Ўзбекистон Республикаси Президентининг 2020 йил 18 февралдаги ПФ-5938-сон «Жамиятда ижтимоий-маънавий муҳитни соғломлаштириш, маҳалла институтини янада қўллаб-қувватлаш ҳамда оила ва хотин-қизлар билан ишлаш тизимини янги даражага олиб чиқиш чора-тадбирлари тўғрисида»ги Фармони ҳамда Вазирлар Маҳкамасининг 2020 йил 26 августдаги 514-сон «Фуқаролик ҳолати далолатномаларини ёзиш органлари фаолиятини Ўзбекистон Республикаси Адлия вазирлиги ҳузуридаги Давлат хизматлари агентлиги тизимида самарали ташкил этиш чора-тадбирлари тўғрисида»ги қарорига мувофиқ буюраман:

1. Ўзбекистон Республикаси адлия вазирининг 2013 йил 31 декабрдаги 400-мҳ-сон буйруғи (рўйхат рақами 2547, 2013 йил 31 декабрь) (Ўзбекистон Республикаси қонун ҳужжатлари тўплами, 2014 й., 1-сон, 10-модда) билан тасдиқланган Фуқаролик ҳолати далолатномаларини ёзиш органларида иш юритиш тартиби тўғрисидаги йўриқномага иловага мувофиқ ўзгартириш ва қўшимчалар киритилсин.

2. Мазкур буйруқ расмий эълон қилинган кундан эътиборан кучга киради.

1. 2-банднинг иккинчи хатбошиси, 3 ва 4-бандлари, 6-банднинг биринчи ва иккинчи хатбошилари, 42-банднинг биринчи хатбошиси, 178 ва 186-бандлари, 1-илованинг «Архив бўйича» бўлими VIII/12-позицияси, 1а-илованинг «Архив бўйича» бўлими IV/8-позицияси ва 1б-илованинг «Архив бўйича» бўлими VII/12-позицияларидаги «қонун» деган сўз «қонунчилик» деган сўз билан алмаштирилсин.

2. 9-бандда:

биринчи хатбошидаги «адлия вазирининг буйруғи билан вазирликнинг Ишлар бошқармаси» деган сўзлар «Ўзбекистон Республикаси Адлия вазирлиги ҳузуридаги Давлат хизматлари агентлиги (бундан буён матнда Агентлик деб юритилади) директорининг буйруғи билан Агентлик» деган сўзлар билан алмаштирилсин;

иккинчи хатбошидаги «Ишлар бошқармаси» деган сўзлар «Агентлик масъул ходими» деган сўзлар билан алмаштирилсин;

учинчи хатбоши чиқариб ташлансин;

тўртинчи хатбоши учинчи хатбоши деб ҳисоблансин.

3. 11-бандда:

иккинчи хатбошидан «туман (шаҳар) ҳокимликларида, туман (шаҳар) ҳокимликларидан қабул қилинган гербли гувоҳномалар» деган сўзлар чиқариб ташлансин;

учинчи хатбоши қуйидаги таҳрирда баён этилсин:

«Ўзбекистон Республикасининг консуллик муассасалари ҳамда Ўзбекистон Республикаси дипломатик ваколатхоналарининг консуллик бўлимларининг (бундан буён матнда консуллик муассасалари деб юритилади) гербли гувоҳномалар билан, эҳтиёжига қараб, Тошкент шаҳри учун тайёрланган сериядаги гербли гувоҳномалар ҳисобидан Ўзбекистон Республикаси Ташқи ишлар вазирлиги орқали таъминланади.».

4. 12-банд қуйидаги таҳрирда баён этилсин:

«12. Агентликнинг ҳудудий бошқармасида гербли гувоҳномаларни ФҲДЁ органларига (Агентликнинг Тошкент шаҳар ҳудудий бошқармасида Ўзбекистон Республикаси Ташқи ишлар вазирлигига ҳам), ФҲДЁ органларида эса ҚФЙларга тарқатиш дафтарлари юритилади. Қоғоз шаклидаги дафтарлар рақамланган, ип ўтказиб тикилган ва Агентликнинг ҳудудий бошқармаси раҳбари ёки ўринбосари томонидан унинг фамилияси, исми, отасининг исми ва сана кўрсатилган ҳолда имзоланиб, муҳрланган бўлиши лозим.».

