Ўзбекистон Республикаси Олий Мажлисининг Қонунчилик палатаси қарор қилади:

Ўзбекистон Республикаси Олий Мажлиси Қонунчилик палатаси мажлисининг қуйидаги кун тартиби тасдиқлансин:

1. «Ўзбекистон Республикасининг айрим қонун ҳужжатларига қўшимча ва ўзгартиришлар киритиш тўғрисида»ги ҚЛ-593-сонли Ўзбекистон Республикасининг қонуни лойиҳаси ҳақида (иккинчи ўқиш).

2. «Ўзбекистон Республикасининг Солиқ кодексига ўзгартиш ва қўшимчалар киритиш тўғрисида»ги ҚЛ-599-сонли Ўзбекистон Республикаси қонуни лойиҳаси ҳақида (биринчи ўқиш).

3. «Ўзбекистон Республикасининг Солиқ кодекси қабул қилиниши муносабати билан Ўзбекистон Республикасининг айрим қонун ҳужжатларига ўзгартириш ва қўшимчалар киритиш, шунингдек айрим қонун ҳужжатларини ўз кучини йўқотган деб топиш тўғрисида»ги ҚЛ-600-сонли Ўзбекистон Республикаси қонуни лойиҳаси ҳақида (биринчи ўқиш).

4. «Давлат божи тўғрисида»ги ҚЛ-601-сонли Ўзбекистон Республикаси қонуни лойиҳаси ҳақида (биринчи ўқиш).

5. «Махсус иқтисодий зоналар тўғрисида»ги ҚЛ-602-сонли Ўзбекистон Республикаси қонуни лойиҳаси ҳақида (биринчи ўқиш).

6. Ўзбекистон Республикасининг 2019 йилги Давлат бюджети харажатларига ўзгартишлар киритиш тўғрисида.

7. Инсон ҳуқуқлари бўйича Ўзбекистон Республикаси Миллий маркази директори А. Саидовга «Инсон ҳуқуқлари бўйича Осиё форуми (Самарқанд шаҳри, 2018 йил 22-23 ноябрь) якунларига доир таклифлар ва тавсияларни амалга ошириш юзасидан «Йўл харитаси» тўғрисида»ги Ўзбекистон Республикаси Олий Мажлиси Қонунчилик палатаси Кенгаши ва Ўзбекистон Республикаси Олий Мажлиси Сенати Кенгашининг 2019 йил 2 февралдаги 2308-III/КҚ-501-III-сонли Қўшма Қарорининг ижро этилиши ҳақида» парламент сўрови юбориш тўғрисида.

8. Ўзбекистон Республикаси маданият вазири Б. Сайфуллаевнинг «Республикамиздаги мавжуд моддий маданий меърос объектларини тиклаш, сақлаш ҳамда муҳофаза қилиш мақсадлари учун Ўзбекистон Республикаси Давлат бюджетидан ва давлат мақсадли жамғармалари бюджетларидан ажратилаётган маблағлардан самарали фойдаланиш борасида олиб борилаётган ишлар тўғрисида»ги масала юзасидан Ўзбекистон Республикаси Олий Мажлиси Қонунчилик палатасининг парламент сўровига жавоби ҳақида.

9. Ўзбекистон Республикаси ахборот технологиялари ва коммуникацияларини ривожлантириш вазири Ш. Садиковнинг «Эркин иқтисодий зоналарда замонавий ахборот-коммуникация технологияларини ишлаб чиқариш борасида амалга оширилаётган ишлар ва бу соҳадаги мавжуд муаммоларни бартараф этиш бўйича кўрилаётган чоралар тўғрисида»ги Ўзбекистон Республикаси Олий Мажлиси Қонунчилик палатасининг парламент сўровига жавоби ҳақида.

10. Ўзбекистон Республикаси Олий Мажлиси Қонунчилик палатаси Кенгашининг қарорини тасдиқлаш тўғрисида.