштириладиган ташқи реклама ва ахборот объектларини (конструкцияларини) ўрнатиш талаблари»;

86-банднинг учинчи хатбошисидаги «туман (шаҳар) бўйича тузилган махсус ишчи гуруҳларнинг хулосалари ҳамда» сўзлари чиқариб ташлансин;

87-банд қуйидаги таҳрирда баён этилсин:

«87. Ташқи реклама объектлари (конструкциялари) орасидаги масофалар нормативлари Қорақалпоғистон Республикаси Вазирлар Кенгаши, вилоятлар ҳамда Тошкент шаҳар ҳокимликлари томонидан тасдиқланади»;

88, 89 ва 90-бандлар ўз кучини йўқотган деб ҳисоблансин;

93-банднинг бешинчи хатбошисидаги «ваколатли органни» сўзлари «Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликларини» сўзлари билан алмаштирилсин;

94-банднинг биринчи хатбошиси қуйидаги мазмундаги биринчи — ўнинчи хатбошилар билан алмаштирилсин:

«94. Ташқи реклама ва ахборот объектлари (конструкциялари) учун берилган реклама жойининг паспорти Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари томонидан қуйидаги ҳолларда бекор қилинади:

реклама тарқатишдан бошқа мақсадда фойдаланилганда;

реклама жойининг паспорти берилган кундан эътиборан олти ой ичида ўрнатилмаганда;

ташқи реклама ва ахборот объектларини (конструкцияларини) ўрнатиш чизмасига номувофиқ бўлганда;

моддий маданий мерос объектларига, йўл белгиларига ва светофорларга, уларнинг тиргакларига ёки ҳаракатни тартибга солиш учун мўлжалланган бошқа ҳар қандай қурилмага, шунингдек, туташ ҳудуддаги ободонлаштириш элементларини бузган ҳолда ҳамда йўлнинг қатнов қисмига чиқариб ўрнатилганда;

қонунчиликда белгиланган бошқа ҳолларда.

Реклама жойи паспорти бекор қилинган тақдирда, реклама жойининг паспортида кўрсатилган, давлат мулки бўлган ер участкаларига, биноларга ҳамда иншоотларга ташқи реклама ва ахборот объектларини (конструкцияларини) ўрнатишга бўлган ҳуқуқ ягона электрон савдо майдончаси орқали очиқ электрон аукционда сотувга қўйилади»;

иккинчи ва ўнинчи хатбошилар тегишлича ўн биринчи ва ўн иккинчи хатбошилар деб ҳисоблансин;

95 ва 96-бандлар ўз кучини йўқотган деб ҳисоблансин;

97-банд қуйидаги таҳрирда баён этилсин:

«97. Ташқи рекламанинг ҳисоби тегишинча Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари томонидан электрон тизим орқали юритилади»;

98-банд ўз кучини йўқотган деб ҳисоблансин.

з) 2-илова ўз кучини йўқотган деб ҳисоблансин;

и) 4-илова ўз кучини йўқотган деб ҳисоблансин;

к) 5-иловада:

4-бандининг еттинчи хатбошиси қуйидаги таҳрирда баён этилсин:

«ваколатли орган — Қорақалпоғистон Республикаси Вазирлар Кенгаши, вилоятлар ҳамда Тошкент шаҳар ҳокимликлари;»

35-банд ўз кучини йўқотган деб ҳисоблансин.

л) қуйидаги мазмундаги 6 — 8 иловалар билан тўлдирилсин:

«Вазирлар Маҳкамасининг 2020 йил 20 февралдаги 104-сон қарорига
6-ИЛОВА

Ташқи реклама ва ахборот объектларини (конструкцияларни) ўрнатиш чизмаларини шакллантириш тартиби тўғрисида

НИЗОМ

1. Ушбу Низом мулкчилик шаклидан қатъи назар, ер участкаларида шунингдек, биноларда ёки бошқа кўчмас мулк объектларида жойлаштирилган ташқи реклама ва ахборот объектларини (конструкцияларини) ўрнатиш чизмасини шакллантириш тартибини белгилайди.

2. Мазкур Низомда қуйидаги асосий тушунчалардан фойдаланилади:

ташқи реклама ва ахборот объектларини (конструкцияларини) ўрнатиш чизмаси/чизма — ўрнатилишига йўл қўйиладиган ташқи реклама ва ахборот объектларини (конструкцияларини) ўрнатиш жойларини белгилайдиган, уларнинг турлари, шакллари, техник тавсифлари, ахборот майдонларининг сатҳи кўрсатилган ҳолдаги маълумотларни ўз ичига олган ҳамда ҳудудий режалаштириш чизмаси асосида ишлаб чиқиладиган ҳужжат;

масъул органлар ва ташкилотлар:

Қорақалпоғистон Республикаси Қурилиш вазирлиги, вилоятлар ва Тошкент шаҳар қурилиш бош бошқармалари;

Ўзбекистон Республикаси Ички ишлар вазирлигининг ҳудудий бошқармаларининг йўл ҳаракати хавфсизлиги бошқармалари;

Ўзбекистон Республикаси Транспорт вазирлиги ҳузуридаги Автомобиль йўллари қўмитасининг (таркиблари бўйича) ҳудудий органлари;

ҳудудлар ва иншоотлардан алоҳида режим асосида фойдаланадиган ҳамда уларни эксплуатация қиладиган ташкилотлар;

Ўзбекистон Республикаси Давлат активларини бошқариш агентлигининг ҳудудий органлари ҳузуридаги ҳудудий ижара марказлари;

Ўзбекистон Республикаси Президенти давлат хавфсизлик хизмати;

муҳандислик коммуникация тармоқлари балансда сақловчилари;

реклама жойининг паспорти — Қорақалпоғистон Республикаси Вазирлар Кенгаши, вилоятлар ҳамда Тошкент шаҳар ҳокимликлари томонидан бериладиган ҳужжат бўлиб, ушбу ҳужжат юридик ва жисмоний шахсларнинг ташқи реклама ва ахборот объектларини (конструкцияларини) унда кўрсатилган ер участкасига, бинога ёки иншоотга мулкчилик шаклидан қатъи назар, ўрнатиш ҳуқуқини тасдиқлайди.

3. Ташқи реклама ва ахборот объектларини (конструкцияларини) қуриш учун мўлжалланган ер участкалари, бино ва иншоотларнинг рўйхати, ташқи реклама ва ахборот объектларининг (конструкцияларининг) намунавий дизайн кўриниши ҳамда ўлчамлари ташқи реклама ва ахборот объектларини (конструкцияларини) ўрнатиш чизмасига Қорақалпоғистон Республикаси Вазирлар Кенгаши, вилоятлар ҳамда Тошкент шаҳар ҳокимликлари, давлат ва нодавлат ташкилотларининг таклифлари, шунингдек, юридик ва жисмоний шахсларнинг таклифлари асосида киритилади.

Бунда ташқи реклама ва ахборот объектларини (конструкцияларини) ўрнатиш чизмасини шакллантириш ёки унга ўзгартириш киритиш учун:

таклифлар ҳар йили 1 октябрдан 31 декабргача «Ташқи реклама» рақамли мониторинг электрон тизими орқали қабул қилинади;

Қорақалпоғистон Республикаси Вазирлар Кенгаши, вилоятлар ҳокимликлари ва Тошкент шаҳар Рақамли ривожланиш департаменти (кейинги ўринларда — Департамент) томонидан ҳар йили 1 мартга қадар ташқи реклама ва ахборот объектларини (конструкцияларини) ўрнатиш чизмаси шакллантирилади ёки унга ўзгартириш киритилади. Заруратга кўра чизмага ўзгартириш навбатдан ташқари киритилиши мумкин.