5. 13-банднинг иккинчи хатбошиси қуйидаги таҳрирда баён этилсин:

«Гербли гувоҳномалар Агентликнинг ҳудудий бошқармасидан тўғридан-тўғри ФҲДЁ органлари раҳбарларига, улар вақтинча бўлмаганида (хизмат сафари, меҳнат таътили, касаллик ва ҳ. к.) тегишли буйруқ билан уларнинг вазифасини бажариш вақтинча юклатилган ходимга Гербли гувоҳномаларни тарқатиш дафтарига (5-илова) юк хати талабномаси асосида уларнинг лавозими, фамилияси ёзилиб, имзо қўйдирган ҳолда топширилади ва бу ҳақда электрон ахборот тизимига маълумот киритилади. Юк хати талабнома билан берилган гербли гувоҳнома бланкалари сарф қилинганидан кейин ҳисобдан чиқарилади.».

6. 15-банддан «ҳокимликда ҳокимнинг масъул ўринбосари,» деган сўзлар чиқариб ташлансин.

7. 16-банд қуйидаги таҳрирда баён этилсин:

«16. ФҲДЁ органлари томонидан Агентликнинг ҳудудий бошқармасидан гербли гувоҳномаларни қабул қилиб олишда комиссия аъзолари иштирокида ҳар бир гувоҳнома ўрами алоҳида очилган ҳолда текшириб кўрилади. Гувоҳномаларнинг етишмаслиги ёки нуқсонлар борлиги (ҳимоя катакларининг ва босма матннинг йўқлиги ёки бузилганлиги, тартиб рақамларининг такрорийлиги ёхуд бошқа сериялар ёки тартиб рақамлари бўлган, нотўғри шрифтли, нотўғри кесилган ва нотўғри шаклли, серия ва тартиб рақамлари йўқ бўлган ёки ўрам ёрлиғига бошқача тарзда номувофиқ бўлган гувоҳномалар) аниқланган тақдирда, комиссия томонидан уч нусхада далолатнома тузилади ва шу куннинг ўзида Агентликка бу ҳақда хабар юборилади. Далолатноманинг биринчи нусхаси ўрам ёрлиғининг ксеронусхаси билан Агентликнинг ҳудудий бошқармасида қолдирилади. Далолатноманинг иккинчи ва учинчи нусхалари нуқсонли гувоҳномалар чиққан ўрам ёрлиғи, нуқсони бор гувоҳномалар илова қилинган хат билан уч кун ичида Агентликка жўнатилади. Бунда далолатноманинг иккинчи нусхаси Агентликнинг Моддий-техника таъминоти бўлимида қолдирилади, учинчи нусхаси ўрам ёрлиғи ва нуқсони бор гувоҳномалар билан «Давлат белгиси» ДИЧБга юборилади.».

8. 17-банднинг иккинчи хатбошиси қуйидаги таҳрирда баён этилсин: «Агентликнинг ҳудудий бошқармасидан қабул қилинган гербли гувоҳномалар ФҲДЁ органлари томонидан ва ФҲДЁ органларидан қабул қилинган гербли гувоҳномалар ҚФЙлар томонидан шу куннинг ўзида уларнинг ҳисобга олиниши, сарфланиши ва сақланиши учун масъул шахс томонидан кирим қилинади.».

9. 18-банднинг биринчи хатбошиси қуйидаги таҳрирда баён этилсин:

«18. ФҲДЁ органида гербли гувоҳномаларнинг ҳисобга олиниши, сарфланиши ва сақланиши учун масъул шахс ўзгарган ҳолларда гербли гувоҳномаларни ва уларнинг ҳисобот ҳужжатларини қабул қилиш-топшириш ишлари Агентликнинг ҳудудий бошқармаси раҳбарининг ўринбосари иштирокида амалга оширилади ва бу ҳақда икки нусхада далолатнома тузилган пайтдан бошлаб гербли гувоҳномаларни ҳисобга олиш, сақлаш ва сарфлаш масъулияти янги масъул ходим зиммасига юклатилади. Далолатноманинг бир нусхаси ФҲДЁ органида, иккинчи нусхаси Агентликнинг ҳудудий бошқармасида сақланади.».

10. 19-банднинг иккинчи хатбошисидан «, туман (шаҳар) ҳокимликлари» деган сўзлар чиқариб ташлансин.

11. 21-банднинг иккинчи хатбошисидаги «давлат нотариал идоралари» деган сўзлар «нотариал идоралар» деган сўзлар билан алмаштирилсин.

