Осиё-Тинч океани минтақаси мамлакатлари билан иқтисодий интеграцияни ривожлантириш мақсадида ҳамда Осиё тараққиёт банкига кириш тартибига мувофиқ:

1. Ўзбекистон Республикаси Марказий банкига Осиё Тараққиёт Банкига тегишли барча маблағлар ҳамда Осиё Тараққиёт Банкини ташкил этиш тўғрисидаги Битимга мувофиқ ушбу банкнинг бошқа активлари учун депозитарий сифатида иш юритиш ваколати берилсин.

2. Ўзбекистон Республикаси Молия вазирлигини Осиё Тараққиёт Банки билан ушбу Битим доирасида юзага келадиган масалалар бўйича алоқани амалга оширувчи расмий орган сифатида белгилансин.

3. Ўзбекистон Республикаси Ташқи иқтисодий фаолият миллий банкини Ўзбекистон Республикаси Ҳукуматининг келишуви асосида Осиё Тараққиёт Банкини ташкил этиш тўғрисидаги Битимда назарда тутилган барча операция ва битимларни амалга ошириш, шунингдек, Ўзбекистон Республикаси номидан ташқи қарзлар бўйича кафолатларнинг максимал лимити доирасида ҳар қандай суммаларни, кредитларни олиш ва Ўзбекистон Республикаси томонидан Осиё Тараққиёт Банкига аъзолик бадалларини мунтазам равишда тўлашни таъминлаш ваколати белгилансин.

4. Қуйидагилар:

Ўзбекистон Республикаси Бош вазир ўринбосари — Молия вазири Ҳамидов Бахтиёр Султоновични Осиё Тараққиёт Банкининг Ўзбекистон Республикасидан бошқарувчиси сифатида;

Ўзбекистон Республикаси Ташқи иқтисодий фаолият миллий банки Бошқаруви раиси Азимов Рустам Садиқовични Осиё Тараққиёт Банкининг Ўзбекистон Республикасидан бошқарувчи ўринбосари сифатида тайинлансин.