Бюджет ва иқтисодий ислоҳотлар қўмитасининг Ўзбекистон Республикаси Олий Мажлиси Қонунчилик палатаси томонидан 2020 йил 14 октябрда биринчи ўқишда қабул қилинган «Ўзбекистон Республикасининг Солиқ кодексига қўшимча киритиш тўғрисида»ги ҚЛ-701-сонли Ўзбекистон Республикаси қонуни лойиҳасини рад этиш ҳақидаги таклифини кўриб чиқиб ҳамда Ўзбекистон Республикаси Олий Мажлиси Қонунчилик палатаси Регламентининг 135¹ ва 135²-моддаларига мувофиқ Ўзбекистон Республикаси Олий Мажлисининг Қонунчилик палатаси қарор қилади:

1. Ўзбекистон Республикаси Олий Мажлиси Қонунчилик палатаси депутатлари К. Эрназаров, М. Қурбонбоев ва А. Умиров томонидан 2020 йил 12 октябрда киритилган «Ўзбекистон Республикасининг Солиқ кодексига қўшимча киритиш тўғрисида»ги ҚЛ-701-сонли Ўзбекистон Республикаси қонуни лойиҳаси рад этилсин.

2. Ушбу Қарор ҳамда Бюджет ва иқтисодий ислоҳотлар қўмитасининг хулосаси қонунчилик ташаббуси ҳуқуқи субъектига юборилсин.

3. Ушбу Қарор қабул қилинган кундан эътиборан кучга киради.