Ўзбекистон Республикаси Олий Мажлиси Қонунчилик палатасининг 2020 йилдаги фаолияти якунларига кўра халқ манфаатларини ҳимоя қилишда фаоллик кўрсатганлиги, ўз сайловчилари билан доимий мулоқотда бўлганлиги, жисмоний ва юридик шахсларнинг мурожаатларини кўриб чиқишда, ўз сайлов округидаги муаммоларни бартараф этишда депутат назоратидан фаол фойдаланганлигини инобатга олиб, шунингдек Ўзбекистон Республикаси Олий Мажлиси Қонунчилик палатаси депутатларини маънавий ва моддий рағбатлантириш бўйича комиссия тавсиясига мувофиқ Қонунчилик палатасининг Кенгаши киритган таклифга асосан Ўзбекистон Республикаси Олий Мажлисининг Қонунчилик палатаси қарор қилади:

1. Ўзбекистон Республикаси Олий Мажлиси Қонунчилик палатасининг депутати Расул Хидралиевич Кушербаевга «Халқпарвар депутат» мақоми берилсин.

2. Ўзбекистон Республикаси Олий Мажлиси Қонунчилик палатасининг депутати Р.Х. Кушербаевга «Халқпарвар депутат» гувоҳномаси ҳамда базавий ҳисоблаш миқдорининг беш баравари миқдорида бир марталик пул мукофоти берилсин.

3. Тадбиркорлар ва ишбилармонлар ҳаракати — Ўзбекистон Либерал-демократик партиясига Р.Х. Кушербаевни Ўзбекистон Республикаси Олий Мажлиси Қонунчилик палатасига бўлиб ўтадиган кейинги сайловларда депутатликка номзод сифатида кўрсатиш тавсия этилсин.

4. Ушбу Қарор қабул қилинган кундан эътиборан кучга киради.