12. 49-банд қуйидаги таҳрирда баён этилсин:

«49. 16 ёшдан ошган тиббий муассасадан ташқарида ва тиббий ёрдамсиз туғилган болага нисбатан тиббиёт муассасаси томонидан туғилганлик ҳақидаги маълумотнома расмийлаштирилмаган шахсларнинг туғилганлигини қайд этиш суднинг ҳал қилув қарори асосида амалга оширилади.

Агар бола 16 ва ундан катта ёшда бўлса ва унга нисбатан тиббиёт муассасаси томонидан расмийлаштирилган туғилганлик ҳақидаги тиббий маълумотнома мавжуд бўлса, унинг туғилиши ота-она ёки улардан бири ва вояга етган боланинг аризасига кўра қайд этилади.».

13. 52-банд қуйидаги таҳрирда баён этилсин:

«52. Туғилганлик ҳақида далолатнома ёзуви тўлдирилгач, ариза берувчи томонидан ўқиб чиқилиб имзоланади ва унга шу вақтнинг ўзида туғилганлик ҳақида гувоҳнома берилади.

Бунда, белгиланган тартибда тегишли нафақа тайинланиши учун туғилганлик ҳақида хабарнома масъул ходим томонидан Ўзбекистон Республикаси Молия вазирлиги ҳузуридаги бюджетдан ташқари Пенсия жамғармасининг туман (шаҳар) бўлимига электрон ахборот тизими орқали юборилади.».

14. 61-банд қуйидаги таҳрирда баён этилсин:

«61. Топиб олинган (ташлаб кетилган) боланинг туғилганлигини қайд этиш ички ишлар, васийлик ва ҳомийлик органлари, бола жойлашган муассаса маъмурияти ёки тиббиёт муассасасининг аризасига биноан амалга оширилади. Болани топиб олган шахс бу ҳақда йигирма тўрт соат мобайнида ушбу тумандаги ички ишлар органига ёки васийлик ва ҳомийлик органига хабар бериши керак.

Ички ишлар, васийлик ва ҳомийлик органлари, бола жойлашган муассаса ёки тиббиёт муассасаси маъмурияти бола топилганидан кейин етти иш кунидан кечикмаган муддатда шу ҳудуддаги ФҲДЁ органларига топиб олинган (ташлаб кетилган) болани қайд этиш ҳақида мурожаат этишлари шарт.

Топиб олинган (ташлаб кетилган) бола туғилганлигини қайд этиш ҳақидаги ариза (18-илова) билан бир пайтда:

ички ишлар органи ёки васийлик ва ҳомийлик органининг боланинг топиб олинган вақти, жойи ва топиб олинган пайтдаги ҳолати тўғрисида бола топиб олинган вақтда тузилган далолатномаси;

тиббий муассасанинг топиб олинган (ташлаб кетилган) боланинг ёши, жинси, вазни ва бўйи ҳақидаги маълумотномаси (хулосаси) тақдим этилиши зарур.

Топиб олинган (ташлаб кетилган) боланинг туғилганлик ҳақидаги далолатнома ёзувига ота-онасининг фамилияси, исми ва миллати тўғрисидаги маълумотлар ушбу банднинг иккинчи хатбошисида санаб ўтилган органларнинг кўрсатмалари асосида киритилади. Бундай ҳолда боланинг ва унинг ота-онаси сифатида кўрсатилган шахсларнинг фамилияси бир хилда ёзилади.

Онаси томонидан ташлаб кетилган болани қайд этиш бола жойлашган тиббиёт муассасаси ёхуд бола жойлашган жойдаги васийлик ва ҳомийлик органи аризасига мувофиқ, боланинг онаси томонидан ташлаб кетилганидан 7 кун ўтмасдан амалга оширилади. Онаси томонидан ташлаб кетилган болани қайд этиш учун ариза билан бир пайтда:

туғруқ бўлиб ўтган ёки туғруқдан кейин она мурожаат қилган тиббиёт муассасаси томонидан берилган туғилганлик ҳақида белгиланган шаклдаги ҳужжат;

бола жойлашган тиббиёт муассасаси томонидан берилган болани ташлаб кетиш тўғрисидаги далолатнома тақдим этилиши зарур.

