Ўзбекистон Республикаси Ҳукумати ва Словения Республикаси Ҳукумати, кейинги ўринларда «Аҳдлашувчи Томонлар» деб аталувчилар,

Аҳдлашувчи Томонлар давлатлари ва халқлари ўртасидаги дўстона алоқаларни эътироф этган ҳолда,

тенглик, ўзаро манфаатдорлик ва ўзаролик тамойиллари асосида ўзаро қизиқиш уйғотувчи соҳаларда иқтисодий ҳамкорликни ривожлантиришни истаб,

савдони кенгайтириш ва алоқаларини янада мустаҳкамлаш истагида, айниқса икки томонлама савдони, иқтисодий алоқаларни ва узвий ҳамкорликни рағбатлантириш орқали юзага келадиган ўзаро манфаатларни ҳисобга олган ҳолда,

ўз давлатларининг халқаро шартномаларидан келиб чиқадиган мажбуриятларни инобатга олган ҳолда,

қуйидагилар тўғрисида келишиб олдилар:

1. Аҳдлашувчи Томонлар ўз давлатлари миллий қонунчилигига мувофиқ ва халқаро шартномалардан келиб чиқадиган мажбуриятларини ҳисобга олиб, ўзаро қизиқиш ва манфаат касб этувчи барча соҳаларда ҳамда максимал даражада кенг кўламда иқтисодий ҳамкорликни ривожлантириш ва мустаҳкамлаш учун бутун кучини ишга соладилар.

2. Мазкур Битим доирасида амалга ошириладиган ҳамкорлик қуйидагиларни назарда тутади:

икки томонлама иқтисодий алоқаларни янада мустаҳкамлаш мақсадида иқтисодий салоҳиятдан фойдаланиш;

икки томонлама иқтисодий алоқаларни кучайтириш, хусусан, савдо айланмасини ошириш орқали ҳамда инвестициялар, инновациялар ва иқтисодий тадбирларни ташкил этиш соҳаларида;

транспорт инфраструктурасини ривожлантириш;

минтақавий иқтисодий ҳамкорликни ривожлантириш.

Аҳдлашувчи Томонлар қуйидаги йўллар орқали иқтисодий муносабатларни мустаҳкамлаш мақсадида қулай шарт-шароитлар яратишга интиладилар:

Аҳдлашувчи Томонлар давлатларининг хўжалик юритувчи субъектлари ўртасида ҳамкорликни, жумладан, енгил саноат, кимё саноати, фармецевтика, энергетика, қора ва рангли металлургия, машинасозлик, целлюлоза-қоғоз ишлаб чиқариш, қишлоқ хўжалиги каби саноат соҳаларида ҳамкорликни ривожланиш;

иқтисодий ҳамкорлик масалалари бўйича идоралар ўртасида ишга алоқадор иқтисодий ахборотлар билан ҳамда иш юсасидан контактлар билан алмашишга кўмаклашиш ва қўллаб-қувватлаш;

ўзаро манфаатли соҳаларда қўшма ишлаб чиқаришни рағбатлантириш;

сертификатлаштириш ва стандартлаштиришда фундаментал ўзаро ҳамкорлик;

ярмаркалар, кўргазмалар, симпозиумлар ва шу каби тадбирларни ташкил этишда бир-бирига кўмаклашиш;

икки томонлама иқтисодий алоқаларда кичик ва ўрта бизнес субъектларининг иштирокини рағбатлантириш;

товарлар ва хизматлар билан савдо қилишда ҳамда саноат, инфраструктура, телекоммуникация, транспорт ва атроф-муҳитни ҳимоя қилиш соҳаларида узоқ муддатли ҳамкорликни ривожлантириш;

туризм соҳасида ҳамкорликни ривожлантириш.

1. Аҳдлашувчи Томонлар иқтисодий ҳамкорлик бўйича Ўзбек-Словен Қўшма Комиссияни ташкил этадилар (кейинги ўринларда «Қўшма комиссия» деб аталади).

2. Қўшма комиссиянинг асосий вазифалари қуйидагилардан иборат:

мазкур Битим доирасида ҳамкорликни мониторинг қилиш;

Ахдлашувчи Томонлар ўртасида ҳамкорлик соҳаларини аниқлаш ва мазкур масала юзасидан таклифлар тайёрлаш;

товар айланмаси ҳажмларини ошириш ва номенклатурасини кенгайтириш бўйича келишилган чоралар ишлаб чиқиш ва қабул қилиш;

икки мамлакат корхоналари ўртасидан иқтисодий ҳамкорлик шартларини яхшилашга қаратилган таклифларни ишлаб чиқиш;

ўзаро манфаат касб этувчи ахборотлар билан, жумладан, қонунчилик ва иқтисодий дастурлар билан алмашиш;

