Ўзбекистон Республикаси Олий Мажлисининг Қонунчилик палатаси қарор қилади:

Ўзбекистон Республикаси Олий Мажлиси Қонунчилик палатаси мажлисининг қуйидаги кун тартиби тасдиқлансин:

1. Ўзбекистон Республикаси Давлат бюджетининг ва давлат мақсадли жамғармалари бюджетларининг 2020 йил 9 ойидаги ижроси тўғрисида.

2. «Маданий фаолият ва маданият ташкилотлари тўғрисида»ги ҚЛ-532-сонли Ўзбекистон Республикаси қонуни лойиҳаси ҳақида (иккинчи ўқиш).

3. «Жиноят процессига жиноят иши бўйича дастлабки эшитув институти жорий этилиши муносабати билан Ўзбекистон Республикасининг Жиноят-процессуал кодексига ўзгартиш ва қўшимчалар киритиш тўғрисида»ги ҚЛ-693-сонли Ўзбекистон Республикаси қонуни лойиҳаси ҳақида (иккинчи ўқиш).

4. «Ўзбекистон Республикасининг Меҳнат кодексини тасдиқлаш тўғрисида»ги ҚЛ-677-сонли Ўзбекистон Республикаси қонуни лойиҳаси ҳақида (биринчи ўқиш).

5. «Давлат харидлари тўғрисида»ги ҚЛ-698-сонли Ўзбекистон Республикаси қонуни лойиҳаси ҳақида (биринчи ўқиш).

6. «Ўзбекистон Республикасининг Маъмурий жавобгарлик тўғрисидаги кодексига ўзгартиш ва қўшимчалар киритиш тўғрисида»ги ҚЛ-697-сонли Ўзбекистон Республикаси қонуни лойиҳаси ҳақида (биринчи ўқиш).

7. «Расмий статистика тўғрисида»ги ҚЛ-704-сонли Ўзбекистон Республикаси қонуни лойиҳаси ҳақида (биринчи ўқиш).

8. «Ўзбекистон Республикасининг Солиқ кодексига ўзгартиш ва қўшимчалар киритиш тўғрисида»ги ҚЛ-706-сонли Ўзбекистон Республикаси қонуни лойиҳаси ҳақида (биринчи ўқиш).

9. «Ярашув институти кенгайтирилиши муносабати билан Ўзбекистон Республикасининг Жиноят ҳамда Жиноят-процессуал кодексларига ўзгартиш ва қўшимчалар киритиш тўғрисида»ги ҚЛ-715-сонли Ўзбекистон Республикаси қонуни лойиҳаси ҳақида (биринчи ўқиш).

10. «Тиббий хизмат кўрсатиш билан боғлиқ касбий фаолиятни амалга ошираётган тиббиёт ходимларини ҳимоя қилиш мақсадида Ўзбекистон Республикасининг айрим қонун ҳужжатларига қўшимча ва ўзгартишлар киритиш тўғрисида»ги ҚЛ-575-сонли Ўзбекистон Республикаси қонуни лойиҳаси ҳақида.

11. «Ўзбекистон Республикаси қишлоқ хўжалигини ривожлантиришнинг 2020 — 2030 йилларга мўлжалланган стратегиясида белгиланган устувор йўналишларни амалга ошириш бўйича олиб борилаётган ишлар тўғрисида»ги Ўзбекистон Республикаси Олий Мажлиси Қонунчилик палатасининг парламент сўровига Ўзбекистон Республикаси Бош вазири ўринбосари Ш. Ғаниевнинг жавоби ҳақида.

12. «Ташқи реклама соҳасидаги фаолиятни тартибга солувчи қонунчилик ҳужжатларининг такомиллаштирилиши ва ижро этилиши ҳолати тўғрисида»ги Ўзбекистон Республикаси Олий Мажлиси Қонунчилик палатасининг парламент сўровига Ўзбекистон Республикаси Монополияга қарши курашиш қўмитаси раиси Н. Шариповнинг жавоби ҳақида.

13. «Олий ва ўрта махсус таълим муассасаларида олиб борилаётган ҳуқуқий таълим ва тарбия ишлари самарадорлиги тўғрисида»ги Ўзбекистон Республикаси Олий Мажлиси Қонунчилик палатасининг парламент сўровига Ўзбекистон Республикаси олий ва ўрта махсус таълим вазири вазифасини вақтинча бажарувчи У. Бегимқуловнинг жавоби ҳақида.