Онаси томонидан ташлаб кетилган боланинг фамилияси, исми, ота исми тўғрисидаги маълумотлар, шунингдек ота-она тўғрисидаги маълумотлар туғилганлик ҳақидаги далолатнома ёзувига юқорида кўрсатилган органларнинг кўрсатмасига биноан киритилади. Бундай ҳолда боланинг ва унинг ота-онаси сифатида кўрсатилган шахсларнинг фамилияси бир хилда ёзилади.

«Белгилар учун» устунига «Бола топилган» ёки «Ташлаб кетилган» деб ёзилади ва ота-онаси ҳақидаги маълумотлар кимнинг кўрсатмасига асосан ёзилганлиги кўрсатилади.».

15. 81-банд қуйидаги мазмундаги хатбоши билан тўлдирилсин:

«Ариза дафтарда қайд этилгандан сўнг ФҲДЁ органи никоҳланувчи шахсларнинг яшаш жойидаги маҳалла фуқаролари йиғинини хабардор қилиш учун шу куннинг ўзида маълумотнома тақдим этади.».

16. 107-банднинг иккинчи хатбошиси қуйидаги таҳрирда баён этилсин:

«ФҲДЁ органи эр-хотинни яраштириш бўйича тегишли чоралар кўриш учун эр-хотиннинг бирга яшаш жойидаги фуқаролар йиғинининг оилавий қадриятларни мустаҳкамлаш комиссиясини, агар улар бирга яшамаётган бўлса, ҳар бирининг яшаш жойидаги фуқаролар йиғинининг оилавий қадриятларни мустаҳкамлаш комиссиясини никоҳдан ажратиш тўғрисидаги ариза берилган кундан эътиборан уч кундан кечиктирмай ёзма равишда хабардор қилиши керак.».

17. 111-банднинг иккинчи хатбошиси чиқариб ташлансин.

18. 113-банд қуйидаги иккинчи хатбоши билан тўлдирилсин:

«Агар вояга етмаган вафот этган шахсга нисбатан ФҲДЁ органида туғилганлик ҳақидаги далолатнома ёзуви қайд этилмаган бўлса, вафот этган шахсга туғилганлик ҳақида далолатнома ёзуви қайд этилиб, бу ҳақда ариза берган шахсга маълумотнома берилади, шундан сўнг вафот этган шахсга нисбатан белгиланган тартибда ўлим ҳақидаги далолатнома ёзуви қайд этилади.».

19. 117-банд қуйидаги таҳрирда баён этилсин:

«117. Ўлим ҳақидаги далолатнома ёзуви қайд этилгач ариза берувчига ўлим ҳақида гербли гувоҳнома ҳамда дафн этиш жойига топшириш учун маълумотнома (43-илова) расмийлаштирилади ва мурожаат қилган шахсга тақдим этилади.

Бунда, белгиланган тартибда тегишли нафақа тайинланиши учун ўлим ҳақида хабарнома Ўзбекистон Республикаси Молия вазирлиги ҳузуридаги бюджетдан ташқари Пенсия жамғармасининг туман (шаҳар) бўлимига электрон ахборот тизими орқали юборилади.».

20. 163¹-банддаги «консуллик муассасасига» деган сўзлар «консуллик муассасаларига» деган сўзлар билан алмаштирилсин.

21. 166-банднинг учинчи хатбошиси қуйидаги таҳрирда баён этилсин:

«Далолатнома ёзувларидан нусхалар (кўчирмалар) ҳокимликлар, Агентлик, суд, ҳуқуқни муҳофаза қилувчи органлари, иш юритувида мавжуд бўлган ишлар муносабати билан нотариуслар, шунингдек ФҲДЁ органлари, васийлик ва ҳомийлик органлари ва консуллик муассасаларининг сўровига кўра берилади (юборилади).».

22. 176-банддаги «Ўзбекистон Республикаси консуллик муассасаларининг» деган сўзлар «консуллик муассасаларининг» деган сўзлар билан алмаштирилсин.

23. 178-банддан «ҳокимлик ва» деган сўзлар чиқариб ташлансин.

24. 180-банддан, 1-илованинг «Иш режалар, топшириқлар ва уларнинг ижроси бўйича» бўлими Х/3-позициясидан ва 1а-илованинг «VI. Иш режалар, топшириқлар ва уларнинг ижроси бўйича» бўлими VI/3-позициясидан «ҳокимлик,» деган сўз чиқариб ташлансин.

25. 42а-илова ўз кучини йўқотган деб топилсин.