Ўзбекистон Республикаси Конституциясининг 78-моддаси ҳамда «Ўзбекистон Республикасида маъмурий-ҳудудий тузилиш масалаларини ҳал этиш тартиби тўғрисида»ги Ўзбекистон Республикаси Қонунининг 5 ва 10-моддаларига мувофиқ, Ўзбекистон Республикаси Олий Мажлисининг Қонунчилик палатаси қарор қилади:

1. Ўзбекистон Республикаси Вазирлар Маҳкамасининг таклифи қабул қилиниб:

Тошкент вилоятининг Янгийўл шаҳри ва Янгийўл туманининг чегаралари ўзгартирилсин ҳамда Янгийўл тумани ҳудуди 42046,4 гектар ва Янгийўл шаҳри ҳудуди 1102,0 гектар этиб белгилансин;

Янгийўл шаҳри вилоят бўйсунувидаги шаҳарлар туркумига киритилсин.

2. Белгилаб қўйилсинки, Тошкент вилоятининг Янгийўл шаҳри таркибига ўтказилаётган Янгийўл тумани сайлов округларидан (24-Фарход, 25-Мустақиллик, 26-Истиқлол, 27-Нодирабегим, 28-Файзобод, 29-Муқимий, 30-Мезон округларидан) сайланган халқ депутатлари Янгийўл туман Кенгашининг депутатлари халқ депутатлари Янгийўл шаҳар Кенгашининг депутатлари ҳисобланади.

3. Тошкент вилояти Янгийўл шаҳри чегарасининг тавсифи ва график чизмаси ҳамда Янгийўл тумани чегарасининг график чизмаси Ўзбекистон Республикаси Вазирлар Маҳкамаси томонидан тақдим этилган 1 — 3-иловаларга мувофиқ тасдиқлансин.

4. Ўзбекистон Республикаси Вазирлар Маҳкамаси ушбу Қарорнинг ижроси бўйича комплекс чора-тадбирлар амалга оширилишини таъминласин.

5. Ушбу Қарор Ўзбекистон Республикаси Олий Мажлиси Сенатига юборилсин.

6. Ушбу Қарор қабул қилинган кундан эътиборан кучга киради.