Ўзбекистон Республикаси Олий Мажлиси Қонунчилик палатасининг Кенгаши шуни қайд этадики, Халқаро ишлар ва парламентлараро алоқалар қўмитаси 2018 йилдаги ўз фаолиятини Палата ва Қўмита иш режаларига мувофиқ ташкил этиб, иш режаларида белгиланган вазифалар бажарилишига эришиш чораларини кўрган. Бироқ қўмитанинг мамлакатимизда ташқи сиёсат соҳасида олиб борилаётган ислоҳотларда Қонунчилик палатасининг бевосита иштирокини таъминлаш, парламент назоратини кучайтириш борасида олиб бораётган фаолиятида ташаббускорлик ва изчиллик етишмаяпти. Шу билан бирга, Қўмита Ўзбекистон Республикаси Президенти Ш.М. Мирзиёевнинг 2018 йил 28 декабрдаги Олий Мажлисга Мурожаатномасида белгиланган вазифалардан келиб чиқиб ҳамда Кенгаш мажлисида билдирилган таклифларни инобатга олган ҳолда келгусидаги ўз фаолиятини янада жонлантириши зарурлиги таъкидлаб ўтилди. Хусусан, Ўзбекистоннинг ташқи сиёсатини шакллантириш ва амалга ошириш, Қонунчилик палатасининг бошқа давлатлар парламентлари билан парламентлараро гуруҳлари ўртасидаги алоқаларни мустаҳкамлаш ҳамда мунтазам сиёсий мулоқот олиб бориш, шу орқали барча йўналишлар бўйича ўзаро ҳамкорликни кенгайтириш ва ривожлантириш, ташқи сиёсат ва ташқи иқтисодий алоқаларга масъул бўлган вазирлик ва идоралар раҳбарларини Қўмита ва Палата мажлисларида эшитувларини, парламент сўровлари юборилишини ташкил этиш, парламентлараро тузилмаларда ўз ишини фаоллаштириш ва халқаро алоқалар соҳасида олиб борилаётган ислоҳотларни амалга оширишга оид қонун ҳужжатларини такомиллаштириш Қўмита фаолиятида устувор вазифа бўлиши лозим.
1. Ўзбекистон Республикаси Олий Мажлиси Қонунчилик палатаси Халқаро ишлар ва парламентлараро алоқалар қўмитасининг 2018 йилдаги фаолияти тўғрисидаги ахбороти маълумот учун қабул қилинсин.
2. Ўзбекистон Республикаси Олий Мажлиси Қонунчилик палатасининг Халқаро ишлар ва парламентлараро алоқалар қўмитасига белгиланган вазифалардан келиб чиққан ҳолда иш фаолиятини қайта танқидий кўриб чиқсин ҳамда мамлакатимизнинг ташқи сиёсат соҳасидаги ислоҳотларни амалга ошириш борасида бевосита иштирокини кучайтирсин.
мамлакатимизда қабул қилинаётган қарорларнинг, давлатимиз раҳбарининг хорижий мамлакатларга ташрифлари доирасида эришилган ҳамда имзоланган халқаро келишув ва шартномаларнинг масъул вазирлик ва идоралар томонидан ижро этилиши устидан таъсирчан парламент назоратини таъминласин, бунда парламент назоратининг барча шаклларидан самарали фойдаланилсин;
Ўзбекистон Республикаси Олий Мажлиси Қонунчилик палатасининг парламентлараро гуруҳ раҳбарлари ва аъзолари хорижий давлатлар парламентларининг парламентлараро гуруҳлари билан ҳамкорликни мустаҳкамлаш, кенгайтириш ва ривожлантиришда ташаббускорлигини оширсин;
Кенгаш йиғилишида билдирилган фикр-мулоҳазаларни эътиборга олган ҳолда, 2019 йил учун иш режасини ишлаб чиқсин ва унинг бажарилишини таъминласин.