«Ўзбекистон Республикаси Олий Мажлисининг Қонунчилик палатаси тўғрисида»ги Ўзбекистон Республикаси Конституциявий Қонунининг 12-моддаси, шунингдек «Парламент назорати тўғрисида»ги Ўзбекистон Республикаси Қонунининг 14-моддасига мувофиқ Ўзбекистон Республикаси Олий Мажлисининг Қонунчилик палатаси қарор қилади:

1. Ўзбекистон Республикаси Олий Мажлиси Қонунчилик палатасининг Фуқароларнинг соғлиғини сақлаш масалалари қўмитасининг таклифи қабул қилинсин ва Ўзбекистон Республикаси Бош вазирининг ўринбосари — молия вазири Ж. Қўчқоровга Ўзбекистон Республикаси Олий Мажлиси Қонунчилик палатасининг «Қашқадарё вилояти болалар кўп тармоқли тиббиёт марказида дори воситалари ва тиббий буюмлар таъминоти соҳасидаги муаммоларни бартараф этиш чора-тадбирлари тўғрисида»ги парламент сўрови юборилсин.

2. Ушбу Қарор қабул қилинган кундан эътиборан кучга киради.