Ўзбекистон Республикаси Олий Мажлисининг Қонунчилик палатаси томонидан 2021 йил 16 ноябрда қабул қилинган «Инсон аъзолари ва тўқималарининг трансплантацияси тўғрисида»ги Ўзбекистон Республикаси Қонуни қабул қилиниши муносабати билан Ўзбекистон Республикасининг айрим қонун ҳужжатларига ўзгартиш ва қўшимчалар киритиш ҳақида»ги Ўзбекистон Республикаси Қонуни 2022 йил 17 мартда Ўзбекистон Республикаси Олий Мажлисининг Сенати томонидан рад этилганлигини эътиборга олиб, Ўзбекистон Республикаси Олий Мажлисининг Қонунчилик палатаси қарор қилади:

1. «Инсон аъзолари ва тўқималарининг трансплантацияси тўғрисида»ги Ўзбекистон Республикаси Қонуни қабул қилиниши муносабати билан Ўзбекистон Республикасининг айрим қонун ҳужжатларига ўзгартиш ва қўшимчалар киритиш ҳақида»ги Ўзбекистон Республикаси Қонуни бўйича келишмовчиликларни бартараф этиш учун Ўзбекистон Республикаси Олий Мажлиси Сенатининг таклифига кўра келишув комиссияси тузилсин.

2. Қонунчилик палатаси депутатлари Мақсуда Азизовна Варисова, Джумонозор Азодович Атоджонов ва Шуҳрат Абдухалимович Абдухалимов Ўзбекистон Республикаси Олий Мажлисининг Қонунчилик палатасидан мазкур комиссия таркибига сайлансин.

3. Келишув тартиб-таомилларида иштирок этиш учун Ўзбекистон Республикаси Вазирлар Маҳкамасининг вакили таклиф этилсин.

4. Ушбу Қарор Ўзбекистон Республикаси Олий Мажлисининг Сенатига ва Ўзбекистон Республикаси Вазирлар Маҳкамасига юборилсин.

5. Ушбу Қарор қабул қилинган кундан эътиборан кучга киради.