транспорт ва транзит соҳаларида ўзаро келишилган сиёсат олиб бориш, халқаро транспорт коммуникациялари ва логистика инфратузилмасини ривожлантириш;

Ахдлашувчи Томонларнинг ташқи иқтисодий фаолият субъектлари ҳуқуқлари ва қонуний манфаатларини ҳимоя қилиш;

икки томонлама савдо-иқтисодии ҳамкорликни ривожлантиришга тўсиқ бўлаётган муаммоларни аниқлаш ва уларни ҳал этиш бўйича чоралар кўриш;

мазкур Битим қоидаларини амалга оширилиши ва талқин этилиши билан боғлиқ низоли масалаларни муҳокама қилиш.

Қўшма комиссия Аҳдлашувчи Томонларнинг вакилларидан иборат бўлади ва зарур ҳолларда унинг йиғилишларига ишбилармон доира вакиллари таклиф қилиниши мумкин.

1. Қўшма комиссия йиғилишлари бир йилда бир марта ёки Ахдлашувчи Томонлардан бирининг илтимосига мувофиқ навбати билан Ўзбекистон Республикаси ва Словения Республикасида ўтказилади.

2. Ахдлашувчи Томонлардан бирининг ташаббусига мувофиқ Қўшма комиссиянинг навбатдан ташқари йиғилиши чақирилиши ёки Қўшма комиссия раисларининг учрашуви ташкил этилиши мумкин.

3. Қўшма комиссия йиғилишлари вақти ва кун тартиби Аҳдлашувчи Томонлар ўртасида аввалдан келишилади.

4. Қабул қилувчи Ахдлашувчи Томон Қўшма комиссия йиғилишининг баённомасини тузади ва мазкур баённома учрашув якунида икки делегация раҳбарлари томонидан имзоланади.

1. Мазкур Битимнинг қоидалари Аҳдлашувчи Томонларнинг давлатлари иштирокчи бўлган бошқа халқаро шартномалардан келиб чиқадиган ҳуқуқ ва мажбуриятларига таъсир этмаган ҳолда қўлланилади.

2. Мазкур Битимнинг қоидалари Словения Республикасининг Европа Иттифоқидаги аъзолигидан келиб чиқадиган мажбуриятларига ҳеч қандай таъсир кўрсатмайди.

3. Мазкур Битим, бир томондан, Европа Иттифоқи ва унинг аъзо давлатлари ва иккинчи томондан, Ўзбекистон Республикаси ўртасида тузилган битимлардан келиб чиқадиган мажбуриятларга таъсир этмаган ҳолда қўлланилади.

Мазкур Битимнинг қоидаларини қўлланилиши ва талқин қилиниши билан боғлиқ ҳар қандай низолар Ахдлашувчи Томонлар ўртасида маслаҳатлашувлар ва музокаралар орқали ҳал қилинади.

Ҳар бир Ахдлашувчи Томон миллий хавфсизлик, жамоат тартиби ёки соғлиқни сақлаш нуқтаи назаридан Битимнинг амал қилишини тўлиқ ёки қисман тўхтатиб қўйиши мумкин. Бошқа Ахдлашувчи Томон мазкур Битимнинг амал қилишини тўхтатиб туриш тўғрисида дипломатик каналлар орқали бундай чора қўлланилишидан камида 72 соат олдин хабардор қилинади.

1. Мазкур Битим Ахдлашувчи Томонлар тарафидан Битим кучга кириши учун зарур бўлган барча давлат ички ҳуқуқий процедуралар бажарилганлиги тўғрисидаги сўнгги ёзма хабарнома олингандан сўнг ўттизинчи (30) кунда кучга киради.

2. Мазкур Битим уч (3) йил давомида амал қилади ва Ахдлашувчи Томонлардан бири унинг амал қилишини тугатиш нияти тўғрисида белгиланган муддатдан олти (6) ой аввал бошқа Ахдлашувчи Томонни ёзма хабардор қилмаса, ўз-ўзидан кейинги бир (1) йиллик муддатларга узаяверади.

3. Мазкур Битимга Ахдлашувчи Томонларнинг ўзаро келишувига кўра унинг ажралмас қисми ҳисобланадиган ва Битим қоидаларига мувофиқ кучга кирадиган алоҳида баённомалар орқали ўзгартириш ва қўшимчалар киритилиши мумкин.

Тошкент шаҳрида 2023 йил 8 февраль санасида икки асл нусхада, ҳар бири ўзбек, словен ва инглиз тилларида имзоланди, бунда барча матнлар бир хил кучга эга. Мазкур Битим қоидаларини талқин қилишда келишмовчиликлар юзага келган тақдирда, инглиз тилидаги матн устувор кучга эга.