Ўзбекистон Республикаси Президентининг 2022 йил 28 январда қабул қилинган ПФ-60-сонли Фармони 2-иловаси билан тасдиқланган 2022 — 2026 йилларга мўлжалланган Янги Ўзбекистоннинг тараққиёт стратегиясини «Инсон қадрини улуғлаш ва фаол маҳалла йили»да амалга оширишга оид Давлат дастурининг 22-банди ижросини таъминлаш мақсадида Ўзбекистон Республикаси Олий Мажлисининг Қонунчилик палатаси қарор қилади:

1. Ўзбекистон Республикаси Олий Мажлиси Қонунчилик палатасининг 2005 йил 28 июлда қабул қилинган 102-I-сонли Қарори билан қабул қилинган Ўзбекистон Республикаси Олий Мажлиси Қонунчилик палатасининг Регламентига (Ўзбекистон Республикаси Олий Мажлиси Қонунчилик палатасининг 2016 йил 29 январда қабул қилинган 368-III-сонли Қарори таҳририда) (Ўзбекистон Республикаси Олий Мажлиси палаталарининг Ахборотномаси, 2016 йил, № 1, 15-модда; 2017 йил, № 10, 631-модда; 2019 йил, № 1, 18-модда, № 4, 250-модда) қуйидаги қўшимчалар ва ўзгартиш киритилсин:

1) 45-модда қуйидаги мазмундаги 10¹-банд билан тўлдирилсин:

«10¹) тегишлилиги бўйича вазирликлар ва идоралар кесимида давлат бюджети маблағларининг самарадорлиги билан боғлиқ бўлган мақсадли индикаторларнинг бажарилиши юзасидан ҳисоботларни ҳар чорак якунлари бўйича кўриб чиқади»;

2) 244-модданинг учинчи қисми:

қуйидаги мазмундаги бешинчи хатбоши билан тўлдирилсин:

«ўзи сайланган ҳудуднинг келгуси йил учун мўлжалланган ижтимоий ва ишлаб чиқариш инфратузилмасини ривожлантириш дастурларига киритиладиган инвестиция лойиҳаларининг шакллантирилиши юзасидан тегишли халқ депутатлари маҳаллий Кенгашларининг мажлисларидаги муҳокамаларда ўз таклифлари ва тавсиялари билан иштирок этади»;

бешинчи хатбошиси олтинчи хатбоши деб ҳисоблансин.

2. Ушбу Қарор қабул қилинган кундан эътиборан кучга киради.