Ташаббускорларнинг таклифлари шаҳарсозлик нормалари асосида кўриб чиқилади ва келиб тушган таклифларнинг барчаси ҳам ер участкаларида, мулкдоридан қатъи назар, бино ва иншоотларда ташқи реклама ва ахборот объектлари (конструкциялари)ни ўрнатиш ҳуқуқини бермайди.

4. Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари ташқи реклама ва ахборот объектларини (конструкциялари)ни ўрнатиш учун ер участкалари, бино ва иншоотларни аниқлаш мақсадида ўз ҳудудларини хатловдан ўтказади.

5. Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари ўз ҳудудларини хатловдан ўтказиш мақсадида:

а) махсус жиҳозлардан фойдаланган ҳолда, кўчмас мулк объектларини кўздан кечиради ва мутахассисларни жалб қилади;

б) ташқи реклама ва ахборот объектлари (конструкциялари) ўрнатиладиган жойни (геолокация) ва манзилни аниқлаштиради;

в) ташқи реклама ва ахборот объектлари (конструкциялари) ўрнатиладиган жойларни ва объектларни фотосуратга олади;

г) ташқи реклама ва ахборот объектларини (конструкцияларини) таснифларга ажратади ва бошқа зарур маълумотларни тўплайди.

6. Ташқи реклама ва ахборот объектларини (конструкцияларини) ўрнатиш чизмаси ҳудудларнинг алоҳида участкалари (кўчалар, автомобил йўллари, майдонлар ва бошқалар) бўйича ўзаро ҳудудий бўлинмаларга ажратилган кичик схемалардан иборат бўлади.

Ташқи реклама ва ахборот объектларини (конструкцияларини) ўрнатиш чизмаси шаҳарсозлик режалаштириш ҳужжатларига мувофиқ бўлиши ҳамда мавжуд биноларнинг ташқи меъморий қиёфасига, шаҳарсозлик нормалари ва қоидаларига, хавфсизлик талабларига риоя этилишини таъминлаши ҳамда реклама конструкцияларининг турлари ва шакллари, ахборот майдонларининг сатҳи ҳамда реклама конструкцияларининг техник тавсифлари кўрсатилган ҳолда реклама конструкцияларини ўрнатиш хариталарини ўз ичига олган бўлиши керак.

7. Қорақалпоғистон Республикаси Вазирлар Кенгаши, вилоятлар ҳокимликлари ва Тошкент шаҳрида Департамент томонидан ташқи реклама ва ахборот объектларини (конструкцияларини) ўрнатиш чизмасига киритиш учун жойларни электрон тизим орқали қуйидаги масъул орган ва ташкилотлар билан келишиш учун юборилади:

а) ташқи реклама ва ахборот объекти ўрнатилиши режалаштирилаётган жойнинг ва ташқи реклама ва ахборот объектларининг (конструкцияларининг) шаҳарсозлик нормаларига мослиги, асосий дизайн ечимлари ва реклама тузилмаларининг ўлчамлари бўйича — Қорақалпоғистон Республикаси Қурилиш вазирлиги, вилоятлар ва Тошкент шаҳар қурилиш бош бошқармаларига;

б) ташқи реклама ва ахборот объекти ўрнатилиши режалаштирилаётган жойнинг ва ташқи реклама ва ахборот объектларининг (конструкцияларининг) ҳаракат хавфсизлиги қоидаларига мослиги бўйича — Ўзбекистон Республикаси Ички ишлар вазирлиги ҳудудий бошқармалари йўл ҳаракати хавфсизлиги бўлимларига;

в) ташқи реклама ва объектлари (конструкциялари) ўрнатилиши режалаштирилаётган жой ва ташқи реклама ва ахборот объектлари (конструкциялари) бўйича — ташқи реклама ва объектларини (конструкцияларини) ўрнатиш кўзда тутилган жойни тасарруф этувчи ташкилотларга (тегишлилиги бўйича);

г) ташқи реклама ва объектлари (конструкциялари) ўрнатилиши режалаштирилаётган жой ва ташқи реклама ва ахборот объектлари (конструкциялари) юқори кучланишли электр узатиш тармоқлари, газ қувурлари ҳамда тегишли инфратузилма остида ва/ёки устида жойлашган бўлса, шунингдек, ер участкасини кавлаш ва ёки ер ишларига боғлиқ бошқа ишларни бажариш талаб этилса, бундай ишларни бажариш бўйича — муҳандислик коммуникация тармоқларини тасарруф этувчи ташкилотларга;

д) заруратга кўра тегишли ташкилотларга;

е) алоҳида режим асосида фойдаланадиган бино-иншоотларда ва махсус йўналишларда ташқи реклама ва объектлари (конструкциялари) ўрнатилиши режалаштирилаётган жойларни танлаш бўйича — тегишли ваколатли органларга.

Мазкур банднинг «а-г» кичик бандларида кўрсатилган масъул орган ва ташкилотлар уларга сўров келиб тушган кундан бошлаб ўн иш куни ичида электрон тизимга тегишли хулосани жойлаштириш орқали электрон рақамли имзо билан тасдиқлаган ҳолда, ташқи реклама ва объектларини (конструкцияларини) ўрнатиш мумкинлигини келишади ёки келишишни рад этади.

Белгиланган муддатда масъул орган ва ташкилотлар жавоб тақдим этмаган тақдирда, ташқи реклама ва ахборот объектини (конструкциясини) ўрнатиш мумкинлиги тўғрисида хулоса олинган ҳисобланади.

Масъул орган ва ташкилотларнинг раҳбарлари ташқи реклама ва ахборот объектини (конструкциясини) ўрнатиш бўйича ўз вақтида келишилиши ва хулосалар чиқарилиши, шунингдек, уларни ўз вақтида кўриб чиқмаслик оқибатлари учун шахсий жавобгарликни ўз зиммаларига олади.

8. Рекламадан ҳоли ҳудудлар Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари томонидан ишлаб чиқилади ва Қурилиш ва уй-жой коммунал хўжалиги вазирлиги, Туризм қўмитаси, Дин ишлари бўйича қўмита, Маданий мерос агентлиги ва Давлат активларини бошқариш агентлигининг тегишли ҳудудий бўлинмалари билан келишилади. Бунда:

а) қуйидаги бино ва унинг ёндош ҳудудлари рекламадан ҳоли ҳудудлар ҳисобланади:

Ўзбекистон Республикаси Президенти Администрацияси;

Ўзбекистон Республикаси Олий Мажлиси Сенати ва Қонунчилик палатаси;

Ўзбекистон Республикаси Олий суди;

Ўзбекистон Республикаси Вазирлар Маҳкамаси;

Қорақалпоғистон Республикаси Жўқорғи Кенгеси, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари;

Қорақалпоғистон Республикаси Жўқорғи Кенгесига, Халқ депутатлари вилоятлар ва Тошкент шаҳар Кенгашлари томонидан белгиланган ҳудудлар;

маданий мерос ва диний объектлар;

б) ташқи реклама объектларини (конструкцияларини) рекламадан холи ҳудудлар ер чегарасидан 50 метр ёки ундан кам бўлган масофада жойлаштиришга (қуришга) йўл қўйилмайди;

в) Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари томонидан келишиш учун юборилган сўровга тегишли давлат органлари томонидан ўн иш куни ичида хулоса берилиши шарт.

9. Ташқи реклама ва ахборот объектини (конструкциясини) ўрнатиш учун жойлар барча тегишли ташкилотлар билан келишувлардан кейин Қорақалпоғистон Республикаси Вазирлар Кенгаши, вилоятлар ҳокимликлари ва Тошкент шаҳрида Департамент томонидан ташқи реклама ва ахборот объектларини (конструкцияларини) ўрнатиш чизмаси ишлаб чиқилади.

