Ўзбекистон Республикаси Олий Мажлиси Қонунчилик палатаси Мудофаа ва хавфсизлик масалалари қўмитасининг «Йўл ҳаракатини ташкил этиш тўғрисида»ги ҚЛ-905-сонли Ўзбекистон Республикаси қонуни лойиҳасини ҳамда Коррупцияга қарши курашиш ва суд-ҳуқуқ масалалари қўмитасининг «Йўл ҳаракати хавфсизлиги тизими такомиллаштирилиши муносабати билан Ўзбекистон Республикасининг Жиноят кодекси, Жиноят-процессуал кодекси ва Маъмурий жавобгарлик тўғрисидаги кодексига ўзгартиш ва қўшимчалар киритиш ҳақида»ги ҚЛ-906-сонли Ўзбекистон Республикаси қонуни лойиҳасини биринчи ўқишда Қонунчилик палатаси муҳокамасига киритиш муддатини қайта кўриб чиқиш тўғрисидаги таклифларини инобатга олиб, Ўзбекистон Республикаси Олий Мажлиси Қонунчилик палатасининг Кенгаши қарор қилади:

1. Ўзбекистон Республикаси Олий Мажлиси Қонунчилик палатаси Кенгашининг қарорларига қуйидаги ўзгартишлар киритилсин:

1) Ўзбекистон Республикаси Олий Мажлиси Қонунчилик палатаси Кенгашининг 2022 йил 10 майда қабул қилинган «Йўл ҳаракатини ташкил этиш тўғрисида»ги ҚЛ-905-сонли Ўзбекистон Республикаси қонуни лойиҳаси ҳақида»ги 2101-IV-сонли Қарорининг (Ўзбекистон Республикаси Олий Мажлиси палаталарининг Ахборотномаси, 2022 йил, № 5, 525-модда) 2-бандидаги «бир ой» деган сўзлар «уч ой» деган сўзлар билан алмаштирилсин;

2) Ўзбекистон Республикаси Олий Мажлиси Қонунчилик палатаси Кенгашининг 2022 йил 10 майда қабул қилинган «Йўл ҳаракати хавфсизлиги тизими такомиллаштирилиши муносабати билан Ўзбекистон Республикасининг Жиноят кодекси, Жиноят-процессуал кодекси ва Маъмурий жавобгарлик тўғрисидаги кодексига ўзгартиш ва қўшимчалар киритиш ҳақида»ги ҚЛ-906-сонли Ўзбекистон Республикаси қонуни лойиҳаси тўғрисида»ги 2102-IV-сонли Қарорининг (Ўзбекистон Республикаси Олий Мажлиси палаталарининг Ахборотномаси, 2022 йил, № 5, 526-модда) 2-бандидаги «бир ой» деган сўзлар «уч ой» деган сўзлар билан алмаштирилсин.

2. Мудофаа ва хавфсизлик масалалари қўмитаси ҳамда Коррупцияга қарши курашиш ва суд-ҳуқуқ масалалари қўмитаси белгиланган муддатда ушбу қонун лойиҳаларини Ўзбекистон Республикаси Олий Мажлиси Қонунчилик палатасининг мажлисида биринчи ўқишда кўриб чиқиш учун тайёрлаш чораларини кўрсин.

3. Ушбу Қарор қабул қилинган кундан эътиборан кучга киради.