«Парламент назорати тўғрисида»ги Ўзбекистон Республикаси Қонунининг 14-моддасига мувофиқ Ўзбекистон Республикаси Олий Мажлисининг Қонунчилик палатаси қарор қилади:

1. «Ташқи реклама соҳасидаги фаолиятни тартибга солувчи қонунчилик ҳужжатларининг такомиллаштирилиш ва ижро этилиш ҳолати тўғрисида»ги Ўзбекистон Республикаси Олий Мажлиси Қонунчилик палатасининг парламент сўровига Ўзбекистон Республикаси Монополияга қарши курашиш қўмитаси раиси Н. Шарипов томонидан юборилган ёзма жавоб маълумот учун қабул қилинсин.

2. Парламент сўровида қўйилган айрим масалалар юзасидан тақдим этилган маълумотлар етарли даражада асослантирилмаганлиги, шунингдек бу борадаги муаммоларни келтириб чиқарувчи омилларни чуқурроқ ўрганиш заруратини инобатга олган ҳолда, ЎзЛиДеП фракцияси ҳамда Инновацион ривожланиш, ахборот сиёсати ва ахборот технологиялари масалалари қўмитасининг Ўзбекистон Республикаси Монополияга қарши курашиш қўмитаси билан бир қаторда бошқа вазирлик ва идоралар раҳбарларининг ҳам «Ташқи реклама соҳасидаги фаолиятни тартибга солувчи қонунчилик ҳужжатларининг такомиллаштирилиш ва ижро этилиш ҳолати тўғрисида»ги ахборотини «Парламент назорати тўғрисида»ги Ўзбекистон Республикаси Қонунининг 10-моддасига мувофиқ Ўзбекистон Республикаси Олий Мажлиси Қонунчилик палатасининг мажлисида эшитиш ҳақидаги таклифи қабул қилинсин.

3. Ўзбекистон Республикаси Олий Мажлиси Қонунчилик палатасининг Инновацион ривожланиш, ахборот сиёсати ва ахборот технологиялари масалалари қўмитаси парламент эшитувга тайёргарлик кўрилишини ва унинг ўтказилишини ташкил этсин.

4. Ушбу Қарор қабул қилинган кундан эътиборан кучга киради.