10. Ишлаб чиқилган ташқи реклама ва ахборот объектларини (конструкцияларини) ўрнатиш чизмаси лойиҳаси Ўзбекистон Республикаси Рақобатни ривожлантириш ва истеъмолчилар ҳуқуқларини ҳимоя қилиш қўмитасининг ҳудудий органлари ҳамда Қорақалпоғистон Республикаси Жўқорғи Кенгеси, халқ депутатлари вилоят ва Тошкент шаҳар Кенгашлари билан келишилади.

Ижобий келишувдан кейин ташқи реклама ва ахборот объектларини (конструкцияларини) ўрнатиш чизмаси лойиҳаси тегишинча Қорақалпоғистон Республикаси Вазирлар Кенгаши Раиси, вилоятлар ва Тошкент шаҳар ҳокимлари қарори билан тасдиқланади.

11. Ташқи реклама ва ахборот объектларини (конструкцияларини) ўрнатиш чизмаси ҳамда унга киритиладиган ўзгартишлар Қорақалпоғистон Республикаси Вазирлар Кенгашининг, вилоятлар ва Тошкент шаҳар ҳокимликларининг Интернет жаҳон ахборот тармоғидаги расмий веб-сайтларида эълон қилинади.

12. Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари томонидан ташқи реклама ва ахборот объектларини (конструкцияларини) ўрнатиш чизмаси тасдиқланганидан кейин ташқи реклама ва ахборот объектларини (конструкцияларини) ўрнатиш ҳуқуқи электрон аукционларда жойлаштирилади ёки ЯИДХП орқали белгиланган тартибда реклама жойининг паспортини расмийлаштириш орқали берилади.»;

Вазирлар Маҳкамасининг 2020 йил 20 февралдаги 104-сон қарорига
7-ИЛОВА

Ташқи реклама ва ахборот объектларини (конструкцияларини) жойлаштириш ҳуқуқини расмийлаштириш бўйича давлат хизматини кўрсатишнинг

МАЪМУРИЙ РЕГ ЛАМЕНТИ

1-боб. Умумий қоидалар

1. Мазкур Регламент юридик ва жисмоний шахсларга (кейинги ўринларда — ариза берувчи) тегишли бўлган:

хусусийлаштирилган, ижарага берилган ёки нодавлат ташкилотларга доимий фойдаланиш ҳуқуқи асосида тегишли бўлган ер участкаларида (кейинги ўринларда — ер участкаларида), шунингдек, транспорт воситаларида (йўналишлардаги автобуслар бундан мустасно) ҳамда хусусий мулк бўлган бинолар ва иншоотларда ташқи реклама ва ахборот объектини (конструкциясини) ўрнатиш учун реклама жойининг паспортини расмийлаштириш;

илгари берилган ва амал қилиш муддати белгиланмаган реклама жойи паспортларининг амал қилиш муддатини белгилаш;

илгари берилган реклама жойи паспортларини янги шаклдаги паспортга алмаштириш бўйича давлат хизматини (кейинги ўринларда — давлат хизмати) кўрсатиш тартибини белгилайди.

Илгари берилган реклама жойи паспортлари эгалари 2024 йил 1 мартга қадар уларни янги шаклдаги паспортга алмаштириш учун ЯИДХП ахборот тизими орқали ариза топшириши шарт ва ушбу муддатларда янги шаклдаги паспортларга алмаштириш учун ариза топширилмаганда, ушбу паспортлар ўз кучини йўқотган деб ҳисобланади.

2. Реклама жойининг паспорти Қорақалпоғистон Республикаси Вазирлар Кенгаши, вилоятлар ҳокимликлари ва Тошкент шаҳрида Тошкент шаҳар ҳокимлиги ҳузуридаги Рақамли ривожланиш департаменти (кейинги ўринларда — Департамент) томонидан берилади.

Транспорт воситаларида ташқи реклама ва ахборотни ўрнатиш учун реклама жойининг паспорти Қорақалпоғистон Республикаси Вазирлар Кенгаши, вилоятлар ҳокимликлари ва Тошкент шаҳрида Департамент томонидан Ички ишлар вазирлиги билан келишилган ҳолда бир йил муддатга берилади.

Реклама жойининг паспорти «Ташқи реклама» рақамли мониторинг электрон тизимида автоматик равишда шакллантирилади.

3. Давлат хизмати Ўзбекистон Республикаси Ягона интерактив давлат хизматлари портали (кейинги ўринларда — ЯИДХП) орқали Қорақалпоғистон Республикаси Вазирлар Кенгаши, вилоятлар ҳокимликлари ва Тошкент шаҳрида Департамент томонидан кўрсатилади.

4. Давлат хизмати мазкур Регламентнинг 1-иловасига мувофиқ схема асосида кўрсатилади.

5. Юридик ёки жисмоний шахслар ер участкалардаги, шунингдек, хусусий мулк бўлган бинолар ва иншоотлардаги реклама жойининг паспортини ер участкалари, бинолар ҳамда иншоотларнинг мулкдорлари билан тузилган шартномалар асосида олиш ҳуқуқига эга бўлади. Бунда реклама жойининг паспорти ушбу шартномаларда белгиланган муддатга берилади, бироқ бу муддат ўн йилдан ошиши мумкин эмас.

2-боб. Давлат хизматини кўрсатиш тартиби

6. Ариза берувчи давлат хизматидан фойдаланиш учун ЯИДХПда рўйхатдан ўтади ҳамда ушбу Регламентга 2-иловада келтирилган сўровномани мустақил равишда электрон шаклда тўлдиради.

Бунда сўровномага қуйидаги ҳужжатлар илова қилинади:

а) ер участкаларида, шунингдек, хусусий мулк бўлган бинолар ва иншоотларда ташқи реклама ва ахборот объектини (конструкциясини) ўрнатиш учун реклама жойининг паспортини расмийлаштириш учун:

ташқи реклама ва ахборот объектининг (конструкциясининг) эскиз лойиҳаси (эскиз лойиҳада техник хусусиятлари акс эттирилади ва ўрнатиш манзили ҳамда ўрнатиш чизмасидаги реклама жойининг рақами белгиланади);

ташқи реклама ва ахборот объекти (конструкцияси) ўрнатиладиган жойнинг охирги бир ҳафта ичида олинган фотосуратлари (JPEG форматида);

кадастр ҳужжатлари;

ер участкалари, бинолар ҳамда иншоотларнинг мулкдорлари билан тузилган шартномалар (ариза берувчи мулкдор бўлмаган тақдирда);

ер участкалари, бинолар ҳамда иншоотларнинг мулкдорларининг розилик хати (ариза берувчи мулкдор бўлмаган тақдирда);

кўп квартирали уйдаги жойлар мулкдорларининг умумий йиғилиши қарорлари (агар ташқи реклама ва ахборот объекти кўп квартирали уйнинг том қисми ёки фасадига ўрнатилиши назарда тутилаётган бўлса);

кўп квартирали уйдаги жойлар мулкдорлар номидан тузилган шартнома (учинчи шахслар манфаати учун ҳаракат қилаётганда);

белгиланган тартибда расмийлаштирилган ишончнома (учинчи шахслар манфаати учун ҳаракат қилаётганда);

б) транспорт воситаларида ташқи реклама ва ахборот объектини (конструкциясини) ўрнатиш учун реклама жойининг паспортини расмийлаштириш учун:

автомототранспорт воситасини давлат рўйхатидан ўтказиш ҳақидаги гувоҳнома серияси ва рақами;

транспорт воситасида жойлаштирилиши назарда тутилган реклама ва ахборотнинг (транспорт воситасининг тўрт тарафдан кўриниш) эскизи;

белгиланган тартибда расмийлаштирилган ишончнома (учинчи шахслар манфаати учун ҳаракат қилаётганда);

в) илгари берилган реклама жойи паспортларини янги шаклдаги паспортга алмаштириш, шу жумладан, амал қилиш муддатини белгилаш учун:

ташқи реклама бўйича тегишли тўлов ва йиғимлардан охирги беш йил муддат учун қарздорлиги мавжуд бўлмаганлигини асословчи ҳужжатлар;

бериладиган реклама жойининг паспорти ва техник хавфсизлик талабларига мувофиқ ўрнатилганлиги ҳақида тегишли лицензияга эга бўлган ваколатли ташкилотнинг жорий йилдаги хулосаси (ўрнатилган манзили (мўлжал) ва локацияси кўрсатилган бўлиши шарт);

илгари берилган реклама жойи паспортининг электрон нусхаси (агар паспорт эгаси қайта ташкил этилган тақдирда, ҳуқуқий ворислигини тасдиқловчи ҳужжат нусхаси, паспортга эгалик қилиш ҳуқуқи тўғрисида суд қарори нусхаси);

ташқи реклама ва ахборот конструкциясининг тўлиқ кўринишини орқа томони ва олди томонини акс эттирувчи (фундаменти ва юқори қисми) охирги бир ҳафта ичида олинган фотосуратлари (JPEG форматида);

белгиланган тартибда расмийлаштирилган ишончнома (учинчи шахслар манфаати учун ҳаракат қилаётганда).

