Ўзбекистон Республикаси билан Афғонистон Ислом Давлати ўртасидаги икки томонлама муносабатлар ривожланишини таъминлаш мақсадида Вазирлар Маҳкамаси қарор қилади:

1. Афғонистон Ислом Давлатида, Қобул шаҳрида Ўзбекистон Республикаси Элчихонаси очилсин.

2. Элчихонанинг штат жадвали иловага мувофиқ тасдиқлансин.

Элчихона дипломатик таркиб ходимлари сони уч нафардан иборат этиб белгилансин.

3. Ўзбекистон Республикаси Ташқи ишлар вазирлиги 2002 йилнинг қолган даври учун мазкур Элчихона таъминотига харажатлар сметасини Молия вазирлиги билан келишсин.

4. Ўзбекистон Республикаси Молия вазирлиги 2002 йилдан бошлаб навбатдаги молиявий йил учун бюджетда тасдиқланган хорижий муассасаларни маблағ билан таъминлаш миқдоридан келиб чиқиб, штатлар бутланишига қараб, харажатлар сметасига мувофиқ хорижий муассаса таъминотига зарур маблағлар ажратсин.

5. Ўзбекистон Республикаси Ташқи ишлар вазирлиги бир ой муддатда штат жадвалига мувофиқ Элчихонанинг дипломатик таркибини бутлаш учун номзодлар юзасидан таклиф киритсин.

6. Ўзбекистон Республикасининг Афғонистондаги элчиси маиший, тиббий ва транспорт харажатларини кўрсатиш шарт-шароитларига кўра Ўзбекистон Республикаси вазирлигига тенглаштирилсин.