Ўзбекистон Республикаси Олий Мажлисининг Қонунчилик палатаси томонидан 2021 йил 10 августда қабул қилинган «Наркологик касалликларга чалинган шахсларнинг ҳуқуқларини ҳимоя қилиш тизими такомиллаштирилиши муносабати билан Ўзбекистон Республикасининг айрим қонун ҳужжатларига қўшимча ва ўзгартишлар киритиш ҳақида»ги Ўзбекистон Республикаси Қонуни 2021 йил 21 октябрда Ўзбекистон Республикаси Олий Мажлисининг Сенати томонидан рад этилганлигини эътиборга олиб, Ўзбекистон Республикаси Олий Мажлисининг Қонунчилик палатаси қарор қилади:

1. «Наркологик касалликларга чалинган шахсларнинг ҳуқуқларини ҳимоя қилиш тизими такомиллаштирилиши муносабати билан Ўзбекистон Республикасининг айрим қонун ҳужжатларига қўшимча ва ўзгартишлар киритиш ҳақида»ги Ўзбекистон Республикаси Қонуни бўйича келишмовчиликларни бартараф этиш учун Ўзбекистон Республикаси Олий Мажлиси Сенатининг таклифига кўра келишув комиссияси тузилсин.

2. Қонунчилик палатаси депутатлари Иномжон Саттаркулович Кудратов, Гульрух Анваровна Агзамова ва Дилмурод Махмудович Исмаилов Ўзбекистон Республикаси Олий Мажлисининг Қонунчилик палатасидан мазкур комиссия таркибига сайлансин.

3. Мазкур Қонун муҳокамаси жараёнида билдирилган мулоҳазаларнинг тузатишлар тарзида таърифлаб бериш таклифи билан Ўзбекистон Республикаси Олий Мажлисининг Сенатига мурожаат этилсин.

4. Келишув тартиб-таомилларида иштирок этиш учун Ўзбекистон Республикаси Олий судининг вакили таклиф этилсин.

5. Ушбу Қарор Ўзбекистон Республикаси Олий Мажлисининг Сенатига ва Ўзбекистон Республикаси Олий судига юборилсин.

6. Ушбу Қарор қабул қилинган кундан эътиборан кучга киради.