Ариза берувчилардан ушбу бандда ва сўровномада кўрсатилмаган маълумотларни ва бошқа ҳужжатларни тақдим этишни талаб этиш қатъиян тақиқланади.

7. Давлат хизмати кўрсатилгани учун базавий ҳисоблаш миқдорининг бир баравари миқдорида йиғим ундирилади.

Илгари берилган паспортлар эгалари мулкчилик шаклидан қатъи назар, реклама ўрнатилган жойнинг паспортини янги шаклдаги паспортга алмаштириш, шу жумладан, паспорт муддатини белгилаш учун ЯИДХП ахборот тизими орқали ариза топширганда давлат хизматлари учун тўлов ундирилмайди.

Ундириладиган йиғимлар суммаси қуйидаги тартибда тақсимланади:

10 фоизи — Ўзбекистон Республикаси Адлия вазирлигининг Давлат хизматларини ривожлантириш жамғармасининг шахсий ҳисобварағига;

11,25 фоизи-Ягона интерактив давлат хизматлари портали орқали давлат хизматларини кўрсатганлик учун, шунингдек, 0,5 фоизи Ягона биллинг тизими орқали давлат хизматлари кўрсатганлик учун Ахборот-коммуникация технологияларини ривожлантириш жамғармасининг электрон ҳукумат ва рақамли иқтисодиётнинг идоралараро лойиҳаларини молиялаштириш бўйича махсус ҳисобварағига;

39,75 фоизи — тегишинча Қорақалпоғистон Республикаси Вазирлар Кенгаши, вилоятлар ҳокимликларига, Тошкент шаҳрида Тошкент шаҳар ҳокимлиги ҳузуридаги Рақамли ривожланиш департаментига (кейинги ўринларда — Департамент);

39 фоизи — Ўзбекистон Республикаси Рақобатни ривожлантириш ва истеъмолчилар ҳуқуқларини ҳимоя қилиш қўмитасининг бюджетдан ташқари Рақобатни ривожлантиришга кўмаклашиш жамғармасига ўтказилади.

8. Ариза берувчи давлат хизматидан фойдаланишдан уни кўрсатишнинг ҳар қандай босқичида бош тортиш ҳуқуқига эга.

Ариза берувчи давлат хизматидан фойдаланишдан бош тортганда, унинг сўровномаси кўрилмасдан қолдирилади. Бунда тўланган йиғим суммаси қайтарилмайди.

9. Ариза берувчи сўровномани тўлдирган сўнг сўровнома автоматик тарзда «Ташқи реклама» рақамли мониторинг электрон тизимига (кейинги ўринларда — электрон тизим) юборилади ва ушбу электрон тизим орқали тегишинча Қорақалпоғистон Республикаси Вазирлар Кенгаши, вилоятлар ҳокимликларига ва Тошкент шаҳрида Департаментга юборилади.

10. Қорақалпоғистон Республикаси Вазирлар Кенгаши, вилоятлар ҳокимликлари ва Тошкент шаҳрида Департамент томонидан аризалар ўн беш иш куни ичида кўриб чиқилади ва электрон рақамли имзо (ЭРИ) билан тасдиқланган, QR-код (матрик штрихли код) қўйилган ташқи реклама ва ахборот объектини (конструкциясини) ўрнатиш учун реклама жойининг паспорти расмийлаштирилади ёки рад этишга асослар мавжуд бўлганда, расмийлаштириш рад этилади.

Бунда келиб тушган аризалардаги:

ташқи реклама бўйича тегишли тўлов ва йиғимлардан охирги беш йил муддат учун қарздорлиги мавжуд бўлмаганлигини асословчи ҳужжатлар — Иқтисодиёт ва молия вазирлигининг ҳудудий бошқармалари;

бериладиган реклама жойининг паспорти ва техник хавфсизлик талабларига мувофиқ ўрнатилганлиги ҳақида тегишли лицензияга эга бўлган ваколатли ташкилотнинг жорий йилдаги хулосаси — Қурилиш ва уй-жой коммунал хўжалиги вазирлигининг ҳудудий бошқармалари ўн иш кунида электрон тизим орқали тўғрилигини тасдиқлайди ёки рад этади.

11. Ариза берувчи ЯИДХПдаги шахсий кабинети орқали ташқи реклама ва ахборот объектларини (конструкцияларини) ўрнатиш учун шартнома оммавий офертасини тасдиқлаш орқали реклама жойининг паспортини олади.

12. Давлат хизматини кўрсатиш рад этилган тақдирда, тегишинча Қорақалпоғистон Республикаси Вазирлар Кенгаши, тегишли вилоят ҳокимлиги ёки Тошкент шаҳрида Департаментдан рад этиш сабаблари аниқ кўрсатилган хабарнома ариза берувчининг ЯИДХПдаги шахсий кабинетига электрон шаклда юборилади.

13. Реклама жойининг паспортини расмийлаштиришни (унинг муддатини белгилаш ёки янги шаклдаги паспортга алмаштиришни) рад этиш учун қуйидагилар асос бўлади:

давлат хизматларини кўрсатиш учун йиғим тўланмаганлиги;

ташқи реклама ва ахборот объектлари (конструкциялари) таклиф қилинаётган жойи ташқи реклама ва ахборот объектларини (конструкцияларини) ўрнатиш чизмасига киритилмаганлиги;

сўровномада нотўғри маълумотлар кўрсатилиши ёки ҳужжатлар сўровномага асосан тўлиқ тақдим этилмаганлиги ёхуд ёлғон маълумотлар тақдим этилганлиги;

ташқи реклама ва ахборот объектлари (конструкциялари) хавфсизлигининг умумий техник регламентида назарда тутилган талабларга мувофиқ эмаслиги;

транспорт воситаларида рекламани жойлаштириш бўйича эса ҳаракат хавфсизлиги қоидаларига мос келмаслиги;

ваколати бўлмаган шахс томонидан ариза берилганлиги;

илгари берилган реклама жойининг паспортида кўрсатилган эгаси тўғрисидаги маълумотлар, ташқи реклама ва ахборот объектларининг (конструкцияларининг) ўлчамлари, жойлашган жойи (локацияси) унинг жорий ҳолатига тўғри келмаслиги ҳамда охирги беш йил учун ташқи реклама бўйича тегишли тўлов ва йиғимлардан қарздорлик тўлиқ қопланмаганлиги.

Бунда илгари берилган реклама жойининг паспорти бўйича тегишли тўлов ва йиғимлардан қарздорлик ва улар бўйича тўловларни тасдиқловчи ҳужжатлар солиштирма далолатномасига асосан ўрганилиб, қарздорлик аниқланганда, реклама жойининг паспорти эгаларига қарздорликни тўлаш учун инвойс ва қўшимча 10 иш кун муддат берилади.

