Андижон вилоят суди иқтисодий ишлар бўйича судлов ҳайъати, Ш. Мирзаевнинг раислигида, судьялар Д. Убайдуллаев ва У. Холиковдан иборат таркибда, судья катта ёрдамчиси Ш. Сойибжонованинг котибалигида, ____________________________ масъулияти чекланган жамияти таъсисчиси ____________________________ масъулияти чекланган жамияти вакили _________ (ишончнома ва адвокатлик ордери асосида), ____________________________ масъулияти чекланган жамияти вакили _________ (ишончнома асосида)ларнинг иштирокида Андижон туманлараро иқтисодий судининг 2022 йил 21 декабрдаги ҳал қилув қароридан норози бўлиб, Ўзбекистон Савдо-саноат палатаси Андижон вилояти ҳудудий бошқармаси ____________________________ масъулияти чекланган жамияти манфаатида киритган апелляция шикояти асосида иш ҳужжатлари билан бирга Андижон вилоят суди биносида, очиқ суд мажлисида кўриб чиқиб, қуйидагиларни аниқлади:

____________________________ масъулияти чекланган жамияти таъсисчиси ____________________________ масъулияти чекланган жамияти (бундан буён матнларда «даъвогар» деб юритилади) судга даъво аризаси билан мурожаат қилиб, ____________________________ масъулияти чекланган жамияти (бундан буён матнларда «жавобгар» деб юритилади)дан 50 947 131 сўм дивидент, 6 000 000 сўм зарар ҳамда суд харажатларини ундиришни сўраган.

Биринчи инстанция судининг 2022 йил 21 декабрдаги ҳал қилув қарори билан даъво қаноатлантирилган ҳамда жавобгар ҳисобидан даъвогар фойдасига 50 947131 сўм дивидент, 6 000 000 сўм зарар ва олдиндан тўланган 569 472 сўм давлат божи, 24 000 сўм почта харажатлари ундирилган.

Мазкур ҳал қилув қароридан норози бўлиб, Ўзбекистон Савдо-саноат палатаси Андижон вилояти ҳудудий бошқармаси жавобгар манфаатида киритган апелляция шикоятида, биринчи инстанция судининг ҳал қилув қарорини бекор қилиш ва даъвони рад қилиш ҳақида янги қарор қабул қилиш сўралган.

Ўзбекистон Савдо-саноат палатаси Андижон вилояти ҳудудий бошқармаси ва жавобгар томонидан суд девонхонасига аризалар тақдим этилган. Мазкур аризаларда апелляция шикоятидан воз кечиш билдирилиб, апелляция шикояти бўйича иш юритишни тугатишни сўраган.

Суд мажлисида жавобгар вакили кўрсатма бериб, Ўзбекистон Савдо-саноат палатаси Андижон вилояти ҳудудий бошқармаси томонидан жавобгар манфаатида апелляция шикояти киритилганлигини, ҳозирда Ўзбекистон Савдо-саноат палатаси Андижон вилояти ҳудудий бошқармаси ва жавобгар томонидан апелляция шикоятидан воз кечиш ҳақида ариза тақдим этилганлигини билдириб, аризаларни қабул қилиб апелляция инстанциясида иш юритишни тугатишни сўради.

Суд мажлисида даъвогар вакили жавобгарнинг апелляция шикоятидан воз кечиши қонун ҳужжатларига хилоф эмаслиги сабабли жавобгарнинг аризасини қаноатлантиришни сўради.

Судлов ҳайъати тарафлар вакилларининг кўрсатмаларини тинглаб, иш ҳужжатларини ўрганиб, Ўзбекистон Савдо-саноат палатаси Андижон вилояти ҳудудий бошқармаси ва жавобгарнинг апелляция шикоятидан воз кечиш ҳақидаги аризасини муҳокама қилиб, апелляция шикояти бўйича апелляция инстанциясида иш юритишни тугатишни лозим топди.

Зотан, Ўзбекистон Республикаси Иқтисодий процессуал кодексининг 275-моддаси биринчи қисмига кўра, апелляция шикояти берган шахс ишни кўриш якуни бўйича суд ҳужжати чиқарилгунига қадар ундан воз кечишга ҳақли.

Ўзбекистон Республикаси Иқтисодий процессуал кодексининг 273-моддаси биринчи қисми 4-бандида, апелляция шикояти иш юритишга қабул қилинганидан сўнг шикоят берган шахс томонидан шикоятдан воз кечиш тўғрисида ариза келиб тушган бўлса, апелляция инстанцияси суди апелляция шикояти (протести) бўйича иш юритишни тугатиши белгиланган.

Мазкур ҳолатда Ўзбекистон Савдо-саноат палатаси Андижон вилояти ҳудудий бошқармаси ва жавобгарнинг апелляция шикоятидан воз кечиши қонун ҳужжатларига хилоф эмаслиги, ҳал қилув қарори устидан бошқа шахслар шикоят қилмаганлиги сабабли апелляция инстанция суди апелляция шикоятидан воз кечишни қабул қилишни, апелляция шикояти бўйича апелляция инстанциясида иш юритишни тугатишни лозим топади.

Ўзбекистон Республикаси Олий суди Пленумининг 2020 йил 19 декабрдаги 36-сонли «Иқтисодий ишлар бўйича суд харажатларини ундириш амалиёти тўғрисида»ги Қарорининг 21-бандида апелляция шикоятидан воз кечилганлиги сабабли, шикоят кўрмасдан қолдирилганда ёки иш юритиш тугатилганда, тўланган давлат божи қайтарилмаслиги, агар шикоят беришда давлат божи тўланмаган бўлса давлат божи шикоят берган шахсдан ундирилиши юзасидан тушунтириш берилган.

Судлов ҳайъати жавобгарнинг апелляция шикоятидан воз кечганлигини инобатга олиб, олдиндан тўланган 30 000 сўм почта харажатини жавобгарнинг зиммасида қолдиришни, жавобгар ҳисобидан республика бюджетига 284 735,6 сўм давлат божи ундиришни лозим топди.

Бинобарин судлов ҳайъати, Ўзбекистон Республикаси Иқтисодий процессуал кодекси 195, 273, 275-моддаларини қўллаб, ажрим қилди:

Ўзбекистон Савдо-саноат палатаси Андижон вилояти ҳудудий бошқармаси ва ____________________________ масъулияти чекланган жамиятининг апелляция шикоятидан воз кечиш тўғрисидаги аризаси қабул қилинсин.

Ўзбекистон Савдо-саноат палатаси Андижон вилояти ҳудудий бошқармасининг ____________________________ масъулияти чекланган жамияти манфаатида киритган апелляция шикояти юзасидан апелляция инстанциясида иш юритиш тугатилсин.

____________________________ масъулияти чекланган жамияти ҳисобидан республика бюджетига 284 735,6 сўм давлат божи ундирилсин.

Олдиндан тўланган 30 000 сўм почта харажати ____________________________ масъулияти чекланган жамияти зиммасида қолдирилсин.

Ажримдан норози томон Ўзбекистон Республикаси Олий судининг Иқтисодий ишлар бўйича судлов ҳайъатига кассация тартибида шикоят (прокурор протест) келтириш мумкин.