Давлат хизматларини кўрсатишни бошқа асослар бўйича рад этиш тақиқланади.

14. Ариза берувчи ташқи реклама ва ахборот объектини (конструкциясини) ўрнатиш учун реклама жойининг паспортини ёки транспорт воситаларида ташқи реклама ва ахборотни ўрнатиш учун реклама жойининг паспортини расмийлаштириш рад этилган кундан бошлаб беш иш куни мобайнида ер участкаларида, шунингдек, хусусий мулк бўлган бинолар ва иншоотларда, транспорт воситаларида ташқи реклама ва ахборот объекти (конструкцияси) паспортини расмийлаштириш учун йиғимни тўламасдан қайта мурожаат қилиш ҳуқуқига эга.

Ташқи реклама ва ахборот объектини (конструкциясини) ўрнатиш учун реклама жойининг паспортини расмийлаштириб беришни рад этиш учун асос бўлган сабаблар ариза берувчи томонидан бартараф этилган тақдирда, ташқи реклама ва ахборот объектини (конструкциясини) ўрнатиш учун реклама жойининг паспортини олиш бўйича қайта мурожаат қилади.

Ташқи реклама ва ахборот объектини (конструкциясини) ўрнатиш учун реклама жойининг паспортини расмийлаштириб бериш бўйича қайта мурожаатни кўриб чиқишда Қорақалпоғистон Республикаси Вазирлар Кенгаши, вилоятлар ҳокимликлари ва Тошкент шаҳрида Департамент томонидан аввалги рад этиш асосларида баён этилмаган сабабларнинг келтирилишига йўл қўйилмайди, аввал кўрсатилган сабаблар бартараф этилганлигини тасдиқловчи маълумотлар билан боғлиқ рад этиш сабаблари келтирилиши бундан мустасно.

Реклама жойининг паспортини олиш учун қайта мурожаат рад этилган тақдирда, кейинги мурожаатлар ушбу Регламентга асосан умумий тартибда кўриб чиқилади.

3-боб. Якунловчи қоидалар

15. Ўзбекистон Республикаси Адлия вазирлиги, Қорақалпоғистон Республикаси Адлия вазирлиги, вилоятлар ва Тошкент шаҳар адлия бошқармалари мазкур Регламент талаблари ижроси бўйича давлат органлари ва бошқа ташкилотларнинг фаолияти устидан, шу жумладан, ЯИДХП орқали, доимий назоратни ва мониторингни амалга оширади.

16. Ариза берувчилар давлат органлари ва бошқа ташкилотлар ходимларининг хатти-ҳаракатлари юзасидан қонунчилик ҳужжатларида белгиланган тартибда шикоят қилишлари мумкин.

17. Мазкур Регламент талабларининг бузилишида айбдор бўлган шахслар қонунчиликда белгиланган тартибда жавобгарликка тортилишига сабаб бўладилар.

Ташқи реклама ва ахборот объектларини (конструкцияларини) жойлаштириш ҳуқуқини расмийлаштириш бўйича давлат хизматини кўрсатишнинг маъмурий регламентига
1-ИЛОВА

Ташқи реклама ва ахборот объектларини (конструкцияларини) жойлаштириш ҳуқуқини расмийлаштириш тартиби

СХЕМАСИ

Босқичлар	Субъектлар	Тадбирлар	Бажариш муддатлари
Босқичлар	Субъектлар	Тадбирлар	Бажариш муддатлари

1-босқич	Ариза берувчи	1. Давлат хизматини олиш учун ЯИДХПда рўйхатдан ўтади. 2. Хизмат кўрсатиш учун базавий ҳисоблаш миқдорининг бир баравари миқдорида йиғим тўлайди (илгари берилган реклама жойининг паспортини янгилаш бундан мустасно).	Мурожаат этганда

2-босқич	ЯИДХП	Сўровнома «Ташқи реклама» рақамли мониторинг электрон тизимига юборилади ва ушбу тизим орқали Қорақалпоғистон Республикаси Вазирлар Кенгаши, вилоятлар ҳокимликлари ва Тошкент шаҳрида Департаментга юборилади.	Автоматик тарзда

3-босқич	Қорақалпоғистон Республикаси Вазирлар Кенгаши, вилоятлар ҳокимликлари ва Тошкент шаҳрида Департамент	а) Илгари берилган реклама жойи паспортларини янги шаклдаги паспортга алмаштириш, шу жумладан, амал қилиш муддатини белгилаш учун: Иқтисодиёт ва молия вазирлигининг ҳудудий бошқармаларига қарздорлик бор йўқлигини ва Қурилиш ва уй-жой коммунал хўжалиги вазирлигининг ҳудудий бошқармаларига реклама жойининг паспорти ва техник хавфсизлик талабларига мувофиқ ўрнатилганлиги ҳақида тегишли лицензияга эга бўлган ваколатли ташкилотнинг жорий йилдаги хулосаларини текшириш учун юборади.	10 иш кун ичида
		Тегишли хулосалар олиниб, қолган маълумотлар текширилганидан кейин паспортни расмийлаштирилади ёки сўровномага рад жавобини беради;	5 иш куни ичида (тўловлар билан боғлиқ ҳолда қўшимча 10 кунга узайтирилади)
		б) Ер участкаларида, шунингдек, хусусий мулк бўлган бинолар ва иншоотларда ташқи реклама ва ахборот объектини (конструкциясини) ўрнатиш учун реклама жойининг паспортини расмийлаштириш учун: паспортни расмийлаштиради ёки сўровномага рад жавобини беради;	15 иш кун ичида
		в) автотранспорт воситаларида ташқи реклама ва ахборот объектини (конструкциясини) ўрнатиш учун реклама жойининг паспортини расмийлаштириш учун:	15 иш кун ичида
		паспортни расмийлаштиради ёки сўровномага рад жавобини беради. QR-код (матрик штрихли код) қўйилган паспортни ариза берувчининг ЯИДХПдаги шахсий кабинетига электрон шаклда юборади;	Реал вақт режимида
		Ариза берувчи ЯИДХПдаги шахсий кабинети орқали ташқи реклама ва ахборот объектларини (конструкцияларини) ўрнатиш учун шартнома оммавий офертасини тасдиқлаш орқали реклама жойининг паспортини олади.	Шартнома оммавий офертаси тасдиқланганда

Босқичлар	Субъектлар	Тадбирлар	Бажариш муддатлари
Босқичлар	Субъектлар	Тадбирлар	Бажариш муддатлари

1-босқич	Ариза берувчи	1. Давлат хизматини олиш учун ЯИДХПда рўйхатдан ўтади. 2. Хизмат кўрсатиш учун базавий ҳисоблаш миқдорининг бир баравари миқдорида йиғим тўлайди (илгари берилган реклама жойининг паспортини янгилаш бундан мустасно).	Мурожаат этганда

2-босқич	ЯИДХП	Сўровнома «Ташқи реклама» рақамли мониторинг электрон тизимига юборилади ва ушбу тизим орқали Қорақалпоғистон Республикаси Вазирлар Кенгаши, вилоятлар ҳокимликлари ва Тошкент шаҳрида Департаментга юборилади.	Автоматик тарзда

3-босқич	Қорақалпоғистон Республикаси Вазирлар Кенгаши, вилоятлар ҳокимликлари ва Тошкент шаҳрида Департамент	а) Илгари берилган реклама жойи паспортларини янги шаклдаги паспортга алмаштириш, шу жумладан, амал қилиш муддатини белгилаш учун: Иқтисодиёт ва молия вазирлигининг ҳудудий бошқармаларига қарздорлик бор йўқлигини ва Қурилиш ва уй-жой коммунал хўжалиги вазирлигининг ҳудудий бошқармаларига реклама жойининг паспорти ва техник хавфсизлик талабларига мувофиқ ўрнатилганлиги ҳақида тегишли лицензияга эга бўлган ваколатли ташкилотнинг жорий йилдаги хулосаларини текшириш учун юборади.	10 иш кун ичида
		Тегишли хулосалар олиниб, қолган маълумотлар текширилганидан кейин паспортни расмийлаштирилади ёки сўровномага рад жавобини беради;	5 иш куни ичида (тўловлар билан боғлиқ ҳолда қўшимча 10 кунга узайтирилади)
		б) Ер участкаларида, шунингдек, хусусий мулк бўлган бинолар ва иншоотларда ташқи реклама ва ахборот объектини (конструкциясини) ўрнатиш учун реклама жойининг паспортини расмийлаштириш учун: паспортни расмийлаштиради ёки сўровномага рад жавобини беради;	15 иш кун ичида
		в) автотранспорт воситаларида ташқи реклама ва ахборот объектини (конструкциясини) ўрнатиш учун реклама жойининг паспортини расмийлаштириш учун:	15 иш кун ичида
		паспортни расмийлаштиради ёки сўровномага рад жавобини беради. QR-код (матрик штрихли код) қўйилган паспортни ариза берувчининг ЯИДХПдаги шахсий кабинетига электрон шаклда юборади;	Реал вақт режимида
		Ариза берувчи ЯИДХПдаги шахсий кабинети орқали ташқи реклама ва ахборот объектларини (конструкцияларини) ўрнатиш учун шартнома оммавий офертасини тасдиқлаш орқали реклама жойининг паспортини олади.	Шартнома оммавий офертаси тасдиқланганда

Ташқи реклама ва ахборот объектларини (конструкцияларини) жойлаштириш ҳуқуқини расмийлаштириш бўйича давлат хизматини кўрсатишнинг маъмурий регламентига
2-ИЛОВА

Ташқи реклама ва ахборот объектларини (конструкцияларини) жойлаштириш ҳуқуқини расмийлаштириш учун

СЎРОВНОМА


I. Ариза берувчи — юридик шахс тўғрисида маълумот:
1. Тўлиқ номи
2. СТИР
3. Ҳисобварағи
4. Жойлашган жойи
5. Телефон рақами
6. Электрон почта манзили (мавжуд бўлганда):

II. Ариза берувчи-жисмоний шахс (ЯТТ):
1.Ф.И.О.
2. Биометрик паспорт (идеитификацияловчи ID-картаси) маълумотлари (серияси, рақами)
3. ЖШШИР
4. СТИР
5. Ҳисобварағи
6. Фаолият тури
7. Яшаш манзили
8. Телефон рақами
9. Электрон почта манзили (мавжуд бўлганда):

III. Юридик ёки жисмоний шахслар ер участкаларидаги, шунингдек, хусусий мулк бўлган бинолар ва иншоотлардаги реклама ва ахборот объектини (конструкциясини) жойлаштириш учун маълумотлар ва илова қилинадиган ҳужжатлар:
1. Объектнинг жойлашган манзили ва ўрнатиш чизмасидаги реклама жойининг рақами
2. Ташқи реклама ва ахборот объектининг (конструкциясининг) эскиз лойиҳаси (эскиз лойиҳада техник хусусиятлари акс эттирилади)
3. Ер участкасига, шунингдек, хусусий мулк бўлган бинолар ва иншоотга бўлган мулк ҳуқуқини тасдиқловчи ҳужжатлар (шу жумладан, кадастр рақами)
4. Кўп квартирали уйдаги жойлар мулкдорларининг умумий йиғилиши қарорлари (агар ташқи реклама ва ахборот объектини кўп квартирали уйнинг том қисми ёки фасад қисмига ўрнатилиши назарда тутилаётган бўлса)
5. Ер участкалари, шунингдек, хусусий мулк бўлган бинолар ва иншоотлар эгасининг розилик хати (агар ташқи реклама ва ахборот объекти учинчи шахс томонидан жойлаштирилса)
6. Кўп квартирали уйдаги жойлар мулкдорлари ёки ер участкалари, шунингдек, хусусий мулк бўлган бинолар ва иншоотлар эгаси билан тузилган шартнома (агар ташқи реклама ва ахборот объекти учинчи шахс томонидан жойлаштирилса)
7. Белгиланган тартибда расмийлаштирилган ишончнома (учинчи шахслар манфаати учун ҳаракат қилаётганда)
8. Ташқи реклама ва ахборот объекти (конструкцияси) ўрнатиладиган жойнинг охирги бир ҳафта ичида олинган фотосуратлари (JPEG форматида)

IV. Илгари берилган реклама жойи паспортларини янги шаклдаги паспортга алмаштириш, шу жумладан, амал қилиш муддатини белгилаш учун маълумотлар ва илова қилинадиган ҳужжатлар:
1. Объектнинг жойлашган манзили ва ўрнатиш чизмасидаги реклама жойининг рақами
2. Илгари берилган реклама жойи паспортининг электрон нусхаси (агар паспорт эгаси қайта ташкил этилган тақдирда, ҳуқуқий ворислигини тасдиқловчи ҳужжат нусхаси, паспортга эгалик қилиш ҳуқуқи тўғрисида суд қарори нусхаси)
3. Кўп квартирали уйдаги жойлар мулкдорларининг амалдаги умумий йиғилиши қарорлари (агар ташқи реклама ва ахборот объекти кўп квартирали уйнинг том қисми ёки фасад қисмида ўрнатилган бўлса)
4. Техник хавфсизлик талабларига мувофиқ ўрнатилганлиги ҳақида тегишли лицензияга эга бўлган ваколатли ташкилотнинг жорий йилдаги хулосаси (ўрнатилган манзили (мўлжал) ва локацияси кўрсатилган бўлиши шарт)
5. Ташқи реклама бўйича тегишли тўлов ва йиғимлардан охирги беш йил муддат учун қарздорлиги мавжуд бўлмаганлигини асословчи ҳужжатлар
6. Ташқи реклама ва ахборот конструкцияси тўлиқ кўринишининг орқа томони ва олди томонини акс эттирувчи (фундаменти ва юқори қисми) охирги бир ҳафта ичида олинган фотосуратлари (JPEG форматида)
7. Ер участкасига, шунингдек, хусусий мулк бўлган бинолар ва иншоотга бўлган мулк ҳуқуқини тасдиқловчи ҳужжатлар (шу жумладан, кадастр рақами)
8. Кўп квартирали уйдаги жойлар мулкдорлари ёки ер участкалари, шунингдек, хусусий мулк бўлган бинолар ва иншоотлар эгаси билан тузилган шартнома (агар ташқи реклама ва ахборот объекти учинчи шахс томонидан жойлаштирилса)
9. Белгиланган тартибда расмийлаштирилган ишончнома (учинчи шахслар манфаати учун ҳаракат қилаётганда)

V. Автотранспорт воситаларидаги реклама ва ахборот тўғрисида маълумотлар ва илова қилинадиган ҳужжатлар:
1. Автомототранспорт воситасини давлат рўйхатидан ўтказиш ҳақидаги гувоҳнома серияси ва рақами
2. Автотранспорт воситасида жойлаштирилиши назарда тутилган реклама ва ахборотнинг (транспорт воситасининг тўрт тарафдан кўриниш) эскизи
3. Белгиланган тартибда расмийлаштирилган ишончнома (учинчи шахслар манфаати учун ҳаракат қилаётганда)

	Ариза берувчининг ЭРИ/имзоси;


I. Ариза берувчи — юридик шахс тўғрисида маълумот:
1. Тўлиқ номи
2. СТИР
3. Ҳисобварағи
4. Жойлашган жойи
5. Телефон рақами
6. Электрон почта манзили (мавжуд бўлганда):

II. Ариза берувчи-жисмоний шахс (ЯТТ):
1.Ф.И.О.
2. Биометрик паспорт (идеитификацияловчи ID-картаси) маълумотлари (серияси, рақами)
3. ЖШШИР
4. СТИР
5. Ҳисобварағи
6. Фаолият тури
7. Яшаш манзили
8. Телефон рақами
9. Электрон почта манзили (мавжуд бўлганда):

III. Юридик ёки жисмоний шахслар ер участкаларидаги, шунингдек, хусусий мулк бўлган бинолар ва иншоотлардаги реклама ва ахборот объектини (конструкциясини) жойлаштириш учун маълумотлар ва илова қилинадиган ҳужжатлар:
1. Объектнинг жойлашган манзили ва ўрнатиш чизмасидаги реклама жойининг рақами
2. Ташқи реклама ва ахборот объектининг (конструкциясининг) эскиз лойиҳаси (эскиз лойиҳада техник хусусиятлари акс эттирилади)
3. Ер участкасига, шунингдек, хусусий мулк бўлган бинолар ва иншоотга бўлган мулк ҳуқуқини тасдиқловчи ҳужжатлар (шу жумладан, кадастр рақами)
4. Кўп квартирали уйдаги жойлар мулкдорларининг умумий йиғилиши қарорлари (агар ташқи реклама ва ахборот объектини кўп квартирали уйнинг том қисми ёки фасад қисмига ўрнатилиши назарда тутилаётган бўлса)
5. Ер участкалари, шунингдек, хусусий мулк бўлган бинолар ва иншоотлар эгасининг розилик хати (агар ташқи реклама ва ахборот объекти учинчи шахс томонидан жойлаштирилса)
6. Кўп квартирали уйдаги жойлар мулкдорлари ёки ер участкалари, шунингдек, хусусий мулк бўлган бинолар ва иншоотлар эгаси билан тузилган шартнома (агар ташқи реклама ва ахборот объекти учинчи шахс томонидан жойлаштирилса)
7. Белгиланган тартибда расмийлаштирилган ишончнома (учинчи шахслар манфаати учун ҳаракат қилаётганда)
8. Ташқи реклама ва ахборот объекти (конструкцияси) ўрнатиладиган жойнинг охирги бир ҳафта ичида олинган фотосуратлари (JPEG форматида)

IV. Илгари берилган реклама жойи паспортларини янги шаклдаги паспортга алмаштириш, шу жумладан, амал қилиш муддатини белгилаш учун маълумотлар ва илова қилинадиган ҳужжатлар:
1. Объектнинг жойлашган манзили ва ўрнатиш чизмасидаги реклама жойининг рақами
2. Илгари берилган реклама жойи паспортининг электрон нусхаси (агар паспорт эгаси қайта ташкил этилган тақдирда, ҳуқуқий ворислигини тасдиқловчи ҳужжат нусхаси, паспортга эгалик қилиш ҳуқуқи тўғрисида суд қарори нусхаси)
3. Кўп квартирали уйдаги жойлар мулкдорларининг амалдаги умумий йиғилиши қарорлари (агар ташқи реклама ва ахборот объекти кўп квартирали уйнинг том қисми ёки фасад қисмида ўрнатилган бўлса)
4. Техник хавфсизлик талабларига мувофиқ ўрнатилганлиги ҳақида тегишли лицензияга эга бўлган ваколатли ташкилотнинг жорий йилдаги хулосаси (ўрнатилган манзили (мўлжал) ва локацияси кўрсатилган бўлиши шарт)
5. Ташқи реклама бўйича тегишли тўлов ва йиғимлардан охирги беш йил муддат учун қарздорлиги мавжуд бўлмаганлигини асословчи ҳужжатлар
6. Ташқи реклама ва ахборот конструкцияси тўлиқ кўринишининг орқа томони ва олди томонини акс эттирувчи (фундаменти ва юқори қисми) охирги бир ҳафта ичида олинган фотосуратлари (JPEG форматида)
7. Ер участкасига, шунингдек, хусусий мулк бўлган бинолар ва иншоотга бўлган мулк ҳуқуқини тасдиқловчи ҳужжатлар (шу жумладан, кадастр рақами)
8. Кўп квартирали уйдаги жойлар мулкдорлари ёки ер участкалари, шунингдек, хусусий мулк бўлган бинолар ва иншоотлар эгаси билан тузилган шартнома (агар ташқи реклама ва ахборот объекти учинчи шахс томонидан жойлаштирилса)
9. Белгиланган тартибда расмийлаштирилган ишончнома (учинчи шахслар манфаати учун ҳаракат қилаётганда)

V. Автотранспорт воситаларидаги реклама ва ахборот тўғрисида маълумотлар ва илова қилинадиган ҳужжатлар:
1. Автомототранспорт воситасини давлат рўйхатидан ўтказиш ҳақидаги гувоҳнома серияси ва рақами
2. Автотранспорт воситасида жойлаштирилиши назарда тутилган реклама ва ахборотнинг (транспорт воситасининг тўрт тарафдан кўриниш) эскизи
3. Белгиланган тартибда расмийлаштирилган ишончнома (учинчи шахслар манфаати учун ҳаракат қилаётганда)

	Ариза берувчининг ЭРИ/имзоси;

Вазирлар Маҳкамасининг 2020 йил 20 февралдаги 104-сон қарорига
8-ИЛОВА

Ташқи реклама ва ахборот объектларини (конструкцияларини) демонтаж қилиш ва демонтаж қилинган конструкцияларни сақлаш тартиби тўғрисида

НИЗОМ

1. Ушбу Низом ташқи реклама ва ахборот объектларини (конструкцияларини) демонтаж қилиш тартибини белгилайди.

2. Реклама жойининг паспорти мавжуд бўлмаган ер участкаларига, биноларга ҳамда иншоотларга ўрнатилган ташқи реклама ва ахборот объектлари (конструкциялари) Рақобатни ривожлантириш ва истеъмолчилар ҳуқуқларини ҳимоя қилиш қўмитаси ва унинг ҳудудий органларининг (кейинги ўринларда — ваколатли давлат органи) қарорига мувофиқ демонтаж қилиниши лозим.

Бунда ваколатли давлат органининг қарори қабул қилинган кундан бошлаб ўн иш куни ичида реклама жойининг паспорти мавжуд бўлмаган ташқи реклама ва ахборот объектлари (конструкциялари) мулкдори томонидан ихтиёрий равишда демонтаж қилинмаган тақдирда, маҳаллий ижро этувчи ҳокимият органлари томонидан мажбурий тартибда демонтаж қилиниши мумкин.

Ташқи реклама ва ахборот объектлари (конструкциялари) Қорақалпоғистон Республикаси Вазирлар Кенгаши, вилоятлар ҳамда Тошкент шаҳар ҳокимликлари томонидан ушбу Низомда кўрсатилган холларда мажбурий демонтаж қилинганида, демонтаж қилиш куни ва вақти тўғрисидаги маълумотлар уларнинг веб-сайтларида демонтаж қилиш кунидан икки кун олдин (ушбу Низомнинг 9-банди бундан мустасно) жойлаштирилади ва демонтаж қилинадиган ташқи реклама ва объектларнинг мулкдорлари (эгалари, фойдаланувчилари) тегишли тартибда хабардор қилинган ҳисобланади.

3. Ташқи реклама ва ахборот объектларини (конструкцияларини) демонтаж қилиш тўғрисида қарор қабул қилиш учун Қорақалпоғистон Республикаси Вазирлар Кенгаши, вилоятлар ҳамда Тошкент шаҳар ҳокимликлари (шу жумладан, Тошкент шаҳар ҳокимлиги ҳузуридаги Рақамли ривожланиш Департаменти — кейинги ўринларда Департамент) томонидан тегишли ҳужжатлар ҳамда ташқи реклама ва ахборот объектлари (конструкциялари) мулкдори тўғрисидаги маълумотлар ваколатли давлат органига киритилади.

4. Мулкдори номаълум бўлган ташқи реклама ва ахборот объектлари (конструкциялари) мулкдорини аниқлаш мақсадида Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари томонидан ўзларининг Интернет жаҳон ахборот тармоғидаги расмий веб-сайтларида ҳамда «Ташқи реклама» рақамли мониторинг электрон тизимида ушбу ташқи реклама ва ахборот объекти (конструкцияси) ҳамда унинг мулкдори қидирилаётганлиги ҳақидаги эълон 30 кун давомида жойлаштирилган туради.

Ушбу муддатда мулкдор аниқланмаса, ташқи реклама ва ахборот объекти (конструкцияси) маҳаллий ижро этувчи ҳокимият органлари томонидан ваколатли давлат органининг тегишли қарорисиз мажбурий тартибда демонтаж қилиниши мумкин.

5. Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари ноқонуний ўрнатилган ташқи реклама ва ахборот объектларини (конструкцияларини) мажбурий тартибда демонтаж қилиш учун очиқ танловлар асосида махсус ташкилотларни ёллаш ҳуқуқига эга.

Ташқи реклама ва ахборот объекти (конструкцияси) мажбурий тартибда демонтаж қилинганида, маҳаллий ижро этувчи ҳокимият органлари ёки махсус ташкилот томонидан далолатнома расмийлаштирилади ва «Ташқи реклама» рақамли мониторинг электрон тизимида ушбу ҳақда маълумот жойлаштирилади.

Далолатномада ташқи реклама ва ахборот объектининг (конструкциясининг) мажбурий тартибда демонтаж қилинган санаси, вақти, демонтаж қилиш сабаби, ҳолат бўйича қисқача маълумот, фото суратлар ҳамда сақлаш учун юборилган жой манзили кўрсатилиши шарт.

Ташқи реклама ва ахборот объектларини (конструкцияларини) мажбурий тартибда демонтаж қилиш ва ундан кейинги ҳолати бўйича маҳаллий ижро этувчи ҳокимият органлари ёки махсус ташкилот жавобгар бўлмайди.

6. Мажбурий тартибда демонтаж қилинган ташқи реклама ва ахборот объектлари (конструкциялари) улар демонтаж қилинган кундан бошлаб ўттиз кун давомида Қорақалпоғистон Республикаси Вазирлар Кенгаши, вилоятлар ҳамда Тошкент шаҳар ҳокимликлари томонидан белгиланган махсус жойларда сақлаб турилади.

7. Мажбурий тартибда демонтаж қилинган ташқи реклама ва ахборот объекти (конструкцияси) мулкдори томонидан демонтаж қилинган кундан бошлаб ўттиз кун ичида маҳаллий ижро этувчи ҳокимият органларига ташқи реклама ва ахборот объектини (конструкциясини) қайтариш тўғрисида мурожаат қилишга ҳақли. Бунда мулкдор томонидан ташқи реклама ва ахборот объектини (конструкциясини) демонтаж қилиш, кўчириш, сақлаш ҳамда ободонлаштириш ишлари билан боғлиқ харажатларни қоплаб берган тақдирда, маҳаллий ижро этувчи ҳокимият органлари томонидан ташқи реклама ва ахборот объекти (конструкцияси) мулкдорига қайтарилади.

Агар мажбурий тартибда демонтаж қилинган ташқи реклама ва ахборот объектини (конструкциясини) демонтаж қилиш, кўчириш, сақлаш ва ободонлаштириш ишлари билан боғлиқ харажатлари демонтаж қилинган кундан эътиборан ўттиз кун мобайнида унинг мулкдори томонидан қоплаб берилмаса ва сақланаётган жойидан олиб кетилмаса, ушбу ташқи реклама ва ахборот объекти (конструкцияси) маҳаллий ижро этувчи ҳокимият органлари томонидан сотилиши ёки белгиланган тартибда утилизация қилиниши мумкин. Бунда ташқи реклама ва ахборот объектининг (конструкциясининг) мулкдори маҳаллий ижро этувчи ҳокимият органларига мурожаат қилган тақдирда ташқи реклама ва ахборот объектини (конструкциясини) сотишдан ёки утилизация қилинишидан тушган маблағлар уларни демонтаж қилиш, сақлаш, сотиш ва ободонлаштириш ишлари билан боғлиқ харажатлар чегириб ташлаган ҳолда мулкдорга қайтарилади.

8. Ташқи реклама ва ахборот объектларини (конструкцияларини) мажбурий тартибда демонтаж қилиш, кўчириш, сақлаш ва ободонлаштириш ишларини амалга ошириш маҳаллий бюджет маблағлари ҳисобидан, кейинчалик ушбу харажатларни ташқи реклама ва ахборот объекти (конструкцияси) мулкдорлари ёки сотишдан (утилизациядан) тушган маблағлар ҳисобидан қопланади.

9. Ўрнатилган ташқи реклама ва ахборот объекти (конструкцияси) атроф-муҳит, инсон ҳаёти ва транспорт воситаларига хавф туғдирган тақдирда (техник носоз ҳолатдалиги, коммуникация ўтказмаларига зарар келтирганлиги аниқланган ва кечиктириб бўлмайдиган инсон ҳаёти учун хавфли бўлган вазиятларда), маҳаллий ижро этувчи ҳокимият органлари томонидан далолатнома расмийлаштирилиб, огоҳлантиришсиз ташқи реклама ва ахборот объекти (конструкцияси) мажбурий тартибда демонтаж қилинади ҳамда бу ҳақда ташқи реклама ва ахборот объекти (конструкцияси) мулкдорига икки иш кунидан кечиктирмасдан хабар берилади ва «Ташқи реклама» рақамли мониторинг электрон тизимида ушбу ҳақда маълумот жойлаштирилади.

10. Ташқи реклама объектларини (конструкцияларини) жойлаштириш учун паспортлари, гувоҳномалари, сертификатлари, рухсатномалари ва ҳуқуқни белгиловчи бошқа ҳужжатлари бекор қилинган ёки ушбу ҳужжатлар мавжуд бўлмаган (рухсатсиз ўрнатилган) ҳолларда, ташқи реклама объектларини (конструкцияларини) демонтаж қилиш чоралари кўрилади.

11. Ушбу Низомда белгиланган тартибда демонтаж қилинган ташқи реклама ва ахборот объектларининг (конструкцияларининг) жойига ёки ён атрофига ташқи реклама ва ахборот объектлари (конструкциялари) такроран ноқонуний ўрнатилганда, маҳаллий ижро этувчи ҳокимият органлари томонидан огоҳлантиришсиз мажбурий тартибда демонтаж қилинади. Бунда ушбу Низомнинг 6 ва 7-бандлари қўлланилади.

12. Ушбу Низомда белгиланган тартибни бузганлик, қонунчилик талабларига риоя қилмаган холда ташқи реклама ва ахборот объектлари (конструкциялари) ўрнатганлиги учун айбдор шахслар қонунчилик ҳужжатларида белгиланган тартибда жавобгар бўлади».

4. Вазирлар Маҳкамасининг «Ўзбекистон Республикасида Туризм соҳасини тиклаш ва ривожлантириш учун қулай шарт-шароитларни яратиш чора-тадбирлари тўғрисида» 2020 йил 10 июлдаги 433-сон қарорига 17-илованинг 96-позицияси чиқариб ташлансин.

5. Вазирлар Маҳкамасининг «Жамоат транспортини молиялаштиришнинг янги тизимини ташкил этиш чора-тадбирлари тўғрисида» 2023 йил 18 мартдаги 116-сон қарорига 3-илованинг 5-банди чиқариб ташлансин.

Изоҳ. Мазкур илованинг 1-банди «а», «б» ва «в» кичик бандлари, 3-банди «а» кичик бандининг учинчи хатбошиси, «б» кичик бандининг учинчи ва тўртинчи хатбошилари, «и» кичик банди 2023 йил 1 декабрдан кучга киради.

Кўриниш